الثلاثاء 21 أبريل 2026
عاجل

ندااء عاااجل لملاك الفولكس واجن (( بااااساااات )) أرجو الدخوول للأهمية

نادي السيارات الألمانية والأوروبية مغلق
19 رد 6,498 مشاهدة 11 مشارك الأقدم أولاً
أ
أبـو خـالـد @user_36704 · 03-10-2006


السلام عليكم ورحمة الله وبركاته ...

اخواني ...

تكفوون الي عنده معلومات عن فولكس واجن (( باسات 2007)) وبالذات مستخدمينها ...

يعطيني معلومات وافيه عنها ، أنا فلوسي جاهزة ورحت الوكالة بأشتريها ولكن الناس الي حولي

كلهم رافضين هالسيارة وكلهم مايمدحونها وهالشيء مأخرني ومافيه أحد من معارفي استخدم

هالسيارة وكل حججهم أن قطع غيارها غالية وغير متوفرة بالسعودية ومالها صيانة إلا بمدن معينه وبالوكاله بس

وانا ساكن بالرياض ولكن مثلاً لو سافرت منطقة مافيها وكاله ...

السيارة عاااجبتني ومالقيت أي سيارة ثانية بقيمتها تعطيني الرفاهية الي لقيتها فيها ...

اي شخص مستخدم هالسيارة سواء قديمة أو جديده يعطيني فكره وااافيه عنها ...

سواء عن استخدامها ...

أو

قطع غيارها وهل هي متوفره ...

أو

أو صيانتها ...



تكفووووووووون أبغى معلومات وااافيه اتخذ فيها قراااااري ...


وجزاكم الله الف خير ...

======================

تحياتي لكم ...
h
hmsnr @user_36299 Banned · 10-10-2006
اخواني اتكلم عن سيارات 2007 لاحد يتكلم عن القديم 2000 الى 2006 لاحد يتكلم عنها روحوا وشوفوا 2007 وقطع غيارها اشلون ومتوفره او لا واسالوا تغيير الزيت كم سعره وقول اذا غيرت الزيت بلخارج ركبت زيت ثاني يقول لك يسقط الضمان لانه سياراتنا ماتمشي الا بزيتنا وهذا زيت جديد توه هذي السنه نازل مع السيارات لانه محركاتها جديده.

الشي الثاني لمن بحط 90 الف في اوكتافيا سكودا بعد سنه ابيعها بسعر تراب احطا في نيسان التيما 2007 الجديده او في هوندا اكورد او كامري او سيارة يابانبه تحافظ على قيمتها وما تحتاج الصيانه الدوريه مشان تششيك بنزين وتغيير زيت وقضي حاجتك بيها هذي السياره الاقتصاديه وهذا الشي معروف تبي تركب الماني لاتقول انت اقتصادي وشكرا
g
gti_cars @user_7354 · 09-10-2006
اخي العزيز :
انا من سائقي الجولف لهذه اللحظة ولقد عدت من فترة قصيره من المانيا بعد غياب ان الباسات الجديدة 2000 ccFSI موديل 2006 هي نقله نوعيه للموديل السابق حيث انه كان لدى موديل الباسات 4 سلندر ضعف بقوة محركها 1.8 وذلك لان وزن السيارة اقوى من المحرك اما الموديل الحالي والعادي منها فهو بقوة 150 حصان وهذا كافي جدا الا اذا اردت القوة فاتجه فورا الى 6 سلندر او قم بطلب ال 8 سلندر
القطع للفولكس فاغن معروفة غير القطعه وانساها فباسات غنية عن التعريف بمتانة وطول عمر قطعها وتحملها ويكفيك تالق شكلها وانفرادها بالشكل المميز وانت اذا اردت سماع نصيحتي اتجه الى الوكالة وقم بقيادتها وانا متاكد انك ستعود بها باذن الله


