انا محتار,,,,,وش اشتري موتر!!!!

بهبهاني @user_34359 · 27-09-2006

السلام عليكم...

يا شباب صدع راسي وانا افكر وش اشتري موتر عجزت القى موتر زين...

قالوا الناس خذ هوندا بس قالوا ما تنفع للخطوط تتعبك صيانتها (انا مدرس في الحسى واجي اسبوعيا للرياض)

قالوا خذ كامري بس خوفي انها تنسرق ولا جازتلي الجديده

قالوا خذ فكتوريا قلت ما احبها

قالوا خذ كابريس قلت مع اخوي واحد

قالوا خذ لومينا قلت شايفيني مراهق

قالوا خذ سوناتا قلت ابعدوني عن الكوري

قالوا خذ ماكسيما قلت شكلها ما تغير ابد

قالوا لا تشتري سيارة قلت هذا شكله اللي بصير

مع العلم اني معي صني 2002 وبصراحة مليتها

انا جايزلي انفوي وش رايكم فيه ...

والميزانية تاصل 95000 ريال سعودي فقط لاغير

وسلامتكم

اشتاقلك @user_36689 · 06-10-2006

انصحك بلون ابيض لولوي لون مميز ويدوم اعرف واحد اشترى سياره لون اسود ندم لن الاسود يروح من اللمعه بعد فتره مجرد نصيحه ولا تستعجل في اختيار اللون والله يعطيك خيرها ويكفيك شرها وشكرا على الرد :cool:

just Peugeot @user_23758 Peugeot consultant · 05-10-2006

احد قد ركب جيب السوزكي الجديد

يالله هو فوووق العاده

MGM LS @user_28288 · 05-10-2006

ألف ألف مبروك

الله يتمم على خير

لكن عندي نصيحه والله اللون الاسود شفته كثير على الاكورد والله مو جميل مثل اللؤلؤي أو الابيض

شي ثاني يطلع لك فخامه واناقه التصميم الاسود تشوفه بالمعرض تقول ررررررررروعه مع الاضاءه والحركات بس اطلع

به برا وشوفه كيف ؟؟؟

والخيار الاول والاخير لك هذي مجرد نصيحه

وبالتوفيق ,,,

بهبهاني @user_34359 صاحب الموضوع · 05-10-2006

خلاص ابشركم اباخذ اكورد ان شاء الله

اليوم رحت للوكالة ولقيتها 2007 اسود 6 سلندر بــ 92,000

عزوووزي @user_6717 · 04-10-2006

واخيرا صفيت على الاكورد :) اختيار موفق بإذن الله بس لاتنسى الاستخارة :)

تحياتي والله يوفقك يارب :)

بهبهاني @user_34359 صاحب الموضوع · 03-10-2006

اشتاقلك

انا ميزانيتي 95000 ريال وذا سعره في العلالي ثمن ما جازلي كنه كامري

والهوندا 2006 شكلها اطلق من 2005 بواجد وان شاء الله باخذها فل

وشكرا...

اشتاقلك @user_36689 · 03-10-2006

وش رايك في الافالون شي خيالي سعرها 124الف او هوندا اكورد عندي 2005 فل كامل جدا روعه وهذي نصيحه مني اي خدمه انا مستعد |1| |1|

بهبهاني @user_34359 صاحب الموضوع · 02-10-2006

عزوزي

شف يا طويل العمر بصراحة كلامك منطقي وانا مقتنع به فاستخرت الله واخترت الموتر

سمو الذوق

ما جاء على بالي هالموتر

راعي 8100

تراني بلحالي واليوكون كبير

الظلام

الكلام على ذا الموتر واجد ابروح الوكالة واشوف ان شاء الله
sas

الافالون شايلة من مخي

وشكرا......

S-A-S @user_34115 · 30-09-2006

مافكرت بالأفالوون ؟؟

الظلام @user_33085 · 30-09-2006

السلام عليكم

عندي لك سيارة ممتازة جدا

شفها وجربها صدقني راح تعجبك

سيارة ما في سيارة تنافسها بنفس ميزاتها

وعملية جدا

وعلى نفس المبلغ الي طلبيته

وهي الأكثر ثبات في فئتها وأكثر آمان في فئتها

وهي سوبارو ليجاسي 6 سلندر فل كامل بـ 92 ألف |1|

ويكفي أنها يابانية 100%;)

راعي ال 8100 @user_22094 · 30-09-2006

اذا بتوصل 95 الف زدها شوي وطق لك يوكون اصرف لك ولك وللزمن

سمو الذوق @user_36332 · 30-09-2006

عليك بــــ
شلبي كوبرا 2007
وقل غشني سمو الذوق

عزوووزي @user_6717 · 30-09-2006

انا خلني اعطيك اياها كاش يالغالي واوضح لك الامور :

- انت في الحسا وسيارة بتمسك فيها خطوط يعني بتهد الموتر ففكر بموتر يتحملك
ومااعتقد انك بتلاقي احسن من الكامري الجديدة فل كامل 85 ألف او الفورد فيكتوريا
نص سبورت ب82 الف في الملحم للسيارات في الاحساء ،،

- اذا كنت بتفكر في موتر رزة ويتحملك مالك الا تفكر في الافالون الاكس ال على حدود
سعرك او الاكورد برضو رزة وبيتحملك وهاذي اعتقد السيارات الوحيدة الي ممكن تمشي
معك في وضعك بما انك راعي خطوط وبتعايش مطبات الحسا وحفرها ،،

- طبعا في تفكير ثالث وهو انك تدور لكزس اي اس 2005 او 2006 ماشي شي بسيط
او الافالون 2005 او 2006 ليمتد ماشية شي بسيط وهذا اختيار انا مؤيد له وبقوة
لاني مجرب الثنتين وفي الحسا اخوي الافالون وانا اللكزس واثنينا رايحين جايين دمام
حسا ساكنين في الحسا وندرس في الدمام وانا ناصح وبقوة بهذه الفكرة ولك الاختيار ،،

تحياتي :)

بهبهاني @user_34359 صاحب الموضوع · 29-09-2006

عزوووزي

فعلا اللكزس غاالية يوم شفت سعرها ما اقدر اجيبها

الافالون ماش ما جازتلي انا ركبتها صحيح انها فخامة بس سعرها اعلى منها بواجد

تحياتي

عزوووزي @user_6717 · 29-09-2006

اللكزس الآي اس حلو موتر جديد لكن سعره غالي وان كنت بتوصل لسعره خلك عالافالون

اصرف لك ومع احترامي لك ظلمت الافالون كثير شكلك ماركبتها او شفتها ، انصحك روح

شوفها وراح تدعي سواء الاكس ال او الليمتد وانا عطيتك الاسعار في ردي السابق ،،

اما الآي اس سعره بدون شاشة 122 ومع شاشة 134 وموتر صغير مقارنة بالافالون

واعتقد ان الافالون اوسع واقوى ماكينة ،،

عموما الله يوفقك يارب ،،

تحياتي ،،

بهبهاني @user_34359 صاحب الموضوع · 29-09-2006

افالون2005

ولا اخذ 200 ال عملية وصندوق بعد خخخخخخ

الافالون غالية قيمتها فوق المية بواجد وقريب شكلها من الكامري

ومورانو غالي 120000 قيمته ما اقدر اطوله

افالون2005 @user_20941 · 29-09-2006

ولا اخذ لك مورانووو ترى شكله حلوو وعملي برضو

افالون2005 @user_20941 · 29-09-2006

ان طعتني خوذ لك كرسيدا 85 لون ابيض والله حقة كرف ودفع رباعي وسيارة عمليه جدا ...

×××
خخخخخخخخخ امززززززززح يابن الحلال ..

والله حالتك هذي اصابت ناس كثير اذا صار معاه كاش ويبي سياره تحصله يحتار ويطامر من وكاله الى وكاله وفي الاخير ماايقتنع بشي

ونصيحتي صل استخاره وخوذ لك افالون

افضلهم افخمهم اقواهم ارساهم واحلاهم بعدد

واذا قدرت انك تسوقها وتجربها وبعدها شوف اذا تناسبك او لا ..

وترى شكلها مو مثل شكل الكامري ابد وووين فرق ...

بهبهاني @user_34359 صاحب الموضوع · 29-09-2006

الـدمـعـه
زي ما قلت الاكورد احد الخيارات المطروحة

Admiral

الانفوي حلوه بس يقولون تتفكك مثل اللومينا

ياطير

الافلون مشكلته غالي ويمزع الظهر وشكله الخارجي ياقربه من الكامري

باثفندر 570

الباثفندر زين بس مع اخوي واحد ولا ودي اقلده والمرسدس انا شايله من راسي

عزوووزي

والله انك صادق شوارع الحسى تنبغى بتراب انواع الحفر والمطبات والامر يكي يتفكك
اما الافالون كنها كامري ما جازتلي

ابوسعود

من ناحية سرقة السيارات فالدنيا فعلا سايبة ثمن الكامري مع كل من هب ودب الليموزينات والدوريات يعني الواحد يبي يتميز شوي

salehhd

مازالت الاكورد احد الخيارات المطروحة

SOSO2004

فكتوريا ما تغير شكلها من عام 98 ما ابيها

الكامري زي ما قلت فوق منتشرة

الاكورد احد الخيارات المطروحة

Night Hawk
ما ادري عن ذا السيارة ما قد شفتها

على العموم يقولون طالعة سيارة لكزس is وش رايكم فيها

في النهاية اشكر كل من رد علي