يا شباب شراء سيارة يجعل الشخص في حيرة شديدة وأنا من الناس الذين يحبون يتحرون قبل الشراء - وأنا ناوي أشري جديد وأشوف أنه أفضل لكن أتراجع وأقول حرام تحط كل هذا المبلغ الكبير في سيارة خذ لك مستعمل ووفر جزء من دراهمك والناس اللي يقول خذ مستعمل واللي يقول خذ جديد - وإذا قلت أباخذ جديد أقول بكره تجي تبيعها ما تجيب لك شئ - وأنواع الأحتمالات تدخل في رأسي - والشباب في المنتدى ما يرسون على بر اللي يمدح واللي يذم يعني يخوفون والحين أنا محتار أول ما رسيت على هوندا CR-V 2007 قل كامل وقيمتها 89000 ريال - قلت في نفسي كثير المبلغ ويمكن لا قدر الله بتبيع لأي ظرف ما أدري تجيب لك سعر ولا لا - وقلت خذ لك أكورد 2008 وانتظر حتى تنزل وبتكون في حدد 75000 ريال السبيشل وسيارة فخمة وأضمن في البيع بعد الاستخدام وأحيانا أقول هونداي أزيرا 2008سيارة حلوة وفخمة لكن أقول في نفسي سيارة كورية وش تضمنها كم سنة وتتخلخل وما أدري هذا الأعتقاد صحيح ولا لا - وأحيانا أقول خذ لك مستعمل أمريكي كراون فيكتوريا ولا لومينا ولا جراند ماركيز من موديل 2004 إلى 2006 بيكون أرخص وبشرط يكون نظيف - وقلت مرة لواحد من أخوي أني ابشتري سيارة في حدود التسعين ألف قال خذ لك لاند كروزر 2003 مستعل بتحصله بهذا السعر سيارة ممتازة وتفيدك لو بتبيع بس ما أدري هل كلامه صحيح ولا لا علما أني لا أحب الكامري وش رأيكم تراني محتار وعذرا على الإطالة خصوصا أن هذا أول سيارة أشتريها لو كانت جديدة واللي جرب يفيدنا .
