تدرووووووون بكم زيت موبيل ون ؟؟؟؟؟؟اتفضل بسرعة

شيفروليه @user_27216 · 11-09-2007

السلام عليكم ورحمة الله وبركاته

أولا احب اهنكئم بالشهر الفضيل والله يعده علينا وعليكم بالخير والبركة ويجعلنا واياكم من صوامينه وقوامينه

وبعد ...

بعد لف ودوران وتفحيص وتمحيص تذكرون الموضوع اللي مذكور فيه سعر الزيوت العادية وهي 190 ريال للكرتون وفيه 24 علبة زيت يعني تطلع 7.9 ريال بدل البنشر اللي يبيعه بـ 13 ريال

لقيت اخيرا الموزع المعتمد لزيوت موبيل وسألت عن كرتون موبيل ون Mobil 1 ولقيت الكرتون بـ 300 ريال وفيه 12 علبة يعني تطلع عليك العلبة بـ 25 ريال بس بينما (الادارة: يمنع وضع اسامي وجنسيات تضر بسمعت الاخرين ) في المحطات يبوعونه علينا بـ 40 وفيه محطات 45 وفيه محطة بعد 50 ريال سرقة عيني عينك ولا حسيب ولا رقيب.

فاللي يبي ها الزيت موبيل ون ويبي مكان الموزع يعلمني على الخاص الا اذا وافقت الادارة على نشره بشكل استثنائي بعد اذن الإدارة

هذا كله للفائدة العامة وعشين ما يستغفلونا ويضحكون علينا ها الحرامية وشاكر لكم

ودمتم بخير

ابوغاده @user_5634 · 17-09-2007

M

Mody Love

أخواني وين مكان الموزع في جده ؟؟

مجمع الزيوت و الكفرات و البطاريات كيلو 3 أغلب المحلات الي هناك تبيع بسعر الجملة

ملاحظة: أرجوكممممممممممممممممم لا تخلون أحد من معارفكم و أصدقائكم إلا وتدلونهم على هذه المحلات

ZAID ZAID @user_51168 · 16-09-2007

الله يجزاك الخير

نابولي89 @user_38727 · 16-09-2007

لو سمحتم موزع الدمام عنوانه يااخوان

مع الشكر

Mody Love @user_55339 · 14-09-2007

أخواني وين مكان الموزع في جده ؟؟

شيفروليه @user_27216 صاحب الموضوع · 14-09-2007

اخواني اللي اتكلم عنه الموزع المعتمد هذا اذا على طريق الخرج القديم متجه جنوب ويكون مصنع اسمنت اليمامة على يساركم تجيكم اشارة عديها سيدة الين تجيك محطة على اليمين واذا جتكم المحطة دور اي لفة قبلها او بعدها يمين يجيك هو في الشارع اللي خلف المحطة واذا ظيغتوا اسئلو اي مستودعات خلف المحطة يدلوكم عليه محله سهل جدا هذا بالنسبة لموزع زيوت موبيل فقط اما كاسترول فهو تراه حوله هناك لكن اسئلو عنه لاني مارحتله الصراحة كاسترول ومن سأل ما ظاع ارجو اني افدتكم وتقبلو تحياتي ومبروك عليكم الشهر والله يجعلنا واياكم من صوامه وقوامه ويبلغنا واياكم رمضان القادم بإذنه سبحانه

ودمتم بخير

ابويزيد88 @user_54213 · 13-09-2007

والله من عرفنا السيارات مانغير الاعند البناشر وهم يتحكمون بالسعر
اول مرة ادري عن شراء الزيوت
لكن نبي ندور عليهم

o0 Creative 0o @user_35724 · 12-09-2007

[COLOR=royalblue]بسم الله الرحمن الرحيم

.. أنا من فترة مشتري كرتون زيت موبيل العادي 15-40 العلبة الرمادية 24 حبة بـ 210 ريال ..

.. يعني طلعت علي العلبة بـ 8.75 ريال بينما في المحطات كنت اشتريها بـ 14 ريال ..

.. فنصيحة للإخوان يشترون بالكراتين ارخص لهم ..

.. المحل اللي شريت منه في صناعية أم الحمام بالرياض .. سألت كم محل حق قطع غيار هناك ودلوني عليه ..

.. ومشكور أخوي شيفروليه على الموضوع .. وما اعتقد الادارة تمانع اذا ذكرت اسم الموزع ..

.. لأن الهدف من هالمنتدى الفائدة .. وانت كذا بتفيد الاخوان وتوفر عليهم :) ..

.. وما شاء الله المنتدى مليان اسماء محلات وورش وشركات ووكلاء ..

تحياتي
C[COLOR=darkorange]REATIVE[/COLOR][/COLOR]

شيفروليه @user_27216 صاحب الموضوع · 11-09-2007

اللي سمعته واللي مكتوب في الموقع الرسمي انه زيت للمهمات الشاقة ولكافة الاجواء الحارة والباردة وللسيارات المجهزة بشاحن توربو او سوبر تشارجر كما انه يطيل عمر المحرك من مرتين الى ثمانية مرات من اكثر من الزيوت العادية كما الزيت يعمر من 15000 كم - 25000 كم

وشوف الرابط هذاhttp://www.apsco.com.sa/mobil1/arabic/homepageA.htm

أبـــوبـــدران @user_19528 · 11-09-2007

جزاكـ الله الف خير

لاكن ماهي مميزات هذا الزيت بحيث يكون بــ45 للعلبه:eek: ؟؟؟

والسلام عليكم