اليوكن و gxr2 الفروقات بدون تعصب يارجال

اليوكن توه نازل الشكل الجديد يعني تشتريه الحين بيجلس معك اقل شي 7 سنوات على نا يتغير شكله

اما الاند كروزر تراه حولك كم له ما تغير ............. اكيد بيتغير بعد 2 بالكثييييييييييييييييير

صحيح فيه تخفيض على gxr2 اخر الشهر ؟؟؟؟؟

شئ معروف ان الاند كروزر افضل من الجموس.
وتدوم معك سيارة مكدة ومكينتها قوية يكفي انك تحتاجها باي وقت
طلعات البر بوقت الربيع والامطار وبالمدينة وسيارة كشخة ومطلوبة بكثرة
بس افضل GX-R احسنلك اذ كنت اتفكر بالبنزين لانها6سلندر واما اذا عندك امكانية تشتري VX-R 2004
افضل بالمواصفات من GX-R ........

عندنا مشكلة التعميم يعني اذا عجبني ميزة معينة فالسيارة لا يعلى عليها و اذا ما عجبني ميزة معينة فالسيارة ما تسوى يا إخوان خلوكم منصفين شوي شوفو المميزات كلها و العيوب كلها و قارنو و كل واحد و هو وحاجته
يعني واحد ساكن في المدن و لا يروح طرق وعرة و لا شي يبغى له سيارة كشخة و واسعة حتى بدون دبل فأحسن له اليوكون و واحد يروح البر و يطعس و يبغى له سيارة جامدة و دفع رباعي أكيد اللاند كروزر

بصراحة استغرب من بعض الردود اللي تقول : هذا افضل من ذاك
وبدون اي زيادة
يعني ياشباب اللي يبي يقارن يقول ايش النواحي اللي تفوقت فيها سيارة عن الاخرى,,

سيم سيم .

نصيحة لوجه الله ومن واقع تجربتي للسيارتين وبدون تعصب اليوكون افضل من اللاندكروزر

ما راح تلقى أفضل من الياباني.. واسأل مجرب..
السيارات الامريكيه تتفكك بسرعه وتحتاج تربيط كل فتره .. وبعدين نوعية المواد المستخدمه في الابواب والطبلون رديئه جدا واعتقد انه ارخص انواع البلاستيك
لكن تويوتا فيها قوه وفخامه ونوعية المواد المستخدمه ممتازه .. العيب الوحيد في اللاندكروزر شكله ممل وتشوفه في كل مكان.. يعني اذا انت مهتم بالشكل لا تاخذه.. وخذ اليوكن2007 اما اليوكن2006 فشكله مثل اللاندكروزر غير ملفت وكلاسيكي جدا سواء من الامام او الخلف..

يعني باختصار انت تهمك نظرة الناس لسيارتك خذ يوكن2007
يهمك الصبر والجوده والاعتماديه والسعر المرتفع عند البيع خذ تويوتا

والله يوفقك للقرار الصائب..


تحياتي

اخوي لكزس تبي يوكن الشكل القديم اللي اخر موديل له 2006
او الشكل الجديد 2007, اللي بيمتد لثمان سنوات.

عموما كل الخيارين اللي ذكرتهم افضل من GXR بس يمكن اليوكن2006 يتعادل او يقل عن GXR
في مسألة الطعوس, لكن الراحة والفخامة من صالحه.

الله يوفقكم ياشباب والله يدلني للخير والاصلح ,,,,,,,

صراحة معاك حق شئ يحير
لكن أنا ملاحظ كثير من زملائي غيروا gxr باليكون
واليكون 2007 شي فوق الوصف أضم صوتي لليوكن

اخي اسال الله ان يرشدك لاتخاذ القرار الصائب وان يعينك

بالنسبة لليوكون انا شاريه قبل شهر من الوكالة 125 الف وحسب علمي انه مخلص من الوكالات لكنه متواجد بكثرة في المعارض ( على الزيرو ) اقصد معارض النسيم بالرياض اذا انت من اهل الرياض

فر اليوم ا العصرية على المعارض

وتحياتي

والله يا شباب من جد الموضوع محير جدا
يوكن أو لاند VXR أو حتى GXR
خاصة للي مثلى مدينة صغيرة ما فيها وكالة والبر حذفة عصى
يعني ياخوي مشتاق16 آخذ يوكن وهل أجد الآن فل كامل 2006
لأنه مثل ما قال الأخ العزيز mr.rosk اليوكن 2007 يبي صبر لا يقل عن ثلاث شهور غالي وتحت التجربة
والسؤال مرة أخرى وهل أجد الآن فل كامل 2006 وكم قيمته :)

اخوي مع كامل احترامي لك وخوفك على قريشاتك [فلوسك ] لا تنسى اخوي ان اللاند كروزر واللكزز بيتغيرون قريبا جدا اما بالنسبة لليوكن بيمتد لثمان سنوات قدام وانصحك اخوي اذا توفقت ونال اعجبك اليوكن انك تصبر شوي لان الدفعة الاولى تكون فيها من العيوب وبذالك يتجنبون هذه العيوب في الدفعات القادمة والله يوفقك|3|

شف اخوي احرص على الجديد واترك عن البربسة اللي مالها داعي تحط 120000 الف في مستعمل !!!!

متى تنتهي عندنا اسطوانة التويوتا اللي افرغت جيوبنا

صحيح لاندكروزر جيد ولا عليه غبار بس خلالالالاص كفاية استغفال للناس كأن مافيه سيارة الا هالسيارة اللي تقول اتوبيس

اخوي احرص على الجديد وبس

وتحياتي

بعد أذن صاحب الموضوع :)
يمكن مداخلتي تفيد صاحب الموضوع

أنا معكم اليوكن يتفوق من ناحية الراحة
حتى أنها مؤخرا تمسك سعرها
لكن التحمل والصبر الياباني أفضل
وأنا كنت مقرر أخذ 2006 جديد
لكن عدلت إلى VXR
ولان قدامي واحد محدود بـ 85 ألف
سعودي اللون فضي ماشي 80 ألف رقم 2 موديل 2001
هل آخذه ؟؟
أو أدور موديل أجدد VXR طبعا لان GXR ما خش مزاجي
أو آخذ يوكن 2006 ؟؟؟؟
علما بأنه أقدر أحصل موديل VXR 2004 رقم 2 نظيف بقيمة يوكن 2006 فل كامل

مايبي لها يالغالي اليوكون الجديد مهبول

مواصفات - شكل جديد - قوه - موتر خطوط ويدوم

وكل شي فيه اما الجي اكس ار مايجي منه الا الصرفيه والمواصفات الي الومينا ال اس اكثر منه (صيغة مبالغه)

حيا الله أهل جنوب الرياض :D
اذا كنت تتكلم اخوي عن اليوكون 2007
بدون أي كلام أكيد أكيد أكيد اليوكون افضل من الـ GXR
أما اذا كنت تتكلم عن 2006
من وجهة نظري أفضل اليوكون بدون شك عن الـ GXR !!
و 140000 ألف تجيب لك يوكون موديل 2006 فل اوبشن
أما GXR فسعره غاالي ولا يستاهل صراحة ً !!
الزبدة // اليوكون أفضل في كل شيء عن الـ GXR
ومبروووك مقدما :)