((تجربة)) مرسيدس E280 موديل 2007
السلام عليكم ورحمة الله وبركاته
بعد التحية والسلام لن أطيل عليكم وسأشرح تجربتي للسيارة بشكل مختصر ويمكننا مناقشة الموضوع وطرح أسألتكم حول السيارة علما أن تجربة السيارة تختلف تماما عن مجرد ركوبها بالمعرض..لكن (الفلة) بالموضوع إن الرجال اللي جالس جنبي كان يقولي بحماس (أعطي رجلك للسيارة)
السيارة يا جماعة الخير بإختصار روعة روعة بالرغم إن مقاعدها يدوي (أمام-خلف) والباقي كهربا وطبعا اللي سقتها للأسف سياحي ومافيها مواصفات كثيرة علما بأن نظام الإنارة الذكية موجودة بالسيارة ولكن للأسف لم ألاحظ بينها فرق وبين النظام العادي نظرا لأنني كنت أقود بالمدينة..وأول مافتحت الباب حسيتها ثقيل والسيارة نفسها ثقيلة حتى دركسونها المطور ثقيل على شوية خفة..تحس السيارة متمسكة على بعضها تماسك
من محاسن السيارة إنه عزمها جامد (6سلندر)
وبالرغم من إنها 235 حصان إلا أنها أقوى من اللكزس اللي قوتها 260 حصان بفرق ملحوظ (شكلي متوهم)
والثبات والله تبوا الصدق ماقد شفت سيارة بمثل ثباتها (أثبت من البي إم الفئة الخامسة)
والرساوة مع إني ماجربتها على الطرقات السريعة إلا إني حكمت إنها راسية بسبب قساوتها بالمطبات
وتبوا الكلمة حتى المطب بالرغم من قساوة التعليق ماحسيتها مثل ماأحس المطبات بالسيارات الأخرى..
من مساوئ السيارة إن مكيفها مايسوى بريال..الرجال مأشر المكيف على 23 ومايبرد بسرعة مثل سيارتي اليابانية للأسف الأوروبي بشكل عام ماله بالتكييف
مطورين القوة والثبات وأنطمة سمبتيك ونسوا المكيف :(
وللأسف الشديد لايوجد شاشة ملاحة وإنما يوجد نظام كمبيوتر رحلات..
أيضا لاحظت شيء آخر وهي شكوى الناس من فراملها صحيح فراملها قوة لكن يطلع صوت........
لما أكون ضاغط البريك بقوة بعدين أفلت على شوية شوية وعلى فجأة يطلع صوت رجة قوية!!!!!!!! هذا والسيارة ماشية 14 ألف كيلو فقطططط
أجمل مافي الأمر إن السيارة مرسيدس يعني أول ماتسوقها تحس بسحرها
وتقييمي للسيارة هي 4/5 نجوم والسبب سعر عالي وقلة مواصفات هاذول نقتطين مهمين ..
وبالرغم من ذلك تظل السيارة روووووووعة وينصح بها كسيارة شبابية للبرستيج ويفضل تاخذها مع AMG كت
وأي سؤال أنا حاظر
تحياتي
