بارك الله فيك اخي الحبيب
يا اخي انا من اليمن ومقيم في نيويورك ومادري عن الاسعار
واحد عرض علي 2004 قير اتوماتيك وفتحه وجنوط وتخشيب اللون ابيض ماشيه 80000 المفروض انها نظيفه جدا مجمرك جاهز مع العلم انه لو اخذها من السعوديه تكلفني حدود 15000 الف جمارك طالب فيها 90000 سعودي قالوا لي اصدقاء انه سعر اكثر من ممتاز
أسعارها ياطويل العمر متفاوته .. وسعر 2001 - 2002 يختلف عن سعر 2003 بحكم أنه الأخير تغير الشبك والجنوط وبعض المواصفات .. قبل كم أسبوع بالمعارض - الرياض : 2002 قير عادي سعر 85000 2003 سعره 100000 قير عادي بس نظيف وممشاه قليل ولا السعر يعتبر غالي شوي 2001 تلقاه من 80000 إلى 85000 ألف حسب النظافة والعداد والقير الأوتو يكون أغلى ولو بشي بسيط لقيت 2003 مسيوم 89000 بس شكله مصدوم ومرشوش لقيت 2006 بسعر 119000 بس مصدوم مع الوجه ومسمكر ومرشوش والله يعينك على الحوسه لأن شراء الجيب يختلف عن شراء السيارة العادية بحكم انه الجيب أستخدامه يكون غالباً لطلعات البر والسفر واستخدام العائلة لهذا يبيلك تحرص وتتأكد من نظافته وأنتبه من بعض ضعاف النفوس الي يوقفون العداد أو يعيدونه تلقى الممشى قليل والموديل قديم !! يعني أختصار الكلام تبدأ معك الأسعار من 80 إلى 100 بالكثير لموديلات 2001 إلى 2003 حسب النظافة والعداد الله يوفقك وييسر أمورك وكلي امل أن تخبرنا بما يستجد معك إذا شريت ..
