نظرة الناس للامريكي والياباني

8
8
8


الناس لو تطيعها وتاخذ في رايها خلوك تصفي على سيكل


انا عاندت ربعي في القراند شروكي وقلت اباخذه

والحمد لله الان له معي 3 سنوات ماخليت مكان مارحت له في موتري
ما اشتكى شي ماعدى مره خربت طرمبه البنزين وغيرتها اصلي صحيح طلعت غاليه شوي لاكن خلاص ماعاد خربت

والباقي اعطال استهلاكيه

وهو اقوى الجيوب واريحها واقلها صرفية بنزين لاكن سمعته مع ذالك في الحطيط ليه ما ادري

الناس تمشي مع الصوت العالي والاند عندنا هو الفايز بالسمعه وهو مافيه عيب لاكن فيه الاجدر منه من وجهة نظري

ياخوي جيبولي جيب بي ام دبليو x5 ومستعد اقطع فيه دروب الاند كلها

انا من كم يوم قاعد ادور سيارة وحاط عيني على الكراون فكتوريا
وزارني ابن خالي امس واستشرته في شرائها وقعد يعدد لي عيوبها حتى كرّهني فيها
قلت طيب وش تنصحني اشتري قال اشتر (الباث فايندر) وقعد يمدح في الباث فايندر لأنه عنده واحد
قلت له روح انت والباث فايندر حقك ماني مقتنع فيه
وما راح اشتري الا الكراون فيكتوريا

اخواني الاعزاء
خذوها من مجرب جربت في حياتي 5 سيارات يايانبة منها 3 جيوب باترول ولاندكروزر وباجيروا واكثر واجد جلس معي الاند حوالي 3 سنوات وكنت اعتقد فيه اعتقاد جازم حتى ربنا قدر لي واخذت الامريكي الي معي حاليا الاكسبدشن,,فرق شاسع في كل شئ الراحة النعومه الرساوه متعة القيادة القوه الوسع والشكل الخارجي فعلا انا في راي الناس الي متمسكه في الياباني وتدافع عنه لثلاث اسباب:
1- اما شخص ما جرب الامريكي تجربه فعليه مقنعة تخليه يشعر بالفرق
2-او انه راعي بر يعني حياته كلها في البر وتعود على قيادة الجيب الياباني.
3-او شخص ما شي على كلام الناس العام والسمعة بدون سماع جميع الاطراف والخبرات
وانا اذكر من هؤلاء الناس شخص نصحوه اخوانه ياخذ لاند جي اكس ار ولما جاء ياخذ اتوماتيك قالو له لا خذ العادي لك وللزمن ,, المهم انه راعي خط جده الرياض يقول كل ما اسافر ارجع وظهري منتهي وعلى فكره هذه ليست الشكوى الوحيده الي سمعت الحاصل لما ركب معي قال ما شاء الله فرق وعلى الفور قرر البيع والشراء امريكي
اما من يقول شيك في الجيب واشتري سياره معينه عشان تجيب لي سعر اقول له يا خي الكريم الشخص لما يفكر في الاستثمار مو يستثمر على حساب راحته وراحة عياله الي يبغى يحافظ على فلوسه خليه على سيارته القديمه ويستثمر في شئ ينمي ماله
واخير نفس الشئ صار معنا بالنسبه لموضوع الاند الوالد اخذ موديل 2004 توه كان 2005 نازل من سنه ب 144000 وسعره اصلا 187000 يعني نزول جامد في السعر هذا واحنا واخذينه من الشركة يعني حسبوه على الي باعه بكم؟

العزة لليوكن

كل إنسان له نظرته الخاصه بالشركه اللي تعجبه فيه ناس تفضل التايوتا على كل شئ ويقولك يمسك سعره ومن

هل الكلام وفيه ناس متمسكه بالامريكي ولو ينزل سعره طبعا السبب الراحه والفخامه والقوه الجباره طبعاً ما أتكلم على الموديلات القديمة

والسلام خير الختام

خذ امريكي ولا عليك من احد

السيارات الاقل خسارة هي الكامري بدون منازع تدرون ليش؟
لانها الاكثر طلبا في السعودية والخليج
انا ولد خالي شرى كامري 2005ب62 الف ريال ماشية 12500 كم
وباعها بعد شهرين على نزلة 2006 ب61 الف ريال يعني انه خسران بس الف ريال
وسعرها وهي جديدة 65000 ر يال ..............

