بسم الله الرحمن الرحيم
الى كل اعضاء المنتدى تحية طيبة.....|3| .....أما بعد:
بداية اهنيء جميع اخواني بقدوم شهر رمضان المبارك اسأل الله عز وجل ان يعيننا على صيامه وقيامه.
ولعل الدافع من هذه المشاركة هو ما اتاني من اخبار وحقائق كانت علي مثل الصاعقة رمتني في هم وحزن لا بل شربت من كأس قهر الرجال الذي تعوذ منه رسولنا الكريم محمد صلى الله عليه وسلم |5|
فسواء تقبلت الوضع او لم اتقبله لا اقول الا الحمد لله وقدر الله ما شاء فعل واسأل الله ان ييسر امري
القصة وروايتها انني قررت ان اشتري سيارة من الوكالة وكان في بالي البليزر من زمان فقمت استخرت واستشرت ومن ضمن الي استشرتهم هذا المنتدى الموقر والذي لم يحرمني اعضائه من اتخاذ قراري بشراء هذه السيارة
فقمت واخذت الدفعة الأولى من الدرج وأوراقي وتوكلت على الله ورحت الجميع
مالكم بالطويلة شريت السيارة اقصاد بعد ما عطيتهم دفعة 25000 ريال وهي بليزر LT دبل والحمدلله السيارة تمام التمام مضت الخمسة الاف كيلو الأولى والحمدلله الوضع جيد ووصلت عشرة الاف وعشرين الف تخللتها كشتات وبعض اوقات التطعيس وغرزت فيها كذا مرة وسافرت فيها برا المملكة وطلوع ونزول في بعض الأودية ووديتها الوكالة للصيانة الدورية ثلاث مرات والحمدلله السيارة ما عليها اي كلام باستثناء بعض الأمور الإستهلاكية الى ان مشيت فيها 33500 كيلو قلت يا ولد خلني ادخلها الصيانة ابي اسويلها صيانة شاملة من الصدام الى الصدام من تغيير زيوت وفلاتر وسيور وا وا وا وا الى اخره وطلبت منهم يغيرون زيت القير والفلتر لأنهم قالو لي اننا ما نغيره الا على 35 الف او 40الف كيلو الا اذا طلبت.
جلست في الصيانة اربع ايام وطلعت السيارة ما شاء الله تبارك الله حتى صدق|10| الاحظ انها فرقت على من ناحية قومة السيارة لأنهم غيرو البواجي واشياء واجد في المكينة
مضى اول يوم والسيارة زي الفل وفي رابع يوم وهو يوم النحس علي ولكن الحمدلله على تقاديره :eek:
كنت ماشي وفجأة رجت فيني السيارة رجة قوية مرة وقفت السيارة على طول ونزلت تفحصت يمين يسار وناظرت من تحت الموتر ما لقيت اي شيء :confused:
ركبت السيارة وحطيت السيارة في وضعية الدي وهنا الصدمة |10|
السيارة ما مشت
قمت ادعس بنزين والله تقول انك حاط السيارة في وضعية الـN حطيت القير على نمرة 3 وما احد يمك بعدين حطيت القير على نمرة 2 وبعدها على 1 مشت السيارة ولكن طلعتلي اصوات (( حنة قوية )) واشياء تتكسر عرفت بعدها ان القير قاااااااااااااااااااااااااااااااااااااااااااااااااااااااااااااااااااااااااااااااااااااااااااااااااام |5| |5|
والله يا اخواني اني ما صدقت والله اني الى تاريخ كتابة هذا الموضوع اني ماني مصدق السيارة جديدة 2006 وكالة يقوم قيرها هذا عجب عجاب في عالم السيارات
اتصلت فورا على خدمة الطواريء جنرال موتورز بعد ساعة الا ربع جتني سطحة واخذت السيارة وقالو لي بنتصل فيك
ورحت رجعت البيت وانا اتقبل الحقيقة المرة على مضض
بعدها بأربع ساعات اتصلو علي وقالو لي ان قير سيارتك تالف بالكامل ويبيله توضيب واحتمال ما يتوضب نركب له قير جديد والله يستر مع انها على الضمان لكن ما تدري عن حركات وفضايح وظلم شركة الجميح
