بسم الله الرحمن الرحيم
هذي قصيده قريتها في احد المنتديات وعجبتني
قلت لابد من نقلها
بعد الفقر حطت شريحه وجــــــــوال ××× يسعد مسا جوالها والشريحـــــــه
كانت تجيني تشتكي قلــــة المـــــــال ××× وتصيح لا جا طاري الفقر صيحـه
تقول الوالــــد دايم الدوم رحـــــــــال ××× وامي كبيرة سن دايم طريحـــــــه
وانت الوحيد اللي لك القلب ميـــــال ××× دايم يصارحني وانا له صريحــــه
طفله وانا معشوقها بين الاطفـــــال ××× جريح حب وطاحله في جريحــــــه
كنا سوى نرسم على التربه آمــــال ××× واحلام تقتلها الحياة الشحيحـــــه
كم دمعة كانت علــــى الخد تنهــــال ××× واذا نزلت ضاقت علي الفسيحــه
الله كم صرخه .. وهمسه .. وموال ××× الله كــم جـــادت عليــنا القريحـــه
الله كــــم بــيــت كتــبنــتـاه يختــــال ××× واقول انا عبد الله وانتي مليحــــه
نتخيل لو مافي بالسما برق وخيال ××× ونكذب الايــام لــو هــي صحيحـــه
تقول : لا حطيتلك بشـت وعقـــــال ××× وسخر لك الرحمن عيشه مريحـه
اخاف تتركني على عثرة الفــــــال ××× للفقر و وجيه الحياة القبيحـــــــــه
وحبيتهـا بين الخــلايــق والازوال ××× حب يطـول الوقـت محــد يزيحـــــه
وسلمتها قلــب تباريـــه الاهــوال ××× وطاح الخفوق وطيحة القلب طيحه
راحت وخلتني مع القيل والقــــال ××× شاعر صواريف الدهر تستبيحــــه
ودار الزمان وغير الحال بالحـال ××× وجاها الزمان بكل ورده وشيحــــه
فله . وخدامه . ولكزس . وجوال ××× وانا عجزت ادفع رسوم الشريحــه
اتمنى انها عجبتكم ...
