الفكتوريا والماركيز ( اللي يعرف عنهم يدخل )

محب الموستنج @user_40552 · 22-10-2007

بسم الله الرحمن الرحيم
السلام عليكم ورحمة الله وبركاته
شباب ناوي اشتري احد من السيارتين المذكورين ومع العلم بان الميزانية صغيرة
عندي 1000 دينار بحريني أو 10000 ريال سعودي
اريد سيارة نظيفة ويش تنصحوني بهذا السعر هل الفكتوريا او الماركيز او هم نفس الشيئ
وهل سعر الماركيز نفس سعر الفكتوريا لو فيه اختلاف كبير بحيث ما يصلح اشتري الماركيز
اريد اعرف اي سنة احصل بهذا السعر بشرط تكون نظيفة شباب
صرفية البترول شباب حق داخل المدينة يعني انا مو مال خطوط ودعس هل ممتزة لو تصرف
ويش خرابات السيارة وهل ليها قطع غيار متوفر
هل تنصحوني آخذ بالف دينار بحريني لو مو ممتاز لانه ممكن ازيده 1500 دينار بس صعبة حالياً ما عندي

الناسف المدمر @user_22564 · 26-10-2007

ممكن تحصل موديلات 94 أو 95 10.000 ...

والله انصحك تاخذ كراون فكتوريا لانه الموديل القديم فخم نوعا ما واقل تعقيدا من الجراند ماركيز بسبب وجود طبلون الكتروني ...

ما في اي اختلاف بينهم في الماكينة والجير بس الأختلاف من الداخل والشكل ...

والله دامك مو حق خطوط راح تنفعك خصوصا هالموديل والدعس في الموتر يضاعف صرفية البنزين ...

الميزة بالفورد انه قطعها متوفرة في كل مكان مهما كانت والأحلى ان قطعها ارخص من قطع الياباني بكثييير ...

يعني انا مثلا عندي كراون فكتوريا 1994 بصراحة مريحتني كثير ما اشتكي منها واجد ...

اي سؤال اخوي ترانا حاضرين ...

عاشق الفوورد @user_46835 · 26-10-2007

10000 الاف تجيبلك موديل 93 نظيف
اما 95 سعره نظيف يوصل 17 الف وهذا كلام اكيد

المارودر 2004 @user_47732 · 24-10-2007

مافي فرق او شي افضل من شي

المكينه نفسها والقير نفسه والدفرنس نفسه وباقي القطع نفسها
الفرق فقط بالاكسسوار الداخلي (التخشيب) لصالح الماركيز
والعواكس اللخلفيه بالماركيز + اختلاف الوجهيه اختلاف بسيط

لكن المسأله مسألة ذوق في ناس تفضل الفكتوريا 95_96_97 على الماركيز من نفس الموديل

وانا شخصيا افضل الكراون فكتوريا موديلات ماقبل 98 على الماركيز من ناحية الشكل اما الباقي فالسيارتين نفس المكينه والقطع

محب الموستنج @user_40552 صاحب الموضوع · 24-10-2007

انزين اخوي طاوي الخطوط
هل 1995 الفكتوريا افضل من الماركيز

طاوي الخطوط @user_44551 · 23-10-2007

القوة نفسها بس اختلاف في الشكل
الموديلات القديمة 97 ما بينها فرق
موديل 98 الكراون فكتوريا افضل ................ الى عام 2003
من عام 2003 الماركيز افضل من الفكتوريا وافخم في الشكل

ابودانه* @user_63058 · 23-10-2007

الماركيز افضل

ابودانه* @user_63058 · 23-10-2007

اشتر وانت مغمض

محب الموستنج @user_40552 صاحب الموضوع · 23-10-2007

مشكورين شباب على الردود
تعرفون هذه سيارة ما بشتري بيبسي
يعني لازم اسال قبل لا اشتري
بس بتوكل على الله وبدور في صالات العرض في البحرين مع إنه الصالات قليلة في البحرين مو نفس السعودية
واعتقد إن في البحرين بتكون السيارة ارخص من السعودية لانه في السعودية يرغبونها اكثر
وبسوي خيرة قبل لا اشتري اي سيارة وبالتوفيق لكم وللجميع

النيساني @user_33803 · 22-10-2007

أخوي محب الموستنج

السيارات القديمه مايختلف سعرها بعد سنه او سنتين اذا كانت بحاله جيده

وان شاء الله تلقى طلبك والفورد حلو الله يوفقك

محب الموستنج @user_40552 صاحب الموضوع · 22-10-2007

بغيت اعرف شيئ اخير
إذا اشتريت مثلاً وحده ب 10000 آلاف ريال ماركيز 95
كم بكون سعرها بعد سنة من شرائها
وشكراً للمعلومات الوافية

SS BLACK BULLET @user_51384 · 22-10-2007

10 آلآف ريال اتوقع انها تجيب لك من 95 الى 97
وبالنسبة للاغلى بين المركيز والفكتوريا عندنا بالسعودية المركيز الاغلى
يعني لو حصلت ثنتين نفس المواصفات والموديل تحصل المركيز اغلى من الفكتوريا طبعا هذا بالموديلات الجديدة القديم مادري عنه
وبالنسبة للصرفية انا معي وحده 2005 صرفيتها متوسطة اما اذا انت كل شوي داعس لها بتصرف كثير
بالنسبة للخربات اللي معي الحمد لله ما شكيت منها بأي شي حتى الان والقطع متوفرة بأي مكان
وان حصلت لك من القديم مركيز ولا فكتوريا خذ لك مركيز

المارودر 2004 @user_47732 · 22-10-2007

الكراون فكتوريا والقراند ماركيز نفس الشي ونفس القطع الاختلاف بسيط جدا
والسعر اللي معك يمكن تجيب لك كراون فكتوريا 95 تحت المكرفون او تلقى بالمعارض بس ماتوقع تلقاها نظيفه جدا
النضيف سعرها بالمعارض بحدود 16 الف ريال

وبالنسبه لاختلاف السعر بين السياراتين (كراون فكتوريا)او (القراند ماركيز)
السعر يختلف حسب النظف اذا الكراون انظف بتلقاها اغلى واذا الماركيز انظف بتلقاها اغلى
واللي اعرفه ان الفورد عموما اذا دعستك هاديه ومانت حق سرعه مايعرف الصرفيه
وبالنسبه للخرابات انا مالي تجربه شخصيه مع الموديلات 97 وتحت عشان كذا ماقدر افيدك او احكم على شي ماجربته

ومن ناحيه قطع الغيار متووووفره عندنا بالسعوديه وبكثره