ياخى نا مادرى انتو ليش رافعين قدر هادى السيارة مامنها غير الحوادث وزهق الارواح مهى سيارة بمستوى راقى لاجل الواحد انة يشتريها شوف نسبةالحوادث وبعدين اتكلم عن الامان
ابوعصيده للاسف المعلومات اللي عندك مو بذاك الزود وانا اعتبر المعلومات اللي عندك شوي تخلفيه او قديمه ياخوي لعلمك بس لا اكثر ان الكامري الامريكي اقوى بمراحل من الكامري الخليجي ولاتقارن فيه ولعلمك بعد الكامري الامريكي اكثر امان واكثر سرعه وبالنسبه لقطع الغيار فهي متوفره بكثره وماعليك من حكي الناس انا مع واحد من اخوياي 96 بس ماشالله عليه عزم وقوه ومكيف زي الحلاوه وحرارتها ماشالله عليها بعكس ماسمعت عنها قبل يعني لاتسمع لكلام المتخلفين اخوي واذا السياره نظيفه خذها ولاتشاور وماجاك عليه
يا حبيبي انت بتتكلم على الأسترالي وحنا نتكلم عن الأمريكي .. وفرق سما وأرض بينهم ..
والسيارة ما تصنع فقط في أستراليا ولكن تصنع في اليابان وأمريكا كذلك ..
وما دام بتتكلم عن بلد البقر فما راح أرد عليك لأنه مو من اختصاصي ..
ايت جودة الى بتتكلم عليها دى في بلد البقر الاسترالى سيارة مافى اى نوع من الامان والسلامة حتى شاصية مافيها حتى الايرباقات زي البالونات الى بيحطوها في ايس لاند والدليل انزل التشاليح وشوفها مليانة وعلى علمك هيا السيارة الوحيدة الى في المملكة الى نسبة الحوادث في 95% وزهق الارواح والأبرياء وين هيئة الموصفات والمقاييس والسلامة عن هادى الافة الخطيرة المفروض يمنعوها من دخولها واستيرادها من بلد البقر
لو ما هي جبارة على كلامك كان نص مكة ما أشتروها ..
ومن قالك سيارة خدم ولموزينات ..
عمرك شفت كامري أمريكي لموزين وحط تحت أمريكي مالا نهاية من الخطوط ..
مساكين العالم هذي كثر ما يحاولوا يشوهو صورة الكامري كثر تلقاها في الشارع ..
مافى مقارنة بين الفورد والكامرى في احد في الدنيا يشترى سيارة بدون مايكشف عليها يعنى سمك في موية الفورد قطعة تلاقيها في البقالة عند علب التونة حتى الوكيل يقبل صيانتها اما الكامرى وللأسف لاقطع و أبو جميل يقولك باباى مايقبلها في الصيانة واكتر القطع تجي طلبيه يعنى تجلس تغنى ظلموة عبال ماتجيك قطعة أقل شي شهر من أمريكا وبعد ياخى ايش الى تسمح او ماتسمح وتقول سيارة جبارة من فين جبارة مانى شايفة يركبوها غير الخدم وأصحاب الليموزينات يعنى سيارة مو بداك المستوى او جودة
أنا ما أسمح بإهانة السيارة الجبارة علناً ..
هذا إن دل فإنه يدل على غباءكم وإن تشتروا السيارة بدون ما تكشفوا أو تشيكوا على السيارة ..
أنا أشتريت سيارتين واحدة فورد والثاني الكامري ..
وشيكت على الكامري والفورد ما شيكت عليها وطلعت الفورد خربانة والكامري عكس تماماً ..
ومن قالك السيارة مالها قطع يمكن يكون مالها قطع غيار مقلدة أو .......!!
وقطعها متوفة في الوكالة وخارج الوكالة موجود لكن راح يختلف شيء بسيط وممكن تشبه قطع الأفالون واللكزس
لأن الكامري الأمريكية في الخارج تشبه اللكزس ..
ويصير تحكموا على كل السيارات من تجربة فاشلة معاكم ..
أتمنى إنهم ماحطومك أخوي بويل وحرموك من سيارة رخيصة وقوية وتتحمل كرف وتعتبر فخمة في نظري ..
بصراحه انا كنت داخل للموضوع ابقول ما عندي لقيت سوبرا كفا ووفا ....
بس مسألة قطع الغيار ما قد سمعت احد اشتكى والخرابات معليش انتشار السياره يشهد لها انها ميه ميه ... وعلى فكره الكامري حتى في امريكا مقدسه ويحبونها واسعار النظيف منها غالي شوي وبالتوفيق ....
طبعاً أخوي الكامري الأمريكي 2002 شكله يختلف عن 2001
ويجي شبه 2003
أنا معاي وحدة V6 ما شاء الله الحمدلله ما شفت منها إلا كل خير رغم إني كارفها كرف مو طبيعي ..
في الشهر تمشي معاي مو أقل من 3000كم والحمدلله 100%
أعنقد كلها زي بعض اللي يفرق معاك النظافة .(المكينةوالجير)
أسعارها تبدأمن 40000 - 45000 لموديل 2001 طبعاً نظيفة ..
و 2002 تبدأ من 42000 - 50000 حسب النظافة والمواصفات ..
