ابي احد يعلمني الجاغوار S-type فيه عيوب او لا موديل 2000 - 2001 لو ماعليكم امر

F430 @user_33664 · 07-08-2006

السلام عليكم جميعنا

انا ناوي اشتري جاكوار اس تايب موديل 2000 او 2001 ياليت اللي يعرف بالنوع هذا

يعلمني شنو عيوبه ومزاياه واذا كان عنده اقتراح بسيارة ثانية

نتقبل اقتراحاتكم

وراح اكون شاكر لكم جداا

F430 @user_33664 صاحب الموضوع · 05-11-2006

خلاص انا خذيت جاكوار مالت احد الشيوخ من ال صباح

يقولون ماشي 40 الف كم و موديل 2001 وسعره والله صيده بـ 4000 دينار

والحين انا يمكن ابيعه لاني شريت لاند كروزر

بصراحة الجاكوار استعماله حلو ومريح لكن صج اللي قالولي يبيله واحد يدلعه

يعني مو مال كرف

ومشكورين على مروركم

دلوع الرياض @user_35035 · 15-09-2006

انصحك ابعد عن الجاكور كله مشاكل حتى قطع الغيار ماهي متوفره عند الوكاله بلله عليك وش تترجى من وراهم ؟ اتوقع المعلومه وصلت يلا سلام ^_^

q8y_80 @user_34014 · 15-09-2006

والله ما فى سياره فخمه موديل 99او 2000 بسعر جاغوار ارخص سياره هى الا بى ام بس نوعيات مو فخمه فا انصحك بالجاغوار بس يكون نظيف فحص من الدعاميه للدعاميه

بنز-وبس @user_32977 · 07-09-2006

السيارة حلوة بس عيبها مو اي ورشة تصلحها مثل المرسيدس ولكن المرسيدس في ورشات متخصصه لها لكن الجاغوار ماتوقع في يعني مالك الا الوكاله وانت تعرف الوكالات
قطع غيارها غاليه لكن ماتوصل الى سعر قطع المرسيدس والبي ام
بالنسبه الى علامة السيارة الي قدام ماتوقع توصل الى 3200 ريال
لنه لوكانت من فضه خالص مثل الرولز رويز مابتوصل الى ذا السعر..

need_for_speed @user_24217 · 07-09-2006

الجاغوار سياره حلوه ورهيبه ومش اي واحد بقودها
الصراحه عيوب فيها ما سمعت بس اني احكي الي سمعته
في واحد عنده جاغوار وانسرق تمثال النمر الموضوع على مقدمه السياره طلب التمثال من الوكاله و ثمنه بطلع 600 دينار يعني بالريال 3200 ريال ما بعرف هو صادق فيها او مبالغ بشكل خيالي
بس اعرف اتنين عندهم جاغوار ما احد اشتكى منها على العكس قمه في الراحه والمقود ما تحس انك ماسك مقود بتحسه خفيييف و السياره ثابته ابعد ما تتصور

في موضوع عن الجاغوار اس تايب في المنتدى اتطلع عليه

مدمن أسهم @user_23880 · 07-09-2006

معي جاكوار 2001 اس تايب ماشي تقريبا 60 الف...

خربت علي ماكينة القزازة.. والرديتر صلحته مرة.. غير كذا ما واجهت أية مشاكل...

لكن... وحط تحتها خط.. الوكالة سيئة للغاية.. أبي اشتري طفاية بنفس لون السيارة من الداخل لان الغطى مكسور لازم يطلبونها من لندن... ونفس الشي في قطع اخرى بسيطة.. الظاهر ما عندهم الا فحمات هههه

ثاني شي نصابين....في تشخيص مشكلة السيارة اذا كان فيها خراب... وبغيرون لك اشياء ما لها داعي ابدا..فلازم تتابع معهم اول باول..

قطع الغيار غالية شوي لكن ليست خرافية...

ونسيت اقول لك من العيوب ان قطع غيارها لا تجدها بسهولة.. الوكالة وعسى عندهم..

غير كذا السيارة كشخة ;)