السلام عليكم ورحمة الله وبركاته:
اخواني اليوم صارت سالفه فيها حكم كبيره رغم انها مؤلمه شوي بس ربك رحيم وكريم
اليوم الاجواء خياليه امطار من الساعه 3 الصبح الى تقريبا العصر جعلها امطار خير وبركه عاد الصبح وانا رايح للكليه صحيت متأخر شوي وعندي اختبار قمت توضيت قلت ياولد بروح بمسجد الكليه اصلي وبعدين صليت بالبيت بعد تهاون والعياذ بالله استغفر الله واتوب اليه..
عاد وانا رايح بالطريق للكليه اللي هي خارج عرعر تقريبا ب15 كيلو الطريق صراحه واسع لكن خطير لأن بالكيلو 12 فيه منقع مويه يسبب دايم حوادث ... فيه واحد من طلاب الكليه جالس يغبر جنب شاحنة نقل كبيره دخلت الشاحنه المنقع وانحرفت وتخيلو قلبت على اللينوكن وسحبتها معها خارج الطريق عاد كان الطريق زحمها مررررره بس طلعت الشاحنه بقدرة قادر عن الطريق مالكم بالطويله انا صفطت وصايره فيني ام الركب ارجف بس بروح احاول اسوي شي مع اني اعتقدت اني ماقدر اسوي شي لان خلاص كل شي منتهي جيت عند السياره الا الرجال مافيه اي شي لو خدش سبحان الله رغم ان الشاحنه اللي قلبت عليه عملاقه بشكل والله ان جهاز البلوتوث عندي متعطل والا نزلت لكم الصور الضربه القويه جت من عند الراكب اللي هو مارضى يروح بحجت انه يبي يروح بسيارته
لا اله الا الله محمد عبده ورسوله صلى الله عليه وسلم ربك عطاه عمر جديد الغريب بالامر راعي الشاحنه رجال مشفررررررررر نزل من الشاحنه وجالس يفكفك فيها ولاهمه شي رايح عند الصدام ومدري وش يفكك ههههههههه
