مشكلة في الفرامل !

A L H A M O O R @user_17724 · 12-08-2007

السلام عليكم ...

ياشباب عندي مشكلتين

دعسة الفرامل لين ضغتها ورفعت رجلي ماترتفع على طول

يعني ما كأنها طبيعية .... تحس أن فيها مشكله

ثاني شيء في صوت يطلع اذا ضغت فرامل

يشبه الصوت اللي يطلع اذا كانت الهوبات في مويه أو كنت تو مغسل السيارة

وهذا الصوت يطلع اذا ضغت فرامل وأنا ادحدر قبل ما أوقف ...

صراحه ماعرفت كيف أوضح المشكلة على شكل موضوع

لكن ان شاء الله ان المشكلة وصلت وعنكم الحل :)

MERCEDES 600S @user_49659 · 17-08-2007

أولا اخوي الهامور

مشكلتك في عدم رجوع الفرامل بسرعه يعني مو مثل أول
إحدى الثنتين:
1- زيت الفرامل يكون ناقص كثير او فارغ
2- سلاح الفرامل ومكانه تحت علبه الزيت .

والأفضل انك تروح لأكثر من ورشه حتى تقتنع بالعطل
(((يعني مايلعبون عليك الورش)))

والله يوفقك |3| :) |3| تحياتي للجميع

A L H A M O O R @user_17724 صاحب الموضوع · 16-08-2007

مشكورين وما قصرتوا

وخصوصا الأخ بدر 4 وكلامك سليم :)

لكن ماقلت أخوي بدر الصوت من أيش ؟؟

وعندي بعد سؤال اللي هو كم عمر الفحمات الافتراضي ؟؟

لأن صراحه فحماته غااااليه 350 أمامي وخلفي 300 !!!!!!

بدر4 @user_48810 Banned · 16-08-2007

اغلب الامريكي مشكلته الازليه هي الفرامل
لازم تبرمج نفسك على الوضع هذا .. أو
تغير فحمات جدد وكاله بالاضافة الى خرط الهوبات ..
وعموما الصوت اللي قلت عليه ما يأثر بجودة الفرامل..
أما مسالة عدم رجوع الدعاسه هذي حلها والله أعلم تزييت وصلة الدعاسه المرتبطه بالحامل ربما تكون مصديه خصوصا اذا كانت سيارتك استعمال امريكي اذا كانت كذلك فأكيد هذا هو السبب ..

نبض الاحساس @user_52735 · 15-08-2007

نفس ما قالو الاخوان والصوت هذا عادي حتى عندي انا طالع مع اني توني مغير الاقمشه وخارط الهوبات بس مافيه اي مشكله|1|

M S H 3 L @user_50244 · 15-08-2007

أنا أقول يا أخوي يا الهامور أن أغلب الأمريكي فرامله في الغالب أنه يصرير
ويطلع أصوات تخفس الأذن
لكن أنا أتوقع أن الحل أن الفحمات تصنفر أو تخرط
وشكرا

كامري الشيوخ @user_28957 · 12-08-2007

شيك على زيت البريك اذا طلع ناقص زوده وجرب بعد ذلك اذا مانفع

تحتاج الى توضيب الكليبر وراح يتم تغيير الجلد اللي بمكبس الفرامل لانها المسؤلة

عن ارجاع ذراع البريك طبعا المهم اذا ماضبطت لازم تغير الكليبر كامل وعشان ماتخسر فلوس

كثير ارفع السيارة وحرك الكفرات الامامية الايمن والايسر اثقل واحد معناته المكبس تبع البريك

عطلان وان كان الافضل تغييرها كاملة لكي تكون بنفس القوة

بـروقـهـام @user_51241 Banned · 12-08-2007

يمكن الفحمـات ( تـعـلًـق ) .. وإذا صوت الحكة القوية اللي تطلع بعد مـا يجي الهوب مـوية ، فالأكيد إن الهوب عندك يبيله خراطـة .. تحياتي