وشكرا
a
alharb @user_35820 · 07-10-2006
خذ لكزس أحسن
M
MyName @user_31287 · 07-10-2006
h
hmsnr
خخخخخخخخخ حبيبي سكودا اتكلم عن مابعد البيع يا حبيبي اعرف انه الماني افضل بس مابعد البيع تتغير الموازين السكودا يبي لها صيانه يبي لها تشييك انا امس كنت في الوكاله والي مو مصدق يورح يسال الزيوت حق سيارات 2007 في شركة ساماكوا العلبه الوحده 45 ريال الباسات تغيير الزيت 350 ريال او 300 ريال وعندك الوكاله روح اسال قلت بجيب زيت من عندي قال يسقط الضمان منك لانه التشييك مايكون الا عندنا وبهذا الزيت ...........سكودا من نفس الجماعه لانه هذا من نفس الشركه هي الي طلبت انه يوضع هذا الزيت مو الوكاله زيت خاص ..........بلله عليك زيت ب 300 ريال اغير زيت ب 300 ريال بعد 3 سنوات اذا بغير الزيت كل ثلاث اشهر هذا بلمعدل 3 اشهر مره او اربع شهر افضل يطلع علي في كل سنه 3 مرات بغيره في 3 سنوات لين ينتهى الضمان يطلع علي 9 مرات بغيره ضرب 300 يطلع 2700 ريال هذا حق زيت في 3 سنوات الباسات الجديده من تدخل الوكاله لاي تشييك فوق 15 الف كيلوا لازم لازم تكلفك اكثر من 500 ريال بحسبها لك انا بس في ال 15 تشييك وفي ال 30 تشييك و 45 تشييك و 60 تشييك يعني 500 + نقول في ال 30 800 ريال وفي 45 ايضا 600 ريال وتشييك ال60 الف بيتغير الجنزير وغيره وغيره سيارتي القولف 2002 اصغر من الباسات ب 2800 ريال تشييك 60 الف هذي باسات تشييكها 3500 ريال هذا اذا مازاد بعد يعني 5700 ريال هذا معدل انا مني انا بس حسبته على سياره باسات 5700 مع الزيت بشيل 900 ريال الزيت في التشييك وبحسب الزيت 1900 في اوقات غير التشييك يطلع 7600 ريال هذي معدل لازم راح تصرفه على باسات جديده جديده غير اذا طلع فيها مشاكل بعد ووقوفها في الواله ثلاث اسابيع او اسبويعن هذا عمر للسياره قارن الان هونداي سوناتا معاها وشوف كم بتصرف اذا بركب زيت ب 35 ريال قارن وتعرف الفرق ..... موفقين


ردك كثير :D

أحب أوضح لك ...

وكالة Volkswagen هي ساماكو
وكالة Skoda هي سفاري للسيارات .

وبعدين سالفة الزيت , حبيب البي انا كان معي اوكتافيا ( سكودا ) اول ماطلعتها مشيت 10 الاف ولا وديتها صيانه للوكاله وللعلم ان اغلب السيارات الأوربيه يؤشر عندك بالطبلون انك لازم توديها للصيانة الدوريه ومشت السياره قبل ماابيعها فوق الـ 100 الف والله يشهد على كلامي إني ولا مره غيرت الزيت بالوكاله والصيانه انا اصلاً بطبعي مهمل ووديتها ثلاث مرات بس ( صيانه دوريه ) ...

تحياتي
ا
الفيصل101 @user_15585 · 05-10-2006
انا جربت الباسات الجديد وتعليقي على التجربة ان السيارة ممتازة ومواصفات رائعة ومتعة في القيادة.....

ولكن الماكينة 4 سلندر كان عزمها ضعيف بالاضافة الا ان الصيانة وقطع الغيار غالية وكل من اشترى اودي او فلكس واجن يشتكي من طول وصول القطع(الغير استهلاكية) فنصيحتي لك لاتوجع راسك وابعد عن الالماني....

اما عن اللكزس فهي وتيوتا تعاني منذ بعض سنوات مشاكل تقنية حيث انها سحبت الكامري 6 سلندر من اسواقها بسبب مشاكل في القير ولقد سمعت ان القير الموجود في ES350 هو نفسه الموجود في الكامري 6 سلندر فانتضر الدفعات الاخيرة من السيارة....