اشكركم يا اخواني على التفاعل في هذا الموضوع
|3|

كلام صحيح ويقولك يمسك سعره وهو طايحن منه بين 30000و40000 ريال
اقول امحق مسكه

أشوف الناس بدت تغير تفكيرها للأفضل و تبطل سياسة (القطيع) اقدر اسميها
يا اخوان الواحد عقله في راسه و هو اللي يحدد احتياجاته للسيارة و لا يحتاج انه يمشي مع الناس دون تفكير
هل سيارات تويوتا لازم الواحد ياخذها بدون تفكير ؟؟أعتقد الناس بدت تعرف الجيد و غير الجيد بدون تأثير

ممكن نحسبها بطريقة رياضية
فمثلا الكروزر
(140000/170000)*100 = 81% يعنى نقص من سعره =19 %

اليوكن
(95000/108000)*100= 87 يعنى نقص من قيمتة = 13 %

اشوف هذه اعدل طريقة لمعرفة ما تخسرة السيارة من قيمتها بعد البيع بغض النظر عن ماركتها وطلب السةق عليها

فعلا اليوكون اثبت جدارته ونجاحه
في يوم من الايام كنت اتكلم مع شريطي امدح له اليوكون قلت له لكن المشكله منكم يالشريطيه ياتكون السيارة تويوتا والا تطيحون سعرها
قال لي :
كلامك هذا قديم ولا فيه شي من الصحة ؟
قال: الحين لما تشتري يوكون جديد
اوت شتريي اي جيب ثاني ......
روح بعها بعد سنه شوف كم نزل من سعر اليوكون وشوف كم نزل من سعر السيارة الثانية
راح يكون اليوكون ماسك سعره اكثر
وقال لي على فكره اليوكون عليه طلب كبير حتى انه قبل فتره نفذت جميع الكميات الي في الوكاله

كلام سليم

فالطلب المتزايد على سيارات تويوتا وهوندا هو الذي يجعل سعرها متماسك نوعاً ما مقارنة بغيرها

وكذلك اليوكن دون باقي الفأت الامريكية فستجد انها تخسر الكثير من سعرها

واعتقد ان الرغبة المرتفة في اقتناء سيارات تويوتا وهوندا هو وجود الزبون مباشرة وقت البيع وفي وقت قصير مقارنة بباقي السيارات التي قد يضطر صاحبها الى عرضها للبيع لعدة اسابيع ولذلك تسمى سيارت شيك في الجيب

بشكل عام السوق عرض وطلب,,
وهذا اللي يحدد السعر
الطلب الكبير على اليوكون هو بسبب سعره الرخيص نسبيا مقارنة مع الـGX-R
وليست قاعدة صحيحة ان الياباني يمسك والامريكي يطيح
مثلا هناك سيارات يابانية اسعارها تطيح بسرعة بعد الاستعمال, مثل الميتسوبيشي والسوبارو
والسبب انه عند البيع الواحد مايحصل لها زبون بسرعة

^
^
^
ياروحي ياليوكن اثاريك مجرم وتتعامل مع السوق السوده والممنوعات :D

السلام عليكم اخواني
في أحد الأيام حبيت أستفسر عن سيارات الدفع الرباعي في المعارض وماهو الأفضل مع علمي أنهم بيقولون (تايوتا) ولكن لقيت أصحاب المعارض يقولون لي ياليت تلقى لنا يوكون دفرنسين وبنشتريه منك بسعر الوكالة وأكثر بعد قلت ليش قالوا نحن نسمي اليوكون (البودرة أو الهيروين) مع إعتذاري للفظ ولكني أنقل الكلام حرفيا ,المهم السبب كماقالوا أن اليوكون ما يجلس في الوكالة والطلب عليه شديد جدا وأكثر من اللندكروزر ,والمحصلة ياخواني أن الناس بدأت تفهم وتعلم أن التايوتا سعر مبالغ جدا فيه والأمريكي يعطيك الراحة والسعة والقوة الجبارة والشكل الجميل بسعر مغري يمكن نصف سعر اللاندكروزر مع أفضلية اليوكون ,

طيب اخوي انا سألت عن ال gxr الفل اوبشن تقريبا 135000 الى 140000 وهو سعره 170000 ريال جديد 2006 يعني طاح من سعره شي مهوب شوي
لكن الناس يشوفون ان سعره ما زال فوق 100000 ريال فيجي بباله انه الى الحين ما طاح من سعره شي لكن لو يفكر يلى انه طاح منه شي مهوب شوي
اليوكن سعره 108000 ريال جديد فاذا طاح من سعره لازم يكون تحت 100000 ريال
حتى لو صار 99000 ريال يقولون الناس شفت انه طاح من سعره لانه نزل تحت 100000 ريال