وأنا أحترم وجهات النظر .. وبالنسبة لي .. أنا اشوفها حلوة وتصميمها ولا أروع .. واللي يقول تشبه الدوج .. ياليت يرجع ويشوف من اللي نزل أول ( للمعلومية الجالنت نازلة في أمريكا من عام 2004)
السيارة مواصفاتها رائعه .. وثباتها ولا أروع ( مجربها ) وتحس وانت تسوقها انها (وزن) وراسية ومحركها سلس ورائع. بس فيه بعض المواصفات اللي ما عجبتني فيها ومنها: 1- قيرها 4 نمر (بس الزين فيه انها تيبترونيك) 2-طارتها مافيها ازرار تحكم (فقط خلف المقود) 3-مافيها مكيف خلفي 4-مافيها مصابيح ضباب 5-مافيها حساسات 6-تصميم القير قبيح ( صغير)
مشكورين على التفاعل و احنا نرحب بآرائكم مهما كانت .. في النهاية هيه سيارة لا راحت و لا جت و فعلا جالانت الشكل الجديد تصميمها مو ذاك الزود ( الحمدالله موتري النسخة اللي قبل هذي )
آخ كامري مشكور على تشريفك لنا بس يا خوي شدعوة ( ميتسوبيشي = ايفو و بس ) ظلمت الميتسو ... وين راح الباجيرو وين راحت الماجنا قبل التوقيف وين راح الجي تي 3000 وين راحت الإكليبس :) كل هذيلا ما ترسوا عينك :eek:
عالعموم هذا رأيك بس حبيت أذكرك ببعض أقوى موديلات الميتسو :)
لو كانوا جابو لنا النسخة الاسترالية والتى تسمى 380 لكان افضل. الشكل مشابه ولكن المكينة 3.8 وبقوة تعادل 235 حصان (175 كيلووات) وبها مميزات افضل من الامريكى.
انا شايفها امس بالشارع تصدق اخوياي الي معي يقولون هذي كم موديلها قلت لهم 2007 قالوا نحسبها م 99 ياخي شكلها والتصميم حقها جدا جدا عادي وكلاسيكي الى ابعد الحدود (( قبيح ))
قضية توقيف الماجنا ما كانت عشان يمشي سوق الجالانت بس شكل الماجنا الجديد ما ضبط يعني كأنها لانسر كبيرة فقل الإقبال عليها بشكل كبير .. و بالنسبة للجالانت كان المفروض الستة سلندر اللي تنزل مكينتها 3.8 يعني مو شي سهل و كان المفروض قوة السيارة و حجم مكينتها تغطي على سلبياتها و أولها الشكل .. بس ما أدري ليش نزلوا عندنا الستة سلندر 3.0 ؟؟ |5|
يعني حتى الـ 3.8 لو بتشوفون شكلها يفرق عن الموجودة عندنا حاليا .. أجمل بكثير و فيها مميزات أكثر راح أحاول أجيب لها كم صورة
