نصيحة من أهل الخبرة RX330 ولا CR-V 2007

السلام عليكم

في انتظار الموضوع ان شاء الله وكذلك لايمنع من عمل المقارنة لكي يستفيد الاخوة الاعضاء من تجاربكم

ولك كل تحية وتقدير

صالح

ألف مبروك أخ صالح، ولا تنسانا برأيك بعد التجربة

الله يبارك فيك يا اخوي صااالح


وابشر بالتقرير الوااااااااافي|6| غااااااالي والطلب رخيص

جان تبي مقارنة مع الراف4 اسوي بعد.. بحكم انه عندنا راف4 موديل 2006

مبروك والله يتمم على خير

ولا تنسى اذا استلمت السيارة ان شاء الله واستخدمتها تسوي لنا موضوع عن انطباعاتك لكي يستفيد منه الاخوان

صالح

أمنت السيارة وخلصت اجراءات البنك

الاستلام الاسبوع القادم انشالله|1| |1|

وش جاب اللكزس للهوندا !!!!!!!!

اول شي شوف فارق السعر والفئة بعدين قارن !

الؤلؤي يا جماعة الخير في نظري راااائع جدا .. فكروا فيه أتوقع يعجبكم

وألف ألف مبروك على اقتناع الروعة CRV

الله السمتعان..

الصبر زين;)

انا كلمت موظف المبيعات وقلت له اذا كنسل واحد حجزه من الدفعة الي جاية نهاية هلشهر باخذ موتره.... في حال كان رصاصي او رصاصي مايل للأزرق السماوي

نفس المشكلة هنا في السعودية،

أنا بانتظار الدفعة الثانية الي بتوصل الرياض في نهاية الشهر، ولكن للأسف اللون الي أبي محجوز (أزرق سماوي) ولكن بانتظر لين تيجي الدفعة يمكن يتوفر اللون في المنطقة الشرقية أو الغربية.

اختيار موفق ان شاء الله

وهذي مشكلة هوندا واعتقد ان المشكلة موجودة عندنا في السعودية

لاكن بحاول اسألك بكرة ان شاء الله

رحت اليوم دفعت عربووون للحجز... لكن بسبب الاقبال الشديد على السيارة ما اقدر استلم سيارتي الا عند وصول الدفعة الثانية الي بتوصل شهر مارس|10|

فيه دفعة جاية شهر فبراير بس الالوان الحلوة كلها مجوووزة.. باقي الاخضر والبيج والابيض ... وانا بغيت السلفر.. يعني كلش زحممممممة|10|

ما ادري اشلون الوضع عندكم في السعودية

ان شاء الله مبروكة
ويعطيك خيرها ويكفيك شرها

بانتظار انطباعك عن العزم والثبات على الخط وتفيدنا فيه

توكل على الله وانا معاك

انا بكرة رايح باخذ اللون الأسود|6|

عارف انا كمان طلعت فيها أمس تست دريف، فعلاً سيارةً وتقارنها بجيوب الكروس اويفر مثل RX330 والمورانو في الراحة وسلاسة القيادة، العزم ممتاز على جيب 4 سلندر وما توقعتها كذا بصراحة.
Good job HONDA
وان شاء الله بعد مستخرت ناوي طلع وحدة، صرفت نظر على RX330 بسبب سعره المرتفع جداً والي ما يتناسب مع عمر السيارة المستهلك.

والله يا اخوي نصيحتي لك روووح للهوندا

انا مثلك كنت محتار وادور لي برادو او لكزس مستعمل... لانه ميزانيتي في حدود العشرة الاف دينار ما تتعداها بعد والسيارتين حتى لو مستعملين عندنا في البحرين سعرهم فوق العشرة الاف واذا لقيت شي تحت هلسعر تراه تعبان او فيه مشاكل او مستهلك على الآخر....

بعد ما كنت شايل الهوندا من باااااالي مرررة.. رحت شفتها وطلعت فيها تست درايف.. الصراحة السيارة لا يعلى عليها.. اداء عاااااااالي " محرك اكورد 2.4 170 حصان ) طياااارة تقريبا وجيرها اوتماتيك خمس نمر " فيه عادي ست نمر ) واقتصادية في البترول|6| .... دفع رباعي ومن داخل فيها كل وساااااااااااااااائل الراحة والرفاهية الي ما تتوقعها في مثل هلسيارة.. كمبيوتر رحلة .. كروز كنترول.. فتحة... مسجل مع مبدل سيدي يشيل 6 سيديات ومعاه بعد مشغل MP3 " بالعربي تقدر تشيل موقع طرب كله على سيديات وتحمله في سيارتك|4| " تقريبا نقول بتحمل لين 500 اغنية؟؟ شي خيااااااااااااااااااااااالي الصراحة.. والمكينة كهربائي والمقاعدة والمساحة واماكن التخزين كلها ربحة

السيارة غااااااااااااية في الجمال ... تقدر تقول هوندا اكور بس جيب |4| ولو تضيف عليها شوية من الاكسسوارات تطلع روووووووووووووعة..

انا باحجز بس للحين محتار في اللون.. بكرة رايحة الوكالة وباحجز وحدة بس القرار النهائي بالنسبة للون لازم اتخذه اليوم|2|

عزيزي الهيو،

السنتافيه بصراحة سعره متضخم، وأنا أخذت نظرة على السنتافيه الموجود عندنا في السعودية، مشكلة الوكلاء هنا يجبولنا الفئات التعبانة ويستخفون بعقول المستهلك، لقيت ما فيها الا ايربقين ومحرك تعبان حق الموديل القديم 2.7 وسألت المجربين قيادة تجريبية ثباتها مو بذاك المستوى، وانت لاحظ في الصور الي انت مرفقها كيف درجة ميلان السيارة في المنعطف، والسعر بعد كل ذا 94 الف، وييييين رايحييين ....أشوف قربنا مستوى سعر المنافسين المتفوقين مثل مورانو وباثفيندر، لا وبعد تجاوزنا سعر بعض السيارات ذات السمعة الطيبة مثل CR-V
أنا احترم تطور الهيونداي لكن بعد قدامها مشوار لتوصل مستوى السيارات المذكورة، ولازمها اعادة دراسة لسعر السنتافيه.

السلام عليكم وكل عام وانتم بخير :cool:
بالنسبه للكزس سعره مثل ماقالو الأخوان مرتفع شوي .وبالنسبه لنزول السعر بعد سنتين راح يكون مثل الCRV.
وللعلم هذه السيارات للاستخدام المعتدل خارج الزفلت وليست للاستخدام الشاق واذا كنت ناوي جديد خذلك نظره على
السنتافي الجديد منت خسران تراه قمه وهو بنفس فئة CRV.

بالنسبة للسعر, عمي من أسبوع باع لكزس RX موديل 2002 ب 63 الف. كانت السيارة بحالة ممتازة.