السلام عليكم ورحمة الله وبركاته
بعد الاسشاره والاستخاره .. قررت اشتري اكسبلورر
رحت الاسبوع الماضي للوكالة ودفعت العربون
وقالي مندوب المبيعات الاسبوع هذا بتجي السياره ..
بس عندي عدة استفسارات منها ماهو خاص بالاكسبلورر ومنها ماهو عام ..
فياليت تساعدوني ؟
1/ متى ادفع باقي المبلغ هل اذا جت السياره واسلم واستلم او لازم اجيب المبلغ قبل مثل ماقال حق المبيعات .. مع اني مااحب اعطي الفلوس قبل مااخذ السياره .. ام لازم اعطيه الفلوس قبل !
2/ الفلوس وش الافضل ان تكون كاش او شيك هي معي كاش لكن الكاش احيانن يسبب مشاكل ؟
3/ الاكسبلورر وش يجي معها من اكسسوارات .. يعني منفاخ هواء .. عدة مفكات .. طفاية حريق ..
واللذي منه ! اخاف مايحطونه لي :) .. ابي انشب لهم ..
4/ انا خذت لون المراتب بيج وراعي المبيعات قال راح يعطيني مجانن عازل للمقاعد طبعا العازل عباره عن مادة تنرش على المقاعد وتكون مثل العازل هو قال هذي نسويها لك مجانن من عند زيبارت
وش معلوماتكم عن العازل هذا ؟
5/ الاكسبلورر مافيه كاسيت ! طيب والي وده بكاسيت من غير مايغير المسجل وش الحل !
لحد يقول جب معك مسجل على البطاريه وحطه في السياره :) == افكر فيها
ياليت انكم تنفعوني جميعا والله يوفقكم ويرزقكم ويزوجكم |2|
