حياك الله يا جمس....
أول شي مبروك مبروك مبروك الله لايريك فيه مكروه...
ثاني شي ياحبك للصور الكبيرة :D .. يمديك تطبعها وتحطها فوق كبري الخليج دعاية :) ...
بس المهم اني شفتها كلها..
ثالث شي ماشاء الله الموتر نصبته تمام بس يحتاج حاجتين... ترميم + لمسات خفيفة...
واللمسات خلها بعدين... أهم شي الترميم...
واعمل حسابك انك بتصك في الترميم والقطع الخارجية حول 4000 ريال إذا تبي الشغل المزبوط..
والمشكلة الكبيرة في توفر القطع...
على العموم مبدئياً تحتاج بوية فرن ( ماشاء الله البوية المقرشة عندك باين الحديد والصدأ من تحتها ) يعني مافيها معجون...
وبعد البوية تحتاج أزياق الجنب ( الجلد ) اللي في نص البودي... وما أظن انك بتلاقيها بالهين... لأنها تختلف عن أزياق الـكابرس 80 - 90... عندك تجي نحيفة ...
وتحتاج وجهية كاملة.... شبك و شنابر نور لأن الشنابر مكسرة وانت تبي الوجه يلمع...
والصدامات الله يعينك على التشاليح...
تحتاج جلد صدامات قدام وورى وتحتاج جلد الدعامات ( الطولية )...
وبعد كذا تحتاج جنوط كابرس 7 إنش وطيس شبك نظيفة....مع الأقفال..
وكفرات قوديير خط....
ويبغالك تلميع بطن السيارة وبويه سوداء اذا لزم الأمر... وخصوصاً الدفرنس والعمود حق التوازن..
..
الإسطبات خلفية نظيفة ماشاء الله بس يبغالها تلميع من داخل... والباقي هين إن شاء الله...
أنا حالياً بالرياض وأي خدمة احنا حاضرين...
ومبروك مرة ثانية
الله يحييك ويبقييك ياعميدنا
والله احتري زيارتك للموضوع
شكلي بسوي اللي قلت بحطها دعايه هههههههههههههه
بس يالغالي انت تقصد ترميم يعني من الخارج بويه وكذا ؟؟
والقطع القاها في الامارات او الكويت ولا اي هين ؟؟؟
ونا بروح الصناعيه بعد شوي وبشوف البويه بكم بالفرن
واذا على الانوار وكذا شكلي بجيبها من امريكا وارتاح
نظييييييفه
والصدام نظيف مافيه شي بس يبي له جلد على الصدام
بس ودي توريني شلون شكل الجنط اللي تقصده ؟؟
والبطن بسوي تلمييع لكن مب اللحين ابي اخلص من الاشياء المهمه اول
وتسلم وماتقصر يالغالي
والله يبارك في عمرك
ولاهنت وشاكر لك مرورك لموضوعي يالغالي