وانصحك بالسكودا فهي رخيصة ومواصفاتها عالية فالسوبرب تحتوي على نظام ملاحي وDVD والكثير من المواصفات بسعر لايتعدى 90 الف ولمزيد من المعلومات روح للوكالة..
أ
أبوعصيدة @user_17652 · 05-10-2006
انامعايا باسات 2001من الوكالة على يدى و مشترى لااخويا الكبيير قبل اسبوعين 2002 لونها كحلى من الداخلى بيج ماشية120 بي38000 بس دخلها الوكالة وسو لها صيانة ال120 كلفتة 6000 ريال السيارة حلوة ماشاللة بس عيبها الوكيل ولزم صيانة كل 60 الف افضل انك تسويها خارج الوكالة وتشمل سير المكينة وسير الشداد وسير التيمة وبواجى وتنضيف بخاخات اهم شي في الباسات العناية واحلى شي فيها التحمل وماتصرف قطع غيارو ترى في ميزة حلوة في الباسات انة الوكالة معطية ضمان للمكينة 500الف كيلو شرط من الشركة الام
أ
أبوعصيدة @user_17652 · 05-10-2006
أخى الكريم انا معايا باسات موديل2001 فل 6سلندر ماشاللة جودة وتعيش وصيانتها شاملة كل 60الف يتم فيها تغير سير المكينة وجنزير التايم وإلا الان وللة الحمد عمرى ماشتكيت منها وبالنسبة للقطع الغيار اسعارها تقريبا باسعار قطع اليابانى وميزت الامانى متماسك ويعيش ويتحمل سنين وبودي قوى واناشاللة في نية انى اطلع الجديدة2006 لما فيها جودة ومتانة انصحك بيها واترك اليابانى أصبح الان تجميع وبودى مايتحمل لاسمح اللة الحوادث
p
passat2001 @user_18466 · 04-10-2006
والله ياخي الكريم انا معي باسات 2001 ماشية حوالي 177الف صراحة السيارة روعة في كل شي بس عزمها شوي ضعيف وماغيرت فيها الا الاشياء الاستهلاكية زيوووووووووووت اقمشة فقط غير كذا السيارة تماااااااااااااام وجودة وماتتهربد بسرعة وانصحك ياخي الكريم بالاستخاااااارة وانا اشووووووف انك تأخذ لكزس يكوووووووون اصرف
h
hmsnr @user_36299 Banned · 04-10-2006
خخخخخخخخخ حبيبي سكودا اتكلم عن مابعد البيع يا حبيبي اعرف انه الماني افضل بس مابعد البيع تتغير الموازين السكودا يبي لها صيانه يبي لها تشييك انا امس كنت في الوكاله والي مو مصدق يورح يسال الزيوت حق سيارات 2007 في شركة ساماكوا العلبه الوحده 45 ريال الباسات تغيير الزيت 350 ريال او 300 ريال وعندك الوكاله روح اسال قلت بجيب زيت من عندي قال يسقط الضمان منك لانه التشييك مايكون الا عندنا وبهذا الزيت ...........سكودا من نفس الجماعه لانه هذا من نفس الشركه هي الي طلبت انه يوضع هذا الزيت مو الوكاله زيت خاص ..........بلله عليك زيت ب 300 ريال اغير زيت ب 300 ريال بعد 3 سنوات اذا بغير الزيت كل ثلاث اشهر هذا بلمعدل 3 اشهر مره او اربع شهر افضل يطلع علي في كل سنه 3 مرات بغيره في 3 سنوات لين ينتهى الضمان يطلع علي 9 مرات بغيره ضرب 300 يطلع 2700 ريال هذا حق زيت في 3 سنوات الباسات الجديده من تدخل الوكاله لاي تشييك فوق 15 الف كيلوا لازم لازم تكلفك اكثر من 500 ريال بحسبها لك انا بس في ال 15 تشييك وفي ال 30 تشييك و 45 تشييك و 60 تشييك يعني 500 + نقول في ال 30 800 ريال وفي 45 ايضا 600 ريال وتشييك ال60 الف بيتغير الجنزير وغيره وغيره سيارتي القولف 2002 اصغر من الباسات ب 2800 ريال تشييك 60 الف هذي باسات تشييكها 3500 ريال هذا اذا مازاد بعد يعني 5700 ريال هذا معدل انا مني انا بس حسبته على سياره باسات 5700 مع الزيت بشيل 900 ريال الزيت في التشييك وبحسب الزيت 1900 في اوقات غير التشييك يطلع 7600 ريال هذي معدل لازم راح تصرفه على باسات جديده جديده غير اذا طلع فيها مشاكل بعد ووقوفها في الواله ثلاث اسابيع او اسبويعن هذا عمر للسياره قارن الان هونداي سوناتا معاها وشوف كم بتصرف اذا بركب زيت ب 35 ريال قارن وتعرف الفرق ..... موفقين
أ
أبوعصيدة @user_17652 · 04-10-2006
مافى اى مقارنة بين الامانى والكورى
M
MyName @user_31287 · 04-10-2006
h
hmsnr


الاخ يقول خذ لك اسكودا 91 الف صدقني اخذ هونداي سوناتا ب 50 الف ولا اخذ سودا 91 الف .



