شلونكم شباب .. بصراحه مشكلتي لوعت جبدي بصراحه و اصحاب المحلات ماعرفوا حلها مع ان الوصف ماعتقد له صعوبه !! يا شباب انا عندي كامري 99 .. صارت معاي مؤخرا ارتفاع بدرجه حراره السياره .. مع ان الترمستات انا شايلها و ما لاحظت ان في تهريب ماي من تحت .. الحراره توصل للـ H لو ما اوقف السياره و اول ما افتح الكبوت اشوف المطاره اللي على اليسار الماي فيها يغلي غليان و يطلع من الفتحه اللي تطلع الماي الزايد من فوق و لما تبرد اعبيها ماي القاها مطلعه الماي كله و هالمشكله صارت معاي قبل على خفيف و راحت و هاليومين صرت اعبيها اطلع مشوار نص ساعه و ترجع ترتفع حرارتها ووالله مادري شنو المشكله ياليت يا خبراء و يا شباب تعطوني الحل او على الاقل الاحتمالات للمشكله لاني مابيهم ينصبون علي بالتصليح فأنا والله موقف السياره و معتمد عليكم لان المره الماضيه قالولي مافيها شي و على فكره هالمشكله ملاحظ انها مع المكيف تصير و حتى من دون المكيف ترتفع درجه الحراره انتظر ردودكم و اتمنى ماتردوني |5| |5| |5| |5|
