مساكم او صبحكم الله بالخير جميع :cool:
موتري محتاج تغيير كفرات وهو كامري 2004 .. المهم اعطيكم السالفه
اليوم بعد الدوام الساعه اربع العصر , ركبت موتري وطلعت الدمام ولاوقفت الا عند برجستون
وكالتهم اللي في طريق ابن خلدون, دخلت وقلت لهم ابي كفرات لموتري 15\65\205 هذا مقاس الجنط
مو متذكر حول رقم الموديل هذا ,, قالي السعودي اللي هناك فيه نوعين ....
الاول : GR-60 ياباني طبعا وسعره 355 , درجة التماسك A , مدى تحمل الحرارة A , والسرعة فوق الـ 200 .
قلت له غالي قال لان دعسته نفس دعسة شد بلدها , قال بس في نوع ثاني ممتاز بعد .
الثاني : اللي قال ممتاز هو GR-80 , سعره 310 ونفس المواصفات في النوع الاول ويزيد انه هاديء مايطلع صوت .
وسنة الصنع 2006 بالاحرى صار لها 43 اسبوع ......
طلعت من عندهم ورحت لوكالة قوديير تراها جنبهم دخلت وحصلت سعودي هناك وقال فيه وسعر الكفر بـ 265 ريال
نفس مواصفات النوع الاول من برجستون بس صناعتها تايلندي يقولون المتيريال او القطع من امريكا والمصنع في تايلند
وسنة الصنع 2006 :confused: ......
رجعت البيت وصليت المغرب في المسجد ولعنت الشيطان وبعدها طلعت وتوجهت للخبر :) ,,,
رحت لوكالة بيريلي وحصلت كفر قيمته 276 ريال وقام يمدح فيه السعودي اللي هناك:D ,,
المهم صناعته برازيلي:eek: , وسنة الصنع 2006 ودرجة التماسك ومدى تحمل الحرارة A , والسرعة 190 .
طلعت من عندهم ورحت وكالة فايرستون قريبه منهم حذفة عصا ....
حصلت الكفر قيمته بـ 250 ريال ,صناعته ياباني , درجة التماسك والحراره A , سنة الصنع نزفمبر 2006
الفلبيني يمدح فيه ويقول ممتاز ويصلح للشرقية :rolleyes: ,,
ورجعت للبيت حاير ماني عارف من أصدق فيهم كلٍ يمدح اللي عنده ...
طبعا مارحت لميشلان يقولون غاليه ...
باقي يوكوهاما بس كني ماني مقتنع فيها ...
المهم أنتوا أبوها وسموها وأفزعوا لي في حيرتي|1| ...
وآسف على الإطاله |3|