تقارن السوناتا بسيارات السكودا ؟ عجيب

آخذ سكودا فابيا ( أقل شي بسيارات سكودا ) ولا آخذ هونداي أزيرا :)

إذا ماجربت سيارات الشركة نصيحتي اخوي لاتقول كلام من راسك , تحياتي ;)
أ
أبوعصيدة @user_17652 · 04-10-2006
شوف الاسكودا السبربيوب احسن منها في المواصف
ات والسعر وانعم من الباسات لانة الشاصة a6
s
soso_ss @user_15642 · 04-10-2006
اخوي شوف
سكودا سوبيرب Superb
أ
أبـو خـالـد @user_36704 صاحب الموضوع · 04-10-2006
my name

أبو مساوم

hmsnr

الله يعطيكم العافية ماقصرتوا كفيتو ووفيتو ...

وانا اليوم رحت للوكاله وجربت السيارة وحسيت اندفاعي ونظرتي لها تغيرت ...

وبعد كلامكم اتوقع خلاص بطلت بآخذ بقيمتها أي سيارة يابانية وأرتاح ...

الف الف الف شكر لكم عالنصائح ...

والله يجعله في موازين حسناتكم ...

boos2005

على قولتك هالسيارات خلها لاهلها والناس الي بالهم طويييل ...

وأشوف لكزس منزلين موديلات 2007 رووعه ...

ما أتوقع بعد هالردود بأفكر بالأوربي ...

يعطيك العافية ...

===================

تحياتي لكم ...
b
boss2005 @user_36697 · 03-10-2006
او الله يعين الجميع
انت محتار باباسات
و انا مهووس باالاودي
لكن محتارين
شكله هذي السيارات تبي ناس مو تعبانيين في فلوسهم

على العموم اعرف و احد دكتور في جدة معاه باسات 2004 و يمدحها كثير و مبسوط منها و يقول انه السيارة ما تبغى حتى صيانة لانها زي الجديدة

اتمنى تعطيني رايك باالاودي
h
hmsnr @user_36299 Banned · 03-10-2006
اما انا فاحكي لك عن الجولف 2002 محرك ذو 4 سلندر السياره قويه مش في المحرك لا قويه في العضلات في البدي حق السياره لاكن بصراحه سياره غلطة العمر ضيقه صوت المكينه قويه ينسمع بلداخل مب هادئه مب مريحه لانها رياضيه قاسيه في الشارع اشهد لها بلعضلات لاني كل يوم اطلع بيها المزرعه وشارع رمل ومنتهى وماتقول شي اخترب فيها المكيف فقط من شريتها الى اليوم والحمد لله وامس خلص الفريون حق المكيف او مادة الفيريون انتهت فعبيت الفريون مره ثانيه وشغال مئه االمئه . راح اكتب امور الي ماعجبتني .

1- ما اقولك قطع غيار سيارات فلوكس ويجن كلها متوفره في الوكاله لانه في قطع مالازم تخترب فماحد يطلبها الا نادرا وهذا ينطبق على كل السيارات وكل الوكالات .
2- انت تتكلم عن الوكاله في الرياض انا اتكلم عن الشرقيه سمعت الخدمه عندنا في الشرقيه افضل من الرياض .
3- السياره يبغالها صيانه دوريه يعني 15 موديها الوكاله 30 الف موديها الوكاله 40 الف موديها الوكاله 60 الف لازم توديها مشان يغيرون الجنزير وبعض البكرات ويشيكونها تشششيك ال60 الف يعني لازم تكون عند سياره ثانيه تقضي غرضك بيها .
4- من ناحية الخدمه والصيانه الوكاله ماتعرف تصلح السيارات تعفس السياره وتوسخها اذا كانت بيج من الداخل بلقريز ويسلمونك اياها تمشي بيها اشوي وترجعها لهم .
5- ماتخلص السياره في يوم لازم تاخذ لها موعد بلاول وبتاخذ معك اسبوع او اسبوعين في الوكاله اذا ما كانت القطعه متوفره .
5- قطع الغيار مب غاليه كثير عاديه تقريبا لاني اشتريها من محل مش من الوكاله في الان محل بلدمام يبيع قطع غيار فلكس ويجن ويخصم على القطعه 25 بلمئه من قيمتها الاصليه فأنا اذا باخذ شي بواجي او قماش اتصل بلوكاله اول اسالهم بكم واروح المحل واشوف انه فرق عن الوكاله .شغل الوكاله هو الغالي يعني اليد العامله هي الغاليه تقريبا الساعه 140 ريال لسيارت الفلكس ويجن الصغيره الاودي 180 ريال الساعه فيها شوف كم ساعه بيجلسون فيها واضربها في 180 وتعرف .
6- الشي الاخير انه هذي السياره الالمانيه مثل الطفل صرفيه .
7- نصيحتي لك شوف لك سياره تركبها وانت مرتاح ما تاكل فلوس ولا تبي كل مده تشييك بنزين وزيت وتروح بيها كل مكان وتنزل ولا تشيل هم ولا شي كامري التيما هوندا وغيرها من السيارات الي ما تحتاج صيانه دوريه وتحافظ على سعرها اذا بغيت تبيع.
الاخ يقول خذ لك اسكودا 91 الف صدقني اخذ هونداي سوناتا ب 50 الف ولا اخذ سودا 91 الف .

