حجة الوزن يا أخ نديم غير مقبولة إطلاقاً، وأنا أقولك ليه غير مقبولة
لأن السيارتين كلها ستوك وجاية من بلدها على هذي الحالة
NSX: 1200
M6: 1785
وش ذنب الـNSX إذا كانت الـM6 ثقيلة؟ هذي مشكلة الBMW لأنها صعنوا سيارة ثقيلة، وهذا شي يُحسب لصالح الهوندا أنهم اهتموا بعامل الوزن ولم تهتم فيه الـBMW بالشكل الكافي
أكرر السيارتين جاءت كما هي من بلدها وكل سيارة لها وزنها، وش ذنبي أنا إذا كان وزنك ثقيل؟
هذي ماهي حجة تتعذر بيها
لكن لو شخص قام بتخفيف وزن الـNSX عن الوزن الي جاءت فيه من بلدها، ممكن ذاك الوقت نحتج بالوزن لأنه يعتبر تعديل على سيارة
ما نشك أن أرقام الـM6 أقوى من أرقام الـNSX صحيح، لكن أين هذه الأرقام في الميدان؟ لم نشاهد تفوق أرقام الـM6 في الميدان؟ أم أنه تفوق على الورق فقط !!
لا تقولي وزن الNSX أخف، لأن السيارتين ستوك، وهذي ماهي حجة، ولأن هوندا صنعت السيارة وهي وزنها خفيف وهذا شي يحسبلها، لماذا لم تخفف الـBMW وزن الM6 ؟
الأرقام إذا ما أثبت تفوقها في الميدان، لا فائدة منها ولا تعتبر ذات قيمة
وفي نفس الفيديو:
الـNSX جرب مع بورش 997 تيربو الي قوتها 480 أقل من قوة الM6 ووزنها 1620 ومع ذلك طلع البورش على الـNSX وقوته أقل من الـM6 ولا تقولي الوزن، لأن البورش وزنه يزيد أيضاً عن الـNSX بـ400 كيلو
أنا أحترم البورش لأن أداء سياراتها يجبرني على ذلك، محركات صغيرة وقوة كبيرة وتفوق في الميدان، مو مثل الBMW تفوق رقمي على الورق، من وجهة نظري الـBMW متفوقة في السيارات الفخمة فقط أنا الأداء الرياضي لا يرقى للمستوى المطلوب
واذا بي ام خففوا الـ M6 كيف يحطون فيها أنظمة سلامة وثبات واتزان ودينيماكية في القيادة (مازالت كل السيارات اليابانية تحلم بها) وكيف يعطونك سيارة بجنوط مقاس 20 و 19؟؟ بدل شكل ولون الكفر الكئيب الي على السيارات اليابانية...كيف يعطونك سيارة ادائها عالي وقوي وعزمها عالي جداً (بدفع خلفي) بدل الدفع الامامي السقيم؟؟ نسيت وزن العمود والكارونة؟ والا هذي وزنها وزن الريشة |11|
واذا بتتكلم عن قوة البورش روح اقرا معلومات عن السيارات وشوف كيف البي ام تعطيك 500 حصان بتنفس طبيعي...وغيرها كلهم شواحن تيربو |11| ترا التيربو يلعب دووووووور مهم جداً
ياعزيزي مشكلتك تفكيرك مقفل على (السيارات اليابانية هي الافضل) وماتبي تقتنع بوجهة النظر الي نقدمها لك....حنا قلنالك الهوندا قامت على البي ام وهذا شي كلنا موافقين عليه...لكن ذكرنا لك اسباب قوتها وهي خفة الوزن وماتبي تقتنع..الا تبي تقنعنا غصب ان البي ام ماعرفوا يصنعون سيارة خفيفة عشان اذا منتدى نادي السيارات شافوا مقطعها مع الهوندا يستانسون :D
وش ذنب الـNSX إذا كانت الـM6 ثقيلة؟ هذي مشكلة الBMW لأنها صعنوا سيارة ثقيلة، وهذا شي يُحسب لصالح الهوندا أنهم اهتموا بعامل الوزن ولم تهتم فيه الـBMW بالشكل الكافي
أكرر السيارتين جاءت كما هي من بلدها وكل سيارة لها وزنها، وش ذنبي أنا إذا كان وزنك ثقيل؟
هذي ماهي حجة تتعذر بيها
لا تقولي وزن الNSX أخف، لأن السيارتين ستوك، وهذي ماهي حجة، ولأن هوندا صنعت السيارة وهي وزنها خفيف وهذا شي يحسبلها، لماذا لم تخفف الـBMW وزن الM6 ؟
مشكلتك ياخي تناقض نفسك بنفسك...تقول الوزن مو مهم وبعدين تقول هذي مشكلة بي ام يصنعون سيارة ثقيلة |11|
عموماً انا طرحت لك كلام منطقي بس انت ماتبي تقتنع...لذلك انا ارفع نفسي عن مثل هذا النوع من النقاش لانه عقيم ونهايته راح تكون يامشكلة او مشكلة..مافيه حل وسط
لذلك اريحك واقولك السيارات اليابانية افخم واقوى واحسن واروع السيارات بالعالم |11| والسيارات الالمانية الي تصنع سيارات من 100 سنه واكثر هذا شركات فاشلة وماترتقي لمستوى السيارات اليابانية ....... مع ملاحظة ان شركة بي ام كانت تصنع طيارات قبل السيارات بس وقفوا نشاطها في الحرب العالمية وصارت تصنع سيارات :D
مع التحية للأخوة الأعضاء،،،
