تحذير لاصحاب الفكتورياا و الماركيز (( بخصوص المكيف ))

http://www.assayyarat.com/forums/showthread.php?t=103584

الرابط مهم للجميع

وبه خلاصة التجربه


تحياتي للجميع

انا معك عاشق الفور
انا معي فورد سعودي فل كامل 2003
سالفة ماربة لسالفتك
كنت ماشي بالسيارة من الرياض للدمام وتلقفت بقلل البرودة حقت المكيف بعز الصيف لان الجو برد وفتحت الثلاجة على الحار ولا رجعت على البارد
وصارت المشكلة من المحول اللي يحول من بارد الى حار ورحت فكيت القطعه وحولتها على البارد والى يومك ماصارت نفس المشكلة
. بس طلعت مشكلة جديدة صار المكيف يروح فوق وتحت والهواية فاتحه ماتصك ابد وسووت لي ازعاج والى يومك
وانا مكيفي فوق تحت وهو 2003
ولكم خالث تحياتي

صحيح كلامك ياعاشق سيارتي 98 جراند ماركيز كان فيه تهريب مويه لما افتح الكبوت تحصل ماي من الثلاجه يهرب واذا فضت تسمع صوت المروحه المزعج وديتها الملحم وغير الثلاجه بــ1800ريال وحصلت عنده 13 سياره كلها ثلاجات ركبت الثلاجه اللتي تجي نفس السعودي او الخليجي اللي عندي يوم فكها حصل ترسبات ملحيه وشوية صدأوإلى يومك اشغل الحار والبارد والحمدلله ماصار شئ
ويعطيك العافيه

السلام عليكم

يعني الي معاه من موديلات 2002 واقل راح يتوقع تخرب عليه الثلاجة ؟؟

الله يستر

فعلاً أنا حصلت معي هالمشكلة

وقال لي الكهربائي حق الوكالة افصل الحارّ عشان ما يخلي الاديتر حق المكيف يهرب ماي عندك

وخليته يفصله لي قبل الصيف



بس من سويّت هالحركة

وأنا ألاحظ ان سيارتي لما أوقفها ما تبرد بسرعة

وعند التسخين الصباح ... بسرعة تسخن

يعني العملية غير طبيعيّة مرّة



وأنا حاير ... الموضوع هذا بسبب هالحركة .. والا من أسباب ثانية؟

سيارتي .. فورد مركيز 99

فعلاً اخوي عاشق الفورد المشكله هاذي صارت معي في سيارتي فورد 97 وصارت ثلاجة المكيف الحار والحل بسيط جداً افصل انبوب الحار اذا فتحت الكبوت تلقاه خلف خزان الفريون مباشرة وتم تعديل هذا في الموديلات الجديدة من 2002 وطالع

الثلاجه كانت تاتي في السابق بلاستيك وحتى مجرى الماء بلاستيك وقد عدل في الموديلات الجديده


الى الامنيوم بمعنى :: الثلاجه بلاستيك ومجرى الماء الامنيوم فقط والثلاجه على حسب معلوماتي ماتنفجر


بل تهرب فقط ماء ولايوجد ثلاجه من حديد لسبب واحد وهو ان الحديد يصدا والالمنيوم لايصد والبلاستيك لايصدا



والمعلومه الاخرى وهي ان الحراره الداخليه في المحرك ثابته سواء في السيارات الامريكيه او السيارات السعوديه


وهي كما تعلمون على النصف شتاء او صيفا



والمشاكل التي تحصل دائما مع السيارات المستورده وهي الثلاجه طبيعي لان اغلب السيارات تاتي موديلات قديمه


وتصل الى السعوديه بعد ان تكون قد استهلكت نوعا ما فيشتريها المستهلك السعودي وتجلس لفتره من الوقت وتتعطل

الثلاجه ويتم تحليل المشكله تحليل خاطي بقولهم ان السيارات الامريكيه لاتتحمل الحراره وتنفجر الثلاجه علما بان السيارات


السعوديه بعد فتره من الزمن تتعطل مثل السيارات الامريكيه



والعمر الافتراضي للثلاجه تقريبا من 4 سنوات الى 6 او اكثر في بعض الاحيان


وللعلم :: تم تعديل الثلاجه في السيارات السعوديه من عام 2003 وصارت السيارات السعوديه تاتي ثلاجه بلاستيك


وبمجرى الامنيوم للماء وعند عطل السيارات القديمه ذات الثلاجه البلاستيكيه الكامله يتم استبدالها بالثلاجه المعدله


هذا والله الموفق

اخي العزيز انا فعلا صارت معي المشكله زي ماانت قلت بالضبط في ماركيز كان معي موديل 98 في البدايه لاحظت ان فيه ريحت غريبه في السيارة وبعدها لاحظت موية الرديتر تنقص رحت لكهربائي قام رفع الفرش الي عند رجل الراكب ولقينا المويه ماليه المكان هناك قالي فيه حل بسيط وهو انك تحط بوجي في لي الحار علشان تسكره وفعلا سواها وانتهت المشكله لكن طبعا الحار صار مايشتغل
تقبلوا تحياتي

والله انا معي الفكتوريا 2005 (الي فيه الاريل)وقبل اسبوعين مغير كمبيوتر المكيف علي الضمان مجانا
والسبب\\\غريــــــــــــــــــــــــــــــب؟؟
المكيف ويبرد ؟
بــــــــــــــــــــــــــــــــــــــــــــــــــس
مايعطيني هوى من الفتحات عدادت القياسيه
يعني يعطي الركاب في الخلف و فتحت ازاله الظباب الاماميه
والحين ماشي تمــــــــــــــــــــــــــــــــام وبدون مشاكل
وشاكر لك اخوي علي موضوعك

لكن المواصفات السعودي : تكون مصنوعة من الحديد المقدمة فقط حتى تتحمل الحرارة العالية في الشرق الأوسط


اللي عنده استخدام امريكي نصيحه مني يفصله ( المكيف الحار بالصيف ) لان مشكله الحراره اكبر المشاكل بالسياره لانه يمكن يضرب معك راس المكينه

للفائده العامه:

كنت اسوي صيانه الاسبوع الماضي عند توكيلات الجزيره ولقيتهم مسوين عرض على تغير الثلاجه واعتقد تنظيف الراديتر من 2750 الى 1500 ريال فقط!

الحمد لله ماصارت معي بالمارودر

حسب خبرتي وتجاربي المتواضعة لم اسمع بهذه المشكلة ولكن لربما تكون مشكلة عارضه


او اخطاء تصنيعيه في احدى الدفعات والله اعلم وشكرا على المعلومه

[COLOR=black]شكراً عاشق الفورد....

ما أعتقد إن هالشغلة عامة مثل ماقال أخوي محزون.... ممكن خلل فني بسيط وطارئ ماله قاعدة... وممكن يكون كلامك سليم بس بصراحة ما قد سمعت بهالسالفة...

أنا معاي لينكولن تاون كار 2002 وكالة ورحت عليه من جدة إلى الرياض إلى الإمارات في دقة سلف وحده والمكيف شغال وماشاء الله لا حرارة ولا ريحة... وأظن إن اللينكولن مثل الفورد في المواصفات الميكانيكية والكهربائية...

على العموم ألف شكر والله يكفينا واياكم شر السيارات,,
[/COLOR]