أبغي مشورتكم لا هنتو
السلام عليكم يا شباب ......اشحالكم كلا وحاله..........
شو رايكم في العرض هذا
الفورد اكسبلورر 2007 رقم ثلاثة اعتقد اسمه اكس ال تي
السعر:105000 درهم
عرض رمضان:
ضمان 3 سنوات على كل شي من صيانه وتبديل زيت وفلاتر وقطع غيار+ضمان 5 سنين الضمان العادي+تركيب حساسات+تركيب مخفي عازل للحراره.
بالاضافة لطلبي تركيب الوكالة :
نفيقيشن مع كاميرا خلفيه وDVD قدام وبلوتوث (13000درهم)+تركيب DVD للأطفال شاشتين خلف مسندة السائق والمعاون (3500 او 4000)
يعني راح يطلع علي ب 122000 بس بايكون في نظري فل اوبشن ههههههههههه
انا واخوي عندنا تريل بليزر وماشاءالله تبارك الله والله الحمد مارحنا للوكاله ابد
واخي اذا كان على صرفية البنزين
الاكسبلوررماكينته : 4لتر =210 الكامري اقوى منه .
التريل بليزر ماكينته 4.2= 294 .<-------- شوف الفرق
شوف فرق القوه وقارن صرفية البنزين.
وبعدين يا اخي انا مادري كيف تمدحون الاكسبلور والامريكان بأنفسهم يسبونه ادخل على مواقعهم وشوف
هل معقوله الي عندنا افضل من الي عندهم اذا كان كذا فهذي اول مره تصير.
نصيحة وانت مغمض اكسبلورر أخوي عنده بليزر 2005 وأنا عندي اكسبلورر 2003 أخوي كل شهر لازم يزور الوكالة أقل شي مرتين أنا لله الحمد لله ما أزورهم الا لتغيير الزيوت والفلاتر والقماشات وسواقته مرييييييحة جدا صرفية بنزين أقل من البليزر .....
بالرغم من حبي للبليزر لكن صوتي للاكسبلورر .. تعال البحرين وشوف البليزر منتشر بشكل رهيب زاد عن الكامري .. والسبب ان اغلب الناس عندها رغبة بالجيوب بسبب ارتفاعها وحجم اطاراتها .. بس بعد لان الناس مالقوا جيب ارخص من البليزر. وبعدين وكيل الشفروليه جيد مو اكثر.. وتمسك سعرها (في البحرين).
..
..
الفورد عندنا ماله سوق ومحد يرغب له ويتهربد بسرعة بسبب رطوبة ال 100% عندنا ، وبعدين الفورد عندنا جديد مو مثل الشفروليت بتاريخها القديم في الخليج .. بالاضافة ال انها ما تمسك بسعرها بالمقارنة مع البليزر.
..
..
بس اذا خيروني بينهم بختار الاكسبلورر لاني شخصيا مقتنع فيه.
انا كنت ناوي أشتري بليزر ودخلت المعارض وشفت الأكسبلورا والحمد لله شريته.
بصراحة في البداية ماكنت مقتنع فيه لاكن الحمد لله بعد الإستخدام أحس إنه أفضل من البليزر مع العلم بأن الأكسبلورا إللي معي V8 4*4 وقوة الماكينة 4.6 L
ماعرفت إللي بعد ما دفعت العربون للسيارة .بس أول مره أعرف أنه الأكسبلورا يجي 8 سلندر.
