قمت بإلغاء حاجز السرعة في الدينالي اليوكون 2006 .. وجربته على خط الدمام وبصراحة تفاجأت بالقوة ماشاء الله عليه ..واقدر اقول انها سيارة ما يسبقها الا الألماني وسيدان بعد اما الجيوب فاننسى الموضوع تماماً ..لكن عيبه بصراحة انه يفصل عند 240 كم/ساعه..وماعرفت كذا الا لما كنت اماشي شبح |5| ......... لكن بشكل عام والحق يقال صارت السيارة ما تنتحارش شي مرعب ماشاء الله ولا قوة الا بالله ..
أخوي أي سيارة كبيرة ممكن تسميها التابوت العائلي لو كانت ما تراعي ادنى مستويات الامان وهي الكفرات ..غير كفرات اليوكن او الجمس بنوعية ممتازة مثل المشلان او شي من مستواها وتوكل على الله .. لانه عند السرعه وانسلاخ الكفر ما ينفع ولا حتى الحوت البي ام دبليو والله يروح فيها مو عاد جمس.
تسلمون اخواني على المرور والمشاركة والنصيحة ..وكلامكم صحيح عن السرعه بس مهوب لي لاني ما اسرع اصلا ..وهاللي صار كان فقط للتجربة لا غير..وانا ما تخيلت انه ممكن يجيب هالسرعه والهوا مقابلك وبهالسهولة والانسيابية وبدون اي جهد يذكر ..يعني احيانا افكر والله ارجع الفصلة لانه اذا ما حسيت ورجلك على الدعسة تجيب 200 وانت ماتدري لأنه ما يحتاج جهد ابد ماشاء الله عليه.. وشكلي في النهاية برجعها .
ممكن كم سؤال أخوي:
1- كيف عرفت أنك سرعت 240كم؟؟؟؟هل سألت راعي الشبح؟؟؟
2- كيف قدرت تسيطر على السيارة بعد 190كم؟؟؟
لأن بصراحة الجمس خطر في السرعات العالية جدا جدا
بارك الله فيك
مشكورين اخواني على المرور ولكن مثل ما قلت لكم انا مو عادتي امشي هالمشي ابد لكن حبيت اجرب السيارة وماشاء الله عليها مو طبيعية ..وبيني وبينكم احيانا تحتاج سيارة بهالقوة في الخطوط في بعض المواقف مثل ما صار لي واحد منهم وما نفعني الا الله ثم هالقوة ..
عموما اخوي الهامور موديل الدينالي اللي معاي 2006 فل كامل فتحة جلد ونافيجيشن ..RPM ما وصل حتى 5500 ورساوته ماشاء الله ممتازة خصوصا انه يمشي بالكفرات الاربع مو زي اليوكن العادي وهذا يعطيه فرق كبير جدا في الرساوة والمناورة حتى ..طبعا فيه عيب لكن اعتقد انه في كل السيارات الكبيرة هو صوت الهوا عالي لما يواجهك (واقصد اعلى من المعتاد) لما في الجو الطبيعي يوجد صوت هوا لكنه مقبلو نوعا ما نظرا لحجم وارتفاع السيارة ..
لكن ما فهمت كيف ينعدم القير لا شلت الفصلة؟ يعني السيارة ما شاء الله لا قوة الا بالله تجيب 200 ونت بربع الدعسة وانت ما تنتبه حتى يعوضغط المكينة جدا منخفظ يعني على ما اعتقد (انا مانيب خبير في الميكانيكا ) انه مافيه ضغط على القير بهالحالة ..بالاضافة انه اكيد هم مسوين حساب انك تشيل الفاصل وان السيارة مكينتها قوية جدا وبالراحة تجيب 240 وانت ما تدري حتى ..
اما عن تجربتي في البر (الثمامة) اقول انها سيارة مهيب صاحية لا في التطعيس ولا في الطلعات ولا غيره من ناحية القوة والراحة في الطلعه وغيره ..لكن ..غير مرن بسبب حجمه وبسهولة اللحية الامامية تحتك في الطعس الثقيل وما تحس انه مصمم بصراحة للتطعيس ..لكن كقوة في التطعيس بدون رشاقة ما يعلى عليه (انا كان معاي باجيرو قبله والفرق مرة واسع بين الاثنين) ..
بسم الله الرحمن الرحيم
صديقكم محمد من ليبيا
الموضوع حلو جدآ لانه من صديق وليس كدب الدعيات
لكن أخي احترس السيارات كتير تطلع وتتطور كل سنه
أما أنت واحد مافي منك اثنين احترس علي نفسك من السرعة
والله الستار أتشاء الله
سبب القوة اخوي سببين
1- محرك فورتيك الجبار 6.0 لتر
2- ناقل الحركة السداسي السرعات, مع وجود Double Overdrive
يعني اخر نمرتين نسبهم اقل من 1 وهذا يخلي دوران المحرك منخفض على السرعات العالية (نسبة الغيار الخامس 0.85 والسادس 0.67 )
ايضا تصميم السيارة مقارنة بالطراز السابق صارت افضل في مقاومة الهواء بشكل ملحوظ...
تحياتي
مشكورين اخواني على النصيحة ...كلامكم صحيح مية في المية لكن انا مانيب حق سرعه ابد وما اتعدى 150 او 160 بالكثير ..لكن حبيت اجرب قوة السيارة فقط لا غير وهذا اللي طلع معاي ..وحبيت اشارك به علشان اوضح قوة هالسيارة ماشاء الله واللي كثير ما يعطونها حقها ..
وعموما للمنفعة العامة ..كفرات اليوكونات بشكل عام يبيلها تغيير ولو تجرب كفرات جيده بقدرة التصاق من الدرجة A والحرارة ايضا من الدرجة A بتلاقي فرق مو بسيط في التماسك والراحة والأمان باذن الله ...انا مركب كفرات ميشلان بايلوت بهالمواصفات والفرق مو طبيعي .. سعرها بحدود 770 ريال للواحد وفيه بريللي بـ 850 ريال بنفس المواصفات بس ما جربته.