الحاصل في الموضوع اني كلمت المهندس المشرف من شركة الجميح قلت له حرام الكلام هذا ما يصير وما يتصدق قال حنا الى الآن ما فكينا القير عشان نعرف وش السالفة بالضبط لكن الصراحة سالفتك مطولة يبيلها اسبوعين او اكثر رح بعد ثلاث ايام خذ سيارة بديلة
وقالي حاجة يعزيني فيها وهذه الحاجة صدمتني وخلتي افقد ثقتي بالأمريكي كله
قالي احتمال ان يكون عيب في تجميع القير من المصنع في امريكا ولكن تراها عادي عندنا يوكون 2007 ماشي عشرين الف قايم عليه القير انربط لساني وقتها وما عرفت وش اقول
بعدها بيومين اتصلت اسأل عن السيارة على المهندس نفسه وتكرر نفس الحديث تقريبا لكن اضاف حاجة وهذه الحاجة هي السبب الثاني اللي خلتني اكتب الموضوع عشان يكون اخواننا في المنتدى على اطلاع
قال اليوم بالذات جانا يوكون 2007 ماشي 18000 كيلو بس ونفس الشي قايم عليه القير
اسئلة كثير تتبادر الى اذهاننا الآن منها هل تستحق هذه السيارات وامثالها من الأمريكي تلك المبالغ الباهضة الي نجلس نجمع فيها ونتدين واخر شي النتيجة كما قرأتم والله حرام
هذه هي قصتي كلها ارجو ان يستفيد اخواننا ويفيدوني بعد بنصايحهم وتجربتهم ومشورتهم
الله لا يجيب مكروه لأحد علما ان السيارة بليزر 2006 دبل وهي نظام تأجير والبلاوي هذه صارت الأسبوع الي مضى من تاريخ كتابة الموضوع
تقبل الله صيامكم
الى كل اعضاء المنتدى تحية طيبة.....|3| .....أما بعد:
بداية اهنيء جميع اخواني بقدوم شهر رمضان المبارك اسأل الله عز وجل ان يعيننا على صيامه وقيامه.
ولعل الدافع من هذه المشاركة هو ما اتاني من اخبار وحقائق كانت علي مثل الصاعقة رمتني في هم وحزن لا بل شربت من كأس قهر الرجال الذي تعوذ منه رسولنا الكريم محمد صلى الله عليه وسلم |5|
فسواء تقبلت الوضع او لم اتقبله لا اقول الا الحمد لله وقدر الله ما شاء فعل واسأل الله ان ييسر امري
القصة وروايتها انني قررت ان اشتري سيارة من الوكالة وكان في بالي البليزر من زمان فقمت استخرت واستشرت ومن ضمن الي استشرتهم هذا المنتدى الموقر والذي لم يحرمني اعضائه من اتخاذ قراري بشراء هذه السيارة
فقمت واخذت الدفعة الأولى من الدرج وأوراقي وتوكلت على الله ورحت الجميع
مالكم بالطويلة شريت السيارة اقصاد بعد ما عطيتهم دفعة 25000 ريال وهي بليزر LT دبل والحمدلله السيارة تمام التمام مضت الخمسة الاف كيلو الأولى والحمدلله الوضع جيد ووصلت عشرة الاف وعشرين الف تخللتها كشتات وبعض اوقات التطعيس وغرزت فيها كذا مرة وسافرت فيها برا المملكة وطلوع ونزول في بعض الأودية ووديتها الوكالة للصيانة الدورية ثلاث مرات والحمدلله السيارة ما عليها اي كلام باستثناء بعض الأمور الإستهلاكية الى ان مشيت فيها 33500 كيلو قلت يا ولد خلني ادخلها الصيانة ابي اسويلها صيانة شاملة من الصدام الى الصدام من تغيير زيوت وفلاتر وسيور وا وا وا وا الى اخره وطلبت منهم يغيرون زيت القير والفلتر لأنهم قالو لي اننا ما نغيره الا على 35 الف او 40الف كيلو الا اذا طلبت.
