باثفيندر أم جيب شيروكي ... أيهما تفضل ...

انا معي باثفايندر 2007
السياره حلوه وماعليها كلام
يارجال سياره عالخط جباره وتتحدى السيارات الصغيره
محركها فعلا جبار ياعزيزي اذهلني بقوته كأنك تسوق سياره سيدان في عز الانطلاقه ادوس له زياده احس انه ينطلق بسرعه مظاعفه
وفوق هذا مظهرها جميل وذوق رفيع ويأسرني كل ما ناظرته والله اخاف عليه من العين
صحيح ( القرد في عين امه غزال )
في عيب بسيط بس حقيقه قاهرني صوت خفيف في ديكور الطبلون ( أزيز )المشكله انه يطلع الصوت احيانا مو دايما ويوم اروح الوكاله مافي صوت عشان كذا مالقيت حل وبالتالي تجاهلته
واخيرا قيمته غاليه