بسم الله الرحمن الرحيم
السلام عليكم ورحمة الله وبركاته
أرجوا من الجميع قراءة الموضوع بتمعن لأن رأيكم مهم مهم مهم جداً بالنسبة لي " تكفون لا تبخلون علي به وكونوا صريحين للغاية ".
الآن أنا بصدد فتح مكتب استيراد سيارات من أمريكا لأن لنا مكتب تصدير هناك وفكرته كالتالي :
أسعار السيارات تكون مثل ماهي داخل أمريكا وللمكتب عمولة فقط لأننا نتعامل مع معارض في الرياض بنفس الطريقة وكل مكاتب التصدير في أمريكا
تتعامل مع كل المعارض بنفس الطريقة .
* إفرض انك تبي سياره من أمريكا أول شي لازم تجي للمكتب أو تتصل به وحنا نعطيك أسعار تقريبه عن السيارات وإذا اتفقنا لازم تدفع مبلغ تحت
تحت الحساب مثل العربون وبعدها إذا وفقنا الله ولقينا لك السياره اللي تبيها نشتريها لك وخلال 24 ساعه تجي وتكمل المبلغ الباقي أو ترسله على رقم
حساب المكتب وتعطينا رقم التحويل .... بعدها تنتظر 45 يوم لحد ما تجي السياره للمينا في جده وإذا كانت السياره غير المتفق عليها لك الحق ترجعها
بس بشرط قبل ما تطلع لها لوحات وحنا نرجع لك كامل المبلغ وإن شاء الله ما يصير هالكلام لأن ولله الحمد ما قد صار معنا ابد ولكن أحتياط وعشان
تريح العميل ...
وعلى فكره إذا زاد عدد السيارات عن 4 سيارات تكون السياره الخامسه بنصف العموله وإن شاء الله ناوين لكل عميل ميزات ومن هالكلام .
طبعاً أسعار السيارات بتكون مثل أسعار الجمله تماماً أو أقل حسب التيسير ...
س) وش رايكم في الفكره ؟
س) هل لو وجدت مثل هذا المكتب ستتعامل معه ام لا ؟ واذا لا ؟ لماذا ؟
س) هل تنتظر 45 – 60 يوم مدة وصول السيارة ؟ " على فكرة ممكن تكون المده اقل من كذا لأن كل 15 يوم تكون باخره طالعه "
س) ما مدى قابليتك للموضوع ؟
س) ما هي نسبة توقعك لنجاح المكتب ؟
س) ما هي توقعاتك لإسعار السيارات ؟ أذكر أمثله لبعض للسيارات وأسعارها .
س) ما هي اقتراحاتك أو أي فكره تجد أنها مفيدة أو أي نقد ؟
س) ماذا تريد أن يوفر لك المكتب من ضمانات ؟
ملاحظه هامه : أسعار السيارات ممتازه وتستحق أن ننتظر مدة وصولها . على فكره مافي مقارنه بين أسعار السعوديه وأمريكا .
وعلى فكره المكتب على أتم إستعداد لتصدير السيارات من أمريكا مباشرة إلى أي دوله سواء كانت خليجيه او عربية
وأنا بإذن الله جاهز لأي سؤال بس أنتم لا تبخلون علينا بآرائكم لأنها مهمه للغايه بالنسبة لي ...