جلست في الصيانة اربع ايام وطلعت السيارة ما شاء الله تبارك الله حتى صدق|10| الاحظ انها فرقت على من ناحية قومة السيارة لأنهم غيرو البواجي واشياء واجد في المكينة
مضى اول يوم والسيارة زي الفل وفي رابع يوم وهو يوم النحس علي ولكن الحمدلله على تقاديره :eek:
كنت ماشي وفجأة رجت فيني السيارة رجة قوية مرة وقفت السيارة على طول ونزلت تفحصت يمين يسار وناظرت من تحت الموتر ما لقيت اي شيء :confused:
ركبت السيارة وحطيت السيارة في وضعية الدي وهنا الصدمة |10|
السيارة ما مشت
قمت ادعس بنزين والله تقول انك حاط السيارة في وضعية الـN حطيت القير على نمرة 3 وما احد يمك بعدين حطيت القير على نمرة 2 وبعدها على 1 مشت السيارة ولكن طلعتلي اصوات (( حنة قوية )) واشياء تتكسر عرفت بعدها ان القير قاااااااااااااااااااااااااااااااااااااااااااااااااااااااااااااااااااااااااااااااااااااااااااااااااام |5| |5|
والله يا اخواني اني ما صدقت والله اني الى تاريخ كتابة هذا الموضوع اني ماني مصدق السيارة جديدة 2006 وكالة يقوم قيرها هذا عجب عجاب في عالم السيارات
اتصلت فورا على خدمة الطواريء جنرال موتورز بعد ساعة الا ربع جتني سطحة واخذت السيارة وقالو لي بنتصل فيك
ورحت رجعت البيت وانا اتقبل الحقيقة المرة على مضض
بعدها بأربع ساعات اتصلو علي وقالو لي ان قير سيارتك تالف بالكامل ويبيله توضيب واحتمال ما يتوضب نركب له قير جديد والله يستر مع انها على الضمان لكن ما تدري عن حركات وفضايح وظلم شركة الجميح
الحاصل في الموضوع اني كلمت المهندس المشرف من شركة الجميح قلت له حرام الكلام هذا ما يصير وما يتصدق قال حنا الى الآن ما فكينا القير عشان نعرف وش السالفة بالضبط لكن الصراحة سالفتك مطولة يبيلها اسبوعين او اكثر رح بعد ثلاث ايام خذ سيارة بديلة
وقالي حاجة يعزيني فيها وهذه الحاجة صدمتني وخلتي افقد ثقتي بالأمريكي كله
قالي احتمال ان يكون عيب في تجميع القير من المصنع في امريكا ولكن تراها عادي عندنا يوكون 2007 ماشي عشرين الف قايم عليه القير انربط لساني وقتها وما عرفت وش اقول
بعدها بيومين اتصلت اسأل عن السيارة على المهندس نفسه وتكرر نفس الحديث تقريبا لكن اضاف حاجة وهذه الحاجة هي السبب الثاني اللي خلتني اكتب الموضوع عشان يكون اخواننا في المنتدى على اطلاع
قال اليوم بالذات جانا يوكون 2007 ماشي 18000 كيلو بس ونفس الشي قايم عليه القير
اسئلة كثير تتبادر الى اذهاننا الآن منها هل تستحق هذه السيارات وامثالها من الأمريكي تلك المبالغ الباهضة الي نجلس نجمع فيها ونتدين واخر شي النتيجة كما قرأتم والله حرام
هذه هي قصتي كلها ارجو ان يستفيد اخواننا ويفيدوني بعد بنصايحهم وتجربتهم ومشورتهم
الله لا يجيب مكروه لأحد علما ان السيارة بليزر 2006 دبل وهي نظام تأجير والبلاوي هذه صارت الأسبوع الي مضى من تاريخ كتابة الموضوع
تقبل الله صيامكم