شي اخر من ناحية المكيف كل مكيفات فلكس ويجن مش باردين لذيك الدرجه في الظهر في وقت الصيف ومايبردون زين لانه كل السيارت مصنوعه لالمانيا .
ويعطيكم العافيه وموفق ان شاء الله في اختيار السياره
م
مساوم @user_5201 · 03-10-2006
اعطيك تجربتي الشخصية
لدي سيارة فلكس واجن 2002 بورا , وهي بنت عم الباسات . شريتها من حوالي 8 أشهر وكانت ماشية حدود 79 ألف .. يعني ممشاها طيب جدا
المهم 6 أشهر وانا مرتاح مرة , العزم 6 سلندر مع ان الماكينة 4 سلندر , الفخامة والراحة تذكرني بسيارتي القديمة
( أودي ) !

المهم .. من شهرين بس بدت فيها خرابات عجيبة ... تفاجأت ان موية الرديتر مخلوطة بزيت وعلامة الرديتر اللي ف الكمبيوتر تشير إلى ارتفاع الحرارة مع ان الرديتر مليان وحرارة الماكينه ممتازة ولا بعد تشتغل المراوح !!

مشيت إلى أن وصلت ورشة مشهورة في الدمام قال هذا براد زيت الماكينة يبغاله تغيير ,,,
وقطع مع شغل اليد - مع المضاربة - 950 ريال
تشمل
براد 500
ثرموستات 120
تنظيف ماكينة ورديتر .. وزيت ماكينة وشغل يد ( باقي المبلغ )

المهم يومين وترجع نفس المشكلة ونكتشف ان الخراب المره ذي في براد زيت القير !!! وطبعا الفاتورة أغلى حدود 2000 ريال منها زيت قير ,, اللتر منه ب 80 ريال !!
وهاتك هواش وكلمة مني وكلمة منه اتفقنا انه ياخذ حق القطع بس لان الخراب الأول ماله علاقة بالثاني !!
وحياتك السيارة بالورشة إلى الآن لأني قلتله لا تسلمني السيارة إلين تجربها مدة طويلة إضافة إلى أن القطع مو متوفرة دايم , والوكيل ( التعيس ) مره يطلبها من جده ومره من ألمانيا ,,, وتشمل القطع... براد قير وفلتر قير
وقاز قيت ,,, وووو ولسه الحسابة بتحسب

في الختام نصيحتي ...
ابعد عن الألماني ( إلا اذا كان بالك طويل على الصيانة الدورية وكلفتها )
وخلك في الكوري والياباني والله انهم منتجين سيارات الحين ولا أحلى منها ,,,, احنا جربنا أكثر من عشر سيارات أنا وأخواني والوالد , شي بعناه وشي باقي مافيه زي الكوري صيانه , وخدمات والقطع تعمر معاك ,,, وتصونها في أغلب الأماكن
أرجو اني اكون أفدتك ويعطيك العافية
M
MyName @user_31287 · 03-10-2006
إذا على محرك 6 سلندر , اشوف انها غاليه مررره !

والـ 4 سلندر سمعت ناس كثير مامدحوه للأسف (اقصد المحرك ) يعني عزمه ضعيف ...

اخوي انت شفت سكودا سوبيرب Superb الفل كامل ؟

نصيحتي لو ماشفتها مر على الوكاله وشوفها تراها اخت الباسات وتتفوق عليها بميزه إضافيه ( شاشة ملاحة ) والقطع والشكل ووو تشبهه الباسات 2006 ولو تصبر شهر او شهرين بتنزل الـ 2007 بتتغير وبتصير اروع من الحاليه ..

سعرها 91 - 94 الف ريال فقط للفل كامل :)

تحياتي
أ
أبـو خـالـد @user_36704 صاحب الموضوع · 03-10-2006
40 شخص شاهد الموضوع ولا واحد رد ..!!