الخميس 23 أبريل 2026
عاجل

أقول بسم الله وأتوكل على الله

نادي السيارات اليابانية مغلق
11 رد 2,570 مشاهدة 12 مشارك الأقدم أولاً
ب
بالعربي @user_33154 · 14-09-2006
السلام عليكم


لا يخفى عليكم من التعب البدني والنفسي للذي يريد أن يشتري سيارة يكون هناك مجموعة من الخيارات


بصراحة انا شبه أني اقتنعت بالأكورد بس أبي مشورتكم

السيارة موديل 2006 4 سلندر

اللون فضي

السعر 69000 ريال سعودي

وش رأيكم أقول بسم الله وأتوكل على الله


تكفون بصروني الوقت ضيق أبي رمضان والسيارة معي
F
Free Man @user_35730 · 14-09-2006
والله انا اقوووووول ياخوي خذ السياره واتوكل على الله بعد الاستخاره كثيررر من شباب المنتدى معاهم اكوردات وقيل جدا الي يشتكي منها كفايه انها ياباني ميه الميه وتصبر وتعيش ومواصفاتها معقووووله وفوق كذا السياره رزه وبالنسبه لموديل 2007 الي الظاهر راح ينزل عن قريب امكن اسبوووع .... حسب كلام الموظف الي في وكاله هوندا مافيه فرق ... والله اعلم بس السياره حلوه وباذن الله ماراح تندم عليها
ا
ابـوعـزوز @user_28512 · 14-09-2006
اخوي الاكورد حلو بس فكر بالليجاسي ارخص قطع الغيار


وسياره يابانيه 100%
M
M .N. N @user_18180 · 14-09-2006
ألف مبرووك مقدما

أخوي أنا أقول إذا أنت عارف أن قطع غيارها غالي ومجربها ،، توكل على الله وخذها ...

أما إذا كنت ما تعرف أي شيء عنها غير كلام الناس ...


شوف خذلك ليجاسي 2006 ،،،


أو سوناتا 2006 ،،،


0
0
0
n
need_for_speed @user_24217 · 14-09-2006
الاكورد ما عليها كلام يمكن سعرها تلاقيه غالي
بس الاكورد ميه بالميه شوف قارنها مع سوبارو ليجاسي لانه لو كنت مكانك الاكورد والليجاسي وبختار بينهم فقط
ويمكن اشتريهم الاثنتين


استخير وان شاء الله موفق :cool:
A
ALSEMAIRI @user_35725 · 14-09-2006
أنا أرى لو فاضلت بينها وبين الكامري الشكل الجديد

ياهو يخبل!!!


وفي الأخير ترى الإستخاره قبل كل شي أمر طيب


بالتوفيق إن شاء الله
ا
الساعة سبعة @user_33277 · 14-09-2006
هذة ب 69000 الف وماهي فل كامل << يعني السعر عالي شوي

هيونداي 68000 الف وفل كامل وحقت كرف وسته سلندر وتراها معي لها سنه تقريبا ماخذها علشان عملي بعيد شوي ماعليها كلام بنزين وزيت وامسك الخط

جارنا اشترى هوندا معي تقريبا ودخلت للصيانة مرتان وانا ولا مرة
ن
نديم الطيف @user_29894 · 14-09-2006
عندي لك خبر يمكن يشد انتباهك انت او احد من الاخوان


لقيت عن وكالة السبر على طريق خريص اكورد 4 سلندر موديل (2005) وليست 2006 جديدة مامشت ولا متر

وعلى حد علمي الوكيل مستعد يطق السيارة بكفرات جديدة..وبطارية جديدة

السيارة شفتها قبل حوالي 8 ايام...


اذا الموضوع يهمك او يهم احد من الاعضاء يروح يلحق على السيارة..والله يبارك له مقدماً
أ
أبو نايف 2007 @user_32612 · 14-09-2006
سياره رووعه فخامه وقوه ومنظر حلو

توكل على الله وخذها

ومبرووك مقدما

تحياتي
ا
الظلام @user_33085 · 14-09-2006
سيارة ممتازة جدا |1|

عيبها بس أن مراتبها قاسية جدا بصراحة مافيها راحة في الخطوط! من واقع تجربة (عندنا أكورد).
وقطع غيارها لك عليه أغلبها غالي مرة.

عندي لك شور

فيه سيارة يابانية 100% أرى أنها أفضل منها

سوبارو ليجاسي

قيمتها 66 ألف أقل درجة قير تيبترونيك ومواصفاتها:
دفع رباعي, مثبت سرعة, 6 سيدي وكاسيت, مكيف أكتروني, جهاز معلومات عن درجة الحرارة ومعدل الأستهلاك, نوافذ ومرايا كهربائية, جنوط 16, ABS, EBD, أيرباقين للسواق والراكب, 3 مفاتيح كلها ريموت كنترول.
ومكينتها بشكل H والي يخليها أفضل في استخراج القوة وأفضل في المنعطفات والثبات وأخف وزن.

وضمانها 75 ألف كيلومتر.

جربها وصدقني راح تعجبك
أنا أشوفها أفضل من الأكورد بمراحة متعددة :)

في الأخير لا تنسى تستخير وجرب الثنتين وقرر للي يريحك

بالتوفيق:cool:
s
salehhd @user_17805 · 14-09-2006
السلام عليكم

اقول مبروك ان شاء الله وخيار بأذن الله موفق ولاكن ليش ما تنتظر 2007 وهو على الابواب واحتمال ينزل في رمضان

والهوندا من افضل السيارات اليابانية

في الختام انصحك بالاستخارة فما خاب من استخار ومبروك مقدماً
ع
عـاشـق تـويوتـا @user_26100 · 14-09-2006
والله يالغالي انصحك وبكل قووووووه

انا واحد من الي معهم اكووووورد والسياره ماعليها كلااام ابد

و ياباني وموتر كررررف

اكرفه كرف مايقول اح

واذا بغيت اي شي انا حاظر

وبالتوفيق...