ناوي أشتري سياره بنظام التأجير نصيحتكم يا إخوان

لوجه الله الرجاء الدخول قبل الشروع


http://saaid.net/fatwa/f29.htm

وين هذي أوريكس وكيف نظامها

وهل متأكد إن بنك الامارات ما يطلبون تحويل راتب ونسبتهم أقل من الاهلي

هل لو تم الشراء عن طريق هالشركتين هل نظام التأمين وإصلاح الاعطال أو الحوادث لا سمح الله يتم في الوكاله

لأن نظام البنك الاهلي إن الاصلاح يتم في الوكاله وهذا مهم

لا اخوي الظاهر اوريكس وبنك الامارات ما يطلبون تحويل الراتب
وعلى فكرى اوريكس شركة مو بنك

واي خدمه بين يديك اخوي

كلهم نصابين عليهم من الله ما يستحقون،

اذا عندك كاش خذها وريح بالك،

واذا ما عندك،

اشتررك في التورق الاسلامي ( رغم اني اشك فيه)،، بيعطونك مبلغ اشتر به السيارة وقسط للبنك اقل ... سامبا اقل من الاهلي
على حسب وظيفتك في اي شركة؟

يعني يا إخوان أفضل واحد في هالنظام هو الاهلي :confused:

يعطيك العافيه المشكله إن هذولي كلهم يطلبون تحويل الراتب
ما عدا أتوقع الاهلي والراجحي يعطيك نظام التأجير من غير تحويل الراتب ولكن يسلخك في النسبه

صح يا إخوان وإلا أنا غلطان بخصوص التأجير من غير تحويل الراتب

أنحش عن الراجحي حتى لو هونت أنك تشتري سيارة أهم شي الراجحي لا تقربه عندهم أمتصاص للعميل بشكل يدعو للقلق

اخوي روح للبنك العربي مزل عروض جديده
وايضا في شباب يقولون بنك الامارات يعطيك نسبه زينه
وفي كمان شركة اوريكس صراحه عن تجربه شركه مرنه لي ابعد درجه بس للعموله مدري وش وضعها الحين

ياليت مزيد من الاراء أهل التجربه يفيدونا

طيب عطنا دليلك أو الشيخ إلي أفتى بذلك

لأن النظام مثلا
البنك راح يشتري السياره وتنتقل بإسم البنك والعميل راح يقسط لي البنك أقساط

ولي علمك أنا شاري سياره من الزاهد فولفو عام 2000 بنظام التأجير والحمد لله ما صار لي شي ولي حتى الان معي مع إني مخلص الاقساط من سنتين

وكل الوكالات والناس تتعامل الحين مع نظام التأجير
لأن الاقساط بكفيل ماعاد أحد يتعامل معه لأنك تجلس تذل نفسك عند إلي يسوى وإلي ما يسوى عشان يكفلك
ونزل نظام التأجير وريح الناس من الاحراج عشان الكفيل

والدين يسر يا أخي

مثل ماقال ناصر ,, نظام التاجير مايجوز شرع
وخلك مع الشرع تكسب
الشايب الله يعافيه شرا بنظام التاجير هايلكس 2000 والله راحت التشليح وبقا عليها 4 اقساط
ابعد عن التاجير
ومدام معك 50 الف كاش اصبر شوي وزدها الين السبعين وخذ لك كامري والا سوناتا مهيب غاليه وتراها تستاهل
حاول تشيك عليها بالوكالات وبتعجيك
ووسع صدرك

أحترم رأيك بس IS ضيقه وما تناسب إلا الشباب العزاب

واشكر باقي الاخوه على مشاركتهم برأيهم

ولا أعلم هل الافضل البنك الاهلي او الراجحي

بس أشوف إلي ردو في الموضوع كلهم تعاملوا مع الاهلي مع على حسب ما سمعت إن عموله الراجحي أقل من الاهلي



وإلي عنده رأي أو نصيحه لا يحرمنا منها

ياليت لو توضح لنا ماهو إلي ما يجوز

النظام ماشي في أكثر البنوك والشركات معقوله مشايخنا حفظهم الله شايفين إنه ما يجوز ويسكتون

وبعدين عطنا دليلك وليش ما يجووز

ماعندي اي خلفيه بس بنك الأهلي يمدحونه ترى ..

نفس الكلام



وغض النظر عن اي اس خذلك IS افضل في نظري الشخصي وبقوووووووووووووووووووووه



مع دعواتي لك بالتوفيق

يا أخي العزيز هذا النظام لايجوز كما أفتى المشايخ

وأنا أبريء ذمتي