بداية السلام عليكم والعشر مباركه اسأل الله ان نكون من عتقائه من النار اللهم آمين.
هذا هو اول موضوع اشارك فيه وبصراحه من زمان كنت ابحث عن موقع بمثل هذه الشموليه ووجود خبرات متعدده لذلك انا طامع انكم تعطوني وجه وانا ماعتبركم الا مثل اخواني يعني بتصدقوني الراي والشور.
[CENTER]انا ناوي على سيارة دفع رباعي وعشان اوضح كافه الظروف اللي عندي بأضعها على شكل نقاط وأرجو انكم تتحملوني عشاني بطول عليكم بس عشان تكون الصوره واضحه لديكم ياأخواني:
1- الوضع الاجتماعي: اعزب وعلى وجه زواج
2- طريقه شراء السياره والتمويل: تقسيط وحاط ميزانيه 90 الف كحد اعلى مع امكانيه زيادة المبلغ قليلا لكني لا أفضل الا في احلك الظروف
3- [COLOR=red]نوعية الاستعمال: انا انسان لست براعي سفريات كثيره على الخطوط يعني ابعد ماأروح له الديره وتبعد عن الرياض 80 كيلو وطريق سريع ويمكن بالسنه مره او مرتين , وبالنسبه للبر ترى اكثر مكان وعر يمكن اوصله هو المطبات اللي بالرياض يعني بران ماكو اطلاقا.[/COLOR]
4- [COLOR=red]السيارات المقترحه: ا) باثفاندر 2004: مستعمل ماشي 80 الف فضي نظيف قير توماتيك جلد من شخص اعرفه وثقه وانا معجب بهذه السياره بالشكل القديم وسعرها 60 الف ريال.[/COLOR]
ب) ميتسوبيشي اوتلاندر: بصراحه ماسمعت بهالسياره الا هنا بالمنتدى واعجبت بها كثيرا انا معجب بالميتسوبيشي لكن كنت مااعرف الا الباجيرو وهو كبير على شخص بوضعي
ج) فورد اكسبلورر: برضه كويسه لكن ماخلاني متردد فيها وجودها مع زميل معي موديل 2006 وكاله والان بدأ يشتكي من بعض الاصوات ولا ينصح بها
د) هوندا MRV: اعرف ان سعرها اكثر من ميزانيتي لكن قد اتغاضى عن ذلك لكن العيب الكبير فيها هو حجم الاطارات صغير مو مناسب لسياره بحجمها
ه)كيا سورنتو: سياره جيده لكن اللي مخوفني اني ماسمعت كثير احد يتكلم عنها اعرف الكوري في سيارات السيدان كويس لكن دفع رباعي مادري.
د) فورتشنر او برادو: الفورتشنر جديد علي ماعندي خبره فيه والبرادو حلو لكن الفئات الحلوه غاليه وال 4 سلندر لاحظت بالمنتدى ماحد يمدحه
5-الشروط والمواصفات: طبعا تقسيط فيعني ماعندي استعداد كل يوم والثاني بورشه اريدها سياره تعيش معي خمس سنوات على الاقل زيت وبنزين وصيانه دوريه وانا من النوع اللي يلتزم بالضمان وكذلك قطع غيارها معقوله خاصه زي ماقلتلكم قبل مو راعي بر ولا سفر بس اكثر شي يمكن استخدمه في السيول اللي بشوارع الرياض وقت المطر.
ختاما: شكرا لكل من شرفني بقراءة الموضوع وشكرا اكبر لكل من ابدى رأيه بذلك واسأل الله لنا ولكم التوفيق بالدنيا والآخره
والحين بسهر اشوف ردودكم الكريمه
وعليكم السلام
ومبارك عليك العشر علينا وعليك أخوي
عندي لك سيارة روح شوفها أتمنى أنها تعجبك :) ومناسبة جدا لميزانيتك وعملية ومواصفاتها قوية
خلني بذكر خياراتك أولا
1- باثفاندر 2004 بصراحة من أحلى الخيارات الموجودة؟ رغم أن حسب كلام بعض الأخوان أنه ضيق وعالي الأستهلاك بس موتر حلو.
2- مستوبيشي أوتلاندر اذا تقصد الشكل الجديد فما أنصحك تغامر تشتريها لأنها توها نازلة! ما تدري خيرها من شرها وبصراحة هذي السيارة فيها شبه كبير من الواجن يعني الناس يناظرونك أنه شاري بوقس مو جيب :D .
3- حسب ما أعرف خيار جيد بس طالما أنت مو مقتنع به لا تاخذه ولا تاخذ سيارة مو مقتنع بها أبدا.
4- هوندا أم أر في خيار حلو وعائلي بس ترى مو جيد للطرق الوعرة وأنت تقول أنه كبير على ميزانيتك.
5- كيا سورنتو ما أدري عنها أي شيء.
6- فورنتشر وبرادو أياك نتشتريها 4 سلندر لأن عزمها ضعيف على حجمها الكبير وراح تتضايق في التجاوزات والمساقط أن يعني بغيت تشتريها فنصيحتي لك بالبرادو بس حاول وقدر المستطاع تشتري 6 سلندر أن بغيت تزود ميزانيتك.
أما خياري الي أبي أقولك عنه شوف أول شيء المواصفات ثم أحكم وروح ناظرها
1- صناعة يابانية بالكامل.
2- 6 سلندر سعة 2.7 لتر بقوة 186 حصان.
3- أقتصادية جدا.
4- تشغيل بدون مفتاح وفتح الأبواب بالبصمة.
5- جنوط 17.
6- 6 أيرباقات.
7- هيكل عالي الصلابة.
8- مكابح مانعة للأنغلاق.
9- سيدي MP3 وWMA.
10- دفع رباعي مستمر مع ميزة التثقيل وتصلح للبر.
11- تقدر تاخذ 91 أوكتان حسب كلام الوكالة.
12- تتسع لـ 5 أشخاص.
13- ناقل حركة آلي 5 سرعات.
14- مثبت سرعة.
15- تحكم بالأستريو عن طريق المقود.
16- جلد بيج مع تخشيبة.
17- فتحة سقف.
18- كشافات ضباب.
19- طبلون ليزر.
20- المبلغ 90 ألف!.
21- السيارة جيب! ومتوسطة الحجم تلائم أحتياجاتك اليومية وتصلح للسفريات الشوارع المزدحمة والشوارع الضيقة والنزهات البرية وغيرها.
22- وكلائها منتشرين في أغلب مدن المملكة.
23- السيارة هي سوزوكي جراند فيتارا
وطالما بتدفع خذ جديد وريح بالك
الله يوفقك في شرائك في السيارة الي تعجبك والي ترتاح لها والله يسعدك بها ويكتب لك الخير فيها ويكفيك شرها
ومبروك مقدما على أي سيارة تشتريها |1|
أخوك أبـــــــــــوأســــــــــد|3|
[/CENTER]
