القصة من بدايتها
انا من فترة كنت ادور على سيارة وحطيت عيني على الكراون فكتوريا لأنها داخلة مزاجي
ولان عائلتي كثيرين 4 اولاد وزوجتي والشغالة وما يسعنا الا الفورد
المهم استشرت الوالد والاخوان وكلهم ما وافقوا رايي قلت استشير اقاربي وكلهم خالفوني الراي
وقعدوا يسبون في الفورد
حتى وصل عدد من استشرتهم عشرة اشخاص وكلهم ولا واحد مدح لي الفكتوريا وبعضهم كان مجربها
قلت اصرف النظر عن الفورد
وفكرت في اليوكون ولقيت واحد موديل 99 استخدام امريكي نظيف جدا ولونه ذهبي وبسعر ممتاز
وصراحة قلت هذي هي سيارة العمر
المهم توكلت على الله وشريت اليوكون وبعد الكشف عليه........ ياسلااااام طلع زي الوردة مافيه ولا نكشة دبوس تقول توه طالع من الوكالة المهم كل ما اركب السيارة ماودي انزل منها والاطفال انبسطوا من سعة السيارة
نجي لزبدة الكلام
بدت مشكلتي عند اول محطة بنزين عندما عبيت السيارة ب 65 ريال وكلها خمسة ايام ولا العداد على الخط الاحمر :eek:
والمسافة المقطوعة كانت تقريبا 280 ميل
بعدها بديت اتعقد من اليوكون لكثرة صرفية البنزين
وبديت اتندم اني ما شريت الفكتوريا (صرفيتها مثل الكرسيدا)
ليتني ما سمعت رأي الناس في الكراون فكتوريا
اعطوني رايكم هل ابيع اليوكون واشتري الكراون فكتوريا ولا اصبر على شراهه اليوكون للبنزين؟؟
او اشتري سيارة صغيرة 4 سلندر لمشاويري الخاصة واترك اليوكون للعائلة فقط
ارجو مساعدتكم لي سريعا ولكم منى دعوة صالحة ان شاء الله
