معروف كل مازادت درجة التظليله كل ما قل السعر لان الشفاف يحتاج الى مواد اكثر من الملون لا اللون الاسود يمتص بعض الحراراه فيخفف من كمية المواد الموضوعه في التظليله .....
كان معاي لاندكروزر وديته لفي كول قالولي 3500 ريال كامل السياره درجة 01 المهم ما ركبته ورحت محل تظليل اعرفه في صناعية العروبه ولقيت عندهم عازل للحراره سألته عن مصداقية هالعازل .. قالي جرب وشوف .... المهم ظللت الجيب كامل بـ 150 ريال والله العظيم ولا احلى منه بلا 3500 بلا بطيخ ....
هو المهم في العازل ان السياره تكون مظلله بالكامل يعني لو ظللت الموتر كله في كول اسود كاتم بدون الاماميه ... كأنك ما سويت شي لان الحراره والشمس راح تدخل من قدام وراحت فلوسك على الفاظي ....
وترا من تجربتي اذا لقيت عازل صدق في المحلات العاديه ركبه بـ150 ريال وريح عمرك .. وعشان ما يلعبون في الموضوع تراه ما يجي في كراتين زي التظليل العادي .. يجي لفه كبيره تكفي يمكن ارعه او خمس سيارات وبعدين ميزته نظيف جدا يعني ما يبين فيه التمشيخ والحكوك وانت من داخل الموتر كأن الموتر مو مظلل القزازه تجيك صافيه نظيفه كأنها مو مظلله ...
