سؤال عن التاون كار 2003

ابوشادن @user_39139 · 29-12-2006

انا عندي تاون وتوني مشترية وماله عندي شهر بس الله يخليكم انا عندي كم سؤال :
اولا / جميع اسرار السيارة من جميع النواحي ؟
ثانياً / يطلع صوت مثل ووووووووو ما بين سرعة 20 كم الى 80 كم وبعدها يختفي ووديتها لاكثر من ميكانيكي وبعضهم يقول كفرات وبعضهم ما عرف والبعض يقول يمكن دفرنش او رمان بيلي عاد مدري والله حيروني ؟
ثالثا / انا بالخبر وابي افضل ورشة فورد اروح لهم ؟
مع كل الشكر والتقدير لكل من بهذا المنتدى المتميز
اخوكم ابوشادن ...........|3|

P _70 @user_29534 · 31-12-2006

اخوي مثل مانصحوك الاخوان الاعزاء ..
ومبروك ع السياره وتكسرهآ بالعافيـه انشاء الله ..
المهم اخوي اهم شئ انك تشيـك ع الهيـدروليـك لان خرابه سريع بآلتاون كاار ..
الصوت احتمآل كبيـر جداً انه صوت رومان بلي .. لا تسويه لين تتآكد منه لانه شغله طويله يبي له فـك الدفرنس..
يعني رح الوكآله سوه عشان تغيـر زيت دفرنس ايضاً من الوكاله ..
الصوت يشبـه صوت الوصوصـه وانت مهـدي .. < تآكد من الوكآله وانتبه من الورش تراهم يبون يلعبون عليك ..
وتراه دفرنس يعني اذا فكوه مب راجـع زي اول .. الوكآله مضمونه بآذن اللـــه ..

ابوشادن @user_39139 صاحب الموضوع · 29-12-2006

مشكورين يا اخوان على المرور
تحياتي الحاره لكم

CHARGER @user_10413 · 29-12-2006

يعطيك خيرها ويكفيك شرها انشالله
بقولك انا مجرب التاون كار ماعليه كلام بس حافظ عليه وخل رجلك دايما عليه بارده مو حاره لول :)
موتر مريح ماشالله بس الصوت هذا اللي تقول عنه انت يبيلك توديه للوكاله احسن لك وتقول للي يشيك على سيارتك يسوقها يعني ياخذ تيست درايف عشان يشوف وش العله بالظبط انا كانت عندي مشكله باللنكن ويوم ركبها وساق السياره عرف وش المشكله يعني اطلب احسن شي مختص يسوق سيارتك ويكشف العيب اوكيه
الزيت دائما استعمل كاسترول جي تي اكس هذا عموم لمكاين الفورد
انتبه من الكهرب اذا خرب على طول صلحه
الهيدروليك كمان شيك عليه .. مدري ان كان عندك اي سؤال ثاني انا حاضر
بالتوفيق
***

S E N I O R @user_31926 · 29-12-2006

مبرووووووووك عليك السياره

وما اعرف ان له اسرار ؟؟

وبانسبه للصوت انا ما سمعته لكن يبدو ان التشخيص المبدئي سليم

وللاسف انا من اهل الرياض لكن شف الورشه اللي مليان فيها الفورد وانشاءالله يكون تمام

وبالتوفيق ياربي