شباب يهمني رايكم لومينا كابرس فكتوريا

خلاص شباب قررنا ناخذ فكتوريا حصلت مثل ماقتلكم موديل 2000 وموديل 2004 وارد امريكا اشرايكم ؟؟ وهم كلمت الاهل قالو لو تاخذ جديده من الوكاله احسن فابي رايكم شالفرق بين الموديلات ؟؟؟ وبشنو تنصحوني اخذ جديده ولا مستعملهمن الموديلات الي ذكرتها

انا عندي لومينا ???? LS .. كشكل السيارة رهيبة وحلوة لكن اعطالها كثيرة وقطعها بضعف قطع الفكتوريا يعني مثلاً الفحمات الامامية الاصلية (لومينا بحدود ??? ريال) (الفكتوريا بحدود ??? ريال) وهذا شي من الاشياء،،، غير كذا الفورد سعرها يمسك في البيع اما اللومينا انسى،

وانشاء الله اكون فدتك،،

الفكتوريا افضل... ولايوجد مقارنه كجوده وقله مشاكل مكانيكيه

اللومينا والكابريس افضل من الفكتورا طبعا


اما من بين اللومينا والكابريس اللومينا لانها ارخص قطع غيار وتدوم معك الكابريس يبيلها واحد محافظ((شايب))

هههههههههه وانت استأجر وجرب

مشكورين اخواني عالردود كفيتو وفيتو اخوي والله تصدق لقيت مارودر عارضينها وسعرها يعني كسعر فكتوريا الجديده بس على طول شرها واحد المهم مشكورين شباب عالردود وان شالله اول ما اشتري راح اخبركم ويعطيكم العافيه :)

على ان معي ميركري الا اني بقول لك بدون عنصرية او تعصب


الكابرس اس اس 96 حلو من ناحية القوة وبيطلع عليك برخيص ويصبر على شوارع الرياض افضل من اي سيارة امريكية بس ما اتوقع انك بتلقا واحد نظيف وان لقيت خذه ولا تشاور

الفكتوريا لانه صبور وقطع غيارة متوفرة ورخيصة



اذا قضت السيارات في الكرة الارضية ووقفت المصانع عن التصنيع خذ لومينا او كابرس ... سيارة مهيب عملية ابد وقطع غيارها غالية وخراباتها واااااجد والا من ناحية القوة ال ال اس اتوقع اقوى من الفكتوريا فكيف ال اس اس


واذا كنت تطول الميركري مارودر فانها هي السيارة اللي احلم بها ..... واتوقع انها بتعجبك

الأفضل فكتوريا عملية ومريحة جدا

بالنسبة لي فكوريا افضل شي يكفي انها فورد
وهالايام الشباب طايحين فيها صارت شبابية من الدرجة الاولى وجميييله والله واضمن من اللومينا والكابرس
انت وش لك بالكابرس اس اس قديم موديله 96 واللومينا شكله مو شي لانه تغير اما الفورد لم يتغير حتى الان
فناا اقول احسن شكلا ومضمونا الفكتوريا

وسلااااااام

مشكورين عالردود بس الكل يقول فورد ليش متحيزين للفورد اكثر لي هالدرجه شفر فاشله؟

فكتوريا 2000 هي الافضل

فورد فكتوريا 2000

ان لم تكن بوليس او تاكسي

انا اشوف الافضل والاحسن فكتوريا