عاجل - أحسن سيارة ما تنسرق - إلى خبراء السيارات.

لو زودت الدراهم راح تأخذ أفالون فهي أفضل ماذكر في هذا الموضوع سيارة قوية جداً وصناعة امريكية 100 %
..
وتويوتا .. بكل صراحة سياره ماتتفوت ..
..
والازيرا طيبة جداً ولكن لا تعتقد انها مثل الماكسيما أو الافألون صحيح .. قوية وشكل جميل ومريحة وذات شكل مسكت خصوص من الخلف أجمل من الأفالون بمراحل .. الطبلون الداخلي وجودة المواد كلها ممتازة ولكن ماادري ان كنت تفكر بالبيع ولكن سياره طيبة ..
..
الكابريس واللومينا ... مع الاحترام لرعاتها ( سيارة محترمة وقوية في المحرك فقط وجميلة الشكل وذات مواصفات ) ولكن الجودة الميكانيكة تعبانة بشهادة الكل .. وشيء طبيعي انا لو املك السياره لن ابين كامل عيوبها ولكن راح تصير بالذمة .. ولكن انا شفت الشيء قدام عيني ولم أسمع به فقط .. وياما وياما سمعنا الكثير الكثير عن هذه السياره من الجودة السيئة .. لكن الحق ينقال السياره آمنة من السرقة وشكلها قوي وجميل وذات محرك فوق المستوى العادي ..
..
مثل مانصحك باقي ألاخوة .. الفورد كراون فكتوريا او ماركيز .. سيارات صبورة وقوية وتتحمل المشقة بقوة ولكن بها بعض الملاحظات الاصوات الداخلية مع المطبات .. ان كنت من النوع الي مايهتم فهي مناسبة .. فقط هذا عيبها وهي أفضل من الكابريس واللومينا ولكن ليست أفضل من الأفالون ..
..
نصيحة أفالون او فكتوريا او ماركيز أو أزيرا ثم كابريس ومن بعده اللومينا ..
..
تحياتي

إخواني الأعزاء شكراً لكم على ردودكم الجميلة.

طيب ، خلصنا من الناحية الأمنية.
أيهم أفضل .. الكابريس ولا اللومينا ... من ناحية عملية.؟؟؟؟؟؟؟؟؟؟

والأزيرا ما رأيكم فيها من ناحية أمنية ؟ وكم سعرها تقريباً ؟

طيب لو زدنا الدراهم ، ووصلنا سعر الأفالون .... هل هي آمنة ؟

هههههههههههه

أخاف أنسى يوم من الأيام وأروح خبر كان.

:D مافي الا حل واحد ..............
حط فار ميت او ثعبان

هذا الرد من مشرف فاهم
ونصيحة اذا جاك واحد يسب اللومينا ولا الكابرس حط باذن طين والثانية عجين
والله يخوي ياما حجرت لهم على الخاص
يقول خرابات؟
اقول له ايش؟
يقول مدري خرابات وبس وانا ماني ملزوم ارد عليك
ههههههههههه
لو يبي المساعدة كان قال وش مشاكلها
تحياتي

انصحك بقوه خصوصا انك شاب

بالكابرس وعلى سعرك هذا تقدر تفك لك كابرس ال اس

بس الحق على عروض رمضان التخفيضات خياليه

والومينا ال تي زد ايضا رائعه

ومن ناحية السرقه ارقد وامن

ثلاث قفلات جب اطلق حرامي اتحداه ينقزها

تحياتي لك

اخوي ابو وسن
حياك الله
اقوى سيارة بهالسعر ماتنسرق هي اللومينا, بدون مبالغة
فيها نظام قفل قوي جدا حتى لو كسر القزاز مايقدر ينقزها
والسيارة حلوة وسعرها ممتاز
الخ الظلام:
الله يهديك وش اللي حطيت الفورد بجنب الكابرس
ممكن اقبل قولت الفورد جودته اعلى
الا قضية التفكك
الفورد من تشتريه تسمع اصوات البلاستيك
انا معي لومينا من 5 سنين ولا اسمع فيها ولا صوت وياما اكلت فيها مطبات
واخوي الكبير معه ماركيز 2000 ماتهجد فيه الاصوات ابد, مع ان استخدامه نظيف جدا, والرجال كبير ومو راعي خرابيط
واذا مو مصدق رح للوكالة وشف لك لومينا واضغط على اي مكان فيها وشوف يطلع صوت ولا لا
بينما الماركيز يكفيك ابوابه كلها بلاستيك تعبان
وهي في الوكالة مفككة فكيف في الشارع؟

الفورد

زي ماقالو الاخوان ازيرا

أتوكل على الله

وأنصحك بالاستخاره

ما أنصحك في اللومينا والكابرس

خلك على الكراون فكتوريا والجراند مركيز أصرف لك منها ترى صيانة الشفر بجد غثيثة وصاحبة مشاكل وقطع غيارها غالي مرة ولا تسوى وتراها صدق ما تصبر سيارة مليانة عيوب مصنعية عد وأغلط وغير التفكك في الديكور خلال سنتين أو ثلاث.

نصيحة أذا تبي أمريكي لا تبعد عن الكراون فكتوريا والجراند مركيز. لأنها هي السيارات الي على مستوى
وأكبر دليل على كذا ان الكابرس ولومينا تراها هولدن وما دخلت لأمريكا من مشاكلها وبلاويها.

