محتار جداً في شراء يوكون أو لاند كروزر أو باترول 2007

أبـو عبد العزيز · 2007-01-18T17:43:18+03:00

السلام عليكم ، آسف على إزعاجكم لكن أحببتُ استشارة المختصين أمثالكم .. أريد شراء سيارة من فئة ( الجيب ) وحقيقة أنني محتار جداً بين يوكون دينالي وباترول سوبر سفاري ولاند كروزر GXR موديلات 2007 .. !! هي من حيث الأسعار متقاربة لكن : ( اليوكون دينالي ) : فخم وجذاب وعزم ومميزاته متقدمة جداً ، لكن يعيب

MyName @user_31287 · 18-01-2007

السلام عليكم ورحمة الله وبركاته ,,,

سبحان الله , كأنك تتكلم عني أخوي أبـو عبد العزيز اقصد بخصوص الحيره بهذه السيارات ..

مره أقول الدينالي ومره اقول بنتظر الباترول ( مجربه ومعي حالياً موديل 2004 ) والاند لما يتغير شكله على شان ماأندم مع العلم أن فلوسي جاهزه بس ماودي أتهور واستعجل ...

أخيراً قررت إني أنتظر كم شهر بنزول الاند والباترول 2008 ولو مااعجبني او كان السعر مبالغ فيه [COLOR=royalblue]( كالعاده ) فيه عندي خيار ثاني وهو التاهو LTZ سعره معقول جداً ومواصفات ممتازه وسياره لايعلى عليها وإلى الآن ماسمعت اي شكوى بخصوص هالسياره من أعطال وخلافه ...[/COLOR]

فلذلك , أتمنى لك التوفيق أخوي أبـو عبد العزيز وللجميع , والله يكتب اللي فيه الخير ..

تحياتي

KSA_Matrix @user_37505 · 18-01-2007

اخوي

اذا كنت راعي بر أنصحك (وبشدة) بلاندكروزر gxr وصدقني ما بتندم ..
حتى لو كان ستاندرد .. ياخي سيارة الحقيقة شكلها أكثر من رائع .
وغير كذا أسباب كثيرة تخليك تختاره
والباترول الحقيقة ممتاز لكني (من تجربه لباترول ربع) يهرهر بسرعة ويطلع لك اصوات الديكور من جوا ..

أما اذا كنت تبيه للمدينة أو بمعنى أصح لك وللعائلة .. الجمس أكيد بيكون خيار جيد لك (مع إن شكله ما دخل مزاجي)

لكن عندي لك نصيحة ليه ما تاخذ التاهو .. أشوف أنه سيارة رائعة لا من حيث المكينة ولا بالشكل ولا بالداخلية ..
يعني سيارة يمكن تختصر لك كل السيارات اللي فوق (تقريبا)
وبكل الأحوال راح تكون أفضل من الجمس بالنسبة لي

تقبل تحياتي

S E N I O R @user_31926 · 18-01-2007

مرحبا اخوي

فصل الشتاء عندنا اقصر بكثير من فصل الصيف

وانت بتستخدمه للبر في فصل الشتاء فقط

لذلك انصح بالدينالي وبقوووووه

مع دعواتي لك بالتوفيق