و مبارك علييكم شهر رمضان المبارك
و الله يعوده عليينه و عليكم ان شاءالله كل سنه بالخير و البركات ان شاءالله و على امة محمد اجمعيين يا رب
انا عضو جديد معاكم من البحرين و حبيت اشاركم هذا المنتدى الرائع الصارحه
و انا مقبل ان شاءالله على الكامري اليديده و حجزت لي وحده انشاءالله راح توصل على بداية شهر 10 و اذا مافي حجز راح تتأخر لييه 11 :eek: الله يعيني ان شاءالله وكالتنه في البحرين طلعت غبيه جابت شحنه قليله و ما توقعت بالاقبال الشديد على الكامري و في حجوزات فاقت الشحنه و ناس تأخرو كثييير والله و لاكن الحمد الله شنسوي كل تأخيره فيها خيره ان شاءالله و كل شي نصيب في هلادنيا
المهم انا حجزت كامري اللون الجديد الصراحه عجبني وايد كثير الي اهو اللون الذهبي الجديد الفاتح وايد فضيع و خاصه في الشمس يتغير مع اللمعه حده فظيع الصراحه و بعد الابيض ممتاز و الاسود و الازرق السمواي حلو بعد
لاكن الي عجبني الذهبي الفاتح و هاذي ان شاءالله الي حجزته طبعا حجزت GLX الفل اوبشن عندنه غير الي عندكم في السعوديه او باقي الخليج الرنغات غير الي تسمونهم الجنووط و الجناح غير بعد و الاوتو ماتيك الهند برييك تحت جمب الريس و البريك غير الي عندكم ما ادري هل انتو نفس الشي او لا الله اعلم بس انتو عندكم المرايا الجانبيه فيها وش تسمنهم احنه نسميها سغنير ما ادري شتسمونهم والله و سعرها مع الاغساط و التسجيل و التأمين و الاندرسيل 8400 دينار بحريني
و سامحويني على الاطاله شباب و هاذي صورة موتري الي حجزته الله ايبه بالسلامه ان شاءالله لي:rolleyes:
و انشوفكم على خير
