+::]::+

+::[[ والله محتـــار....الإختيــــار النهـــــائي ]]::+

السلام عليكم ورحمة الله وبركاته

سبق وكتبت موضوع [تصويت] بين بعض السيارات اللي محتار بينهــا...
وهذا رابط الموضوع: http://www.assayyarat.com/forums/showthread.php?t=91574

طبعاً انا شلت بعض السيارات من راسي، وباقي أربع سيارات فقط محتار بينها...مع أني أميل لثنتين منها بس.

أولاً انا قدامي الأن اسبوعين بالكثير عشان اقرر على السيارة واشتريها لأني محتاجها قبل هالمدة ضروري.
ثانياً انا رفعت ميزانيتي إلى حدود 80 ألف ريال سعودي تقريباً.

:: السيارات اللي أنا محتار بينها ::

1) سوبارو ليجاسي 2007 (4 سلندر فل كامل)، وسعر هالفئة 85،000 ريال سعودي بالضبط.
وطبعاً من مواصفاتها أن المحرك 2000 سي سي وفتحة وجلد و ABS ومكيف إلكتروني......إلخ.

2) هوندا اكورد 2007 (4 سلندر فل كامل مخمل)، وسعر هالفئة 83،000 ريال سعودي.
وطبعاً من مواصفاتها أن المحرك 2400 وفتحة ومراتب مخمل ومكيف إلكتروني و ABS........إلخ.

3) مازدا 6 زووم 2007 (4 سلندر فل كامل سيدان)، وسعر هالفئة 83،000 ريال سعودي.
وطبعاً من مواصفاتها أن المكيف 2300 وفتحة وجلد ومكيف إلكتروني و ABS..........إلخ.

4) شيفرولية لومينا LTZ 2006 (طبعاً 6 سلندر فل كامل)، وسعر هالفئة 78،000 ريال سعودي عند الجميح.
وطبعاً من مواصفاتها المحرك 3600 وفتحة وجلد ومراتب كهربائية ومكيف إلكتروني و ABS.........إلخ.


هذي هي السيارات اللي محتار بينها...فما أدري وش رايكم؟

سبب أختيار السيارات:

1) ليجاسي: بصراحة السيارة أعجبتني مرة، وانا اخترتها بسبب سعرها المناسب مقارنة بمواصفاتها مع ملاحظة اني ما ادري يمكن أخذ هالفئة او الفئة السياحية اللي بـ 73،000 ريال .... بس ماتفرق عنها كثير غير الجلد والفتحة تقريباً.

2) اكورد: طبعاً هالسيارة غنية عن التعريف رغم اني ماكنت مقتنع فيها إلا اني بعد ماشفتها اكثر من مرة بالوكالة خشت مزاجي واقتنعت فيها بقوة بعد، ويمكن بعد أخذ فل كامل اللي يجي جلد.

3) مازدا 6: بعد هالسيارة غنية عن التعريف ومازدا شركة عريقة ومواصفات هالسيارة ماتقل عن مواصفات الليجاسي والاسعار متقاربه لذلك اضفتها من ضمن الخيارات اللي عندي.

4) لومينا: بصراحة ماكنت متوقع بيوم من الايام اني راح اشتري لومينا، ولكن بعد ماشفت عروض الجميع على موديلات 2006 صراحة خشت مزاجي وبقوه لأن الاسعار صارت مناسبة جداً جداً.


ملاحظة: انا أميل اكثر لسيارتين وهي (سوبارو ليجاسي 2007) و (هوندا اكورد 2007).
ملاحظة ثانية: انا مايهمني مسأله ان شكل السيارة راح يتغير او من هالكلام لأنه شيء جانبي بالنسبة لي وهو أخر شيء اشوفه.
ملاحظة اخيرة: انا ابي سيارة تجلس معي 6 - 7 سنوات تقريباً.


الحين عرفتوا اللي ابيه...

وتقدرون تصوتون من خلال الموضوع واكون لكم من الشاكرين..

واللي عندة ملاحظات على اي سيارة او معلومات لا يكتفي بالتصويت فقط.

بل اتمنى منه انه يرد على الموضوع نفسه.


تحياتي للجميع،