أخواني BRABUS ، مستشار ، الظلام ، aazz ، راعي 8100 ، جذاب 18 .....

مشكورين وما قصرتوا ....

إلا وش رايكم باللومينا والكابريس .

الفوووورد أنا أنصحك به لأنهم متخصصين بشكل كبير فيه

خذ فكتوريا أو ماركيز وتوكل على الله...

هيونداي ازيرا مثل ماقال اخوي مستشار .,.,.,.,.,.,.,.,.,

اهم شيء لا تاخذ قير عادي ( لأنه هو المطمع بالنسبة لهم :) )

وعليكم السلام ورحمة الله وبركاته

أخوي أبو وسن الله يعينك على السيارة وباين أن الناس الي يسرقونها يمكن يعرفونك زين؟ مو أقصد شخصيا بس أقصد يعرفون موترك أنه سهل السرقة وموقعة بالضبط.
يعني مسألة انها دائم تنسرق فهذي حاطين في بالهم أن فيه سيارة سهلة السرقة في ماكن معين لذلك.
وعلشان كذا لازم تاخذ سيارة ما قد سمعنا أحد قدر يسرقها إلا وسيارة تشتغل :)
عموما كل واحد بينصحك بالي عنده

نصيحة لا تقرب نيسان وتويوتا بتاتا بأي شكل من الأشكال.

طبعا أحب أقولك يمكن المستعمل ما يلائمك كثيير لأن قليل جدا تلقى نظيف خصوصا لما يكون ماخذ له وقت على الأستخدام أي تعدى 6 أو 8 سنين وطالع

هو في سيارات ألمانية بس على ميزانيتك ما تجيب إلا في موديلات 97 وتحت نصيحتي أن كنت من سكان الرياض أن المرسيدس هو الأكثر قطع وأرخصها. حط في بالك ارخصها ترى الألماني بشكل عام غالي. ولاحظ أنك قليل جدا جدا جدا بتلقى النظافة المرجو أنها بدون مشاكل.

شف في عندك من المستعملات الي ما لها فترة طويلة وهي انك تدور لك على كراون فكتوريا ولا جراند ماركيز موديلات 98 وطالع فهذي ما أحد سمعنى أنها تنسرق إلا في شيء واحد أن بعض عيال الحرام يكسرون الزجاج السيارة علشان يسرقون المسجل الفكتوريا لأسمعت أنه سهل السرقة وعندي واحد من ربعي أشتكى من ذلك.

الجديدة من الفكتوريا بـ 76 ألف على ما أذكر.

تبي شيء جديد عندك هوندا أكورد وسوبارو ليجاسي وبنسبة لي هي سيارات ممتازة ذات مشاكل قليلة جدا وهي يابانية 100%
وأميل أنك تاخذ السوبارو لان يمكن الحرامية لو يشوفونها بيفقون فمهم |10| سيارة غريبة جدا عليهم ويمكن يفكر أنه ما يسرقها لانه ماراح يعرف وش يسوي فيها لأنها أول شيء دفع رباعي مستمر وعلى ما سمعت مستحيل تقدر تفحط فيها وثانيا لو سرقها وش بيسوي فيها بيفكر يبيعها؟ محد يبيها منه
لأن لو بيسرق الحرامي له أهداف معينة من سرقتها ولفت أنتباهي كلامك هذا



عموما هذا قضاء الله وقدرة ولازم تصبر أخوي ولاتنس الدعاء أن الله يكفيك منهم.

لذلك السوبارو ليجاسي أعتقد خيار ممتاز لك وسيارة بدون مشاكل ويابانية

وهذا كلامي نسختة من أحد المواضيع علشان تشوف مواصفات السوبارو

وهذي مواصفات الليجاسي 4 سلندر
نوط 16, نوافذ ومرايا كهربائية, نظام دفع الرباعي المستمر المتناسق, أنظمة ABS وEBD للمكابح, وسادتين هوائيتين للسائق والراكب, مثبت سرعة, جهاز أستريو بـ 6 سيدي وكاسيت, 3 مفاتيح كلها ريموت كنترول في نفس المنفتاح, شاشة معلومات صغيرة بها مقاييس درجة الحرارة الخارجية ومعدلات الأستهلاك الأجمالية وباللتر, شكمانين, وأسطبات لون اسود الواطي عدسة مع أمكانية تحريك الأسطب للأعلى وللآسفل, وقير تيبترونيك 4 سرعات, مكيف ألكتروني طبلون أبيض.

وبنسبة للأسعارها فهي في عرض رمضان بـ 65 ألف القياسية بقير تيبترونيك ومع الفتحة السقف بـ 68 ألف.
والفل كامل منها بـ 75 ألف وفرقها عن القياسية فتحة السقف وجلد ومقعد السائق كهربائي.

واستخر أخوي وناظر الي يصلح لك والله يهنيك بالي تختارة ويارب أن الله يبعد عند الي يسرقون السيارة ويخليك تتهنى بسيارتك سواء كانت أي نوع.

بالتوفيق :cool:

أخوي كل السيارات تسرق حتى ( الممغنطه ) أي نظام ( سيكيورتي )

أن كان معك (75 ) الف أنصحك بسيارة............................... أزيرا من هوينداي لأنها من فئة السيارات الفخمه
وجميع المواصفات بها وحق الناس ( العقال ) ولا تأخذ تويوتا أو نيسان العين عليها