ياشباب هادى الكامرى 2007ولابلاش

يعنى معقولة سعر الكامرى الفل يوصل 100الف ريال واللة حرام وكتير يأبو جميل

أهلا أخي الكريم بالنسبة لموعد النزول عند البازعي إلى الآن مارحت لهم وما أقدر أفيدك بالنقطة هذه .

بالنسبة للصيانة نعم توجد عندهم صيانة ، ولكن من تجربتي الشخصية شريت سيارة من البازعي وعملت الصيانة عندهم وعند عبداللطيف جميل ، عبداللطيف جميل أقوى ، وأجريت عدة إصلاحات عند عبداللطيف جميل مثل : كلتش المكيف و وشداد سير وتم إصلاحها على الضمان لأن التويوتا ضمانها إقليمي وهذا كلام مدير الصيانة . .

وبالنسبة للبازعي ماله فرع بالشرقية على حسب معلوماتي وهذا موقعه على الإنترنت للمزيد من المعلومات ..

http://www.al-bazai.com/

وأنا أنصحك تشتري من البازعي وابعطيك دليل على المواصفات اللي يجيبها فمثلا الكورولا GLi يجيبها بريموت وكالة داخل المفتاح ( مثل الـ VXR واللكزس ) + جنوط مقاس 15 أصلية ، أما عبداللطيف جميل ريموت تايواني مركبه في جدة + طيس !!

والأسعار متقاربة مافيه فرق كبير

وأتمنى لك التوفيق

على العكس انا اشوف انها سياسه تسوقيه ناجحه مع بعض التحفظ اذا كانت الاسعار مرتفعه
بسوق مثل السعوديه والخليج موجود بعض فئات المستهلكين الي عندهم رغبه الي يتملكو الفئه التي فوق الكامري مثل الافالون او اللكزسس مقابل دفع مبلغ اعلى ز
مع فرض انه للكامري سوق ناجح وله مبيعات دون ادنى شك والسياره حتلاقى رواج حتى بادني المواصفات . توفير مواصفات للكامري مثلا سيؤدي للاضرار بحجم مبيعات الفئات الاعلى لانهم بفترضو المستهلك عقلاني ورشيد بقراره الشرائي بسياره تحمل اعلى مواصفات ضمن اقل الاسعار
مثلا سياره كامري كراسي جلد ونفجيشن سيستم الخ الخ بسعر 100 الف ريال و افالون بنفس المواصفات ب 150 اي سياره تختار ؟؟ فرق نصف القيمه خمسين الف الكل سيتجه للكامري بلا ادنى شك

متي ينزل البازعي الكامري
وهل نفس الاسعار ولا اغلى
وهل عندهم صيانه ولا عبداللطيف يتكفل بصيانتها
و ممكن فرعهم بالشرقيه وين احصله
ياليت ترد على بسرع وقت لاني حاجز من عبداللطيف ويمكن السبت او الاحد اروح اخذها
اذا نزل البازعي الخليجيه بروح اشوفها ويمكن اخذها منهم

السلام عليكم ....

من قال أن الكامري 6 سلندر مابتنزل ...... احنا عندنا في البحرين الوكالة تقول ان الكامري 6سلندر راح تنزل في نهاية 2006 أو بداية 2007 لكن أقولون إلى حد أحين ما عندهم فكرة على الاسعار

تحياتي .....
camry05

أنا الى قاهرني ياشباب شوفو الإحتكار والمواصفات الجميلة الى بيدينا هيا أبو جميل لاحظتو الفرق يكفى انا الموصفات الى في بعض الدول تجد فيها 10 وسائد هوائية واكسسوارت داخلية من اتطعيمات من الخشب والإضائة زنون وجنوط 17 تحس فعلا انك راكب سيارة وعليها القيمة مو الاسعار الخيالية وتجهيزات السيئة لدى أبو جميل

سبب عدم تسويق كامري 2007 بستة سلندر أن السعر راح يكون مرتفع .. وقريب من الأفالون

والحل في هذه الحالة رفع سعر الأفالون حتى يكون بينها وبين الكامري 6 سلندر فرق يستاهل

ولكن لو حصل هذا بيقترب سعر الأفالون من سعر اللكزس ES

وبتضظر تويوتا إلى رفع سعر اللكزس ES

وإذا رفعوا سعر اللكزس ES راح تقترب من الـ GS

وبالتالي راح يرتفع سعر الـ LS

ورفع سعر اللكزس LS راح يؤثر على مبيعات اللكزس LS أمام المرسيدس S والبي إم 7 والأودي 8 ومعروف أن اللكزس LS هي البيضة التي تبيض لشركة تويوتا ذهبًا .


فقالوا نقصرها بدل هالمتاهات ونجيب كامري 4 سلندر فقط !!


مع تحياتي

كل شيء عندكم أبو جميل وابو جميل..

اللي مو معجبه أبو جميل يشتري مواصفات خليجية من دول الخليج ، أو من وكيل تويوتا الخليجية في السعودية " البازعي "

مع تحياتي

انا اقولك ليش ما خلو المكينة 6 سلندر بينما سيارات ثانية اقوى وما غيرو فيها شي :

اخي الكريم المسؤلين لاحظو ان الكامري منتشره بين الشباب بجميع الاعمار وهذا الشي خلى حوادثها كثيرة وشنيعة

اعتقد بسبب انتشارها وكثرة حوادثها قرروا انهم يقللوا من قوة المكينة وعلى فكرة حتى المكينة الجديدة قوية فما بالك بالـ 6 سلندر ؟

وان شاء الله ما نشوف حوادث بالكامري الجديدة

السلام عليكم

أخوي أبوعصيدة حسب معلوماتي وما سمعته من الكثيرين عن محرك السياره 6 سلندر وليه عبداللطيف جميل ماينزله وكثير اللي كان يسأل عن المحرك هذا طبعاً المهم اللي سمعته أن عبداللطيف جميل مو هو اللي مانزل المحرك هذا يقولك المحرك هذا مايطابق المقاييس عندنا هذا على ماسمعت انه قوي شوي

أما بالنسبة للأكسسوارات لا اتوقع ما معه حق الصراحة المفروض ينزلها عندنا


تحياتي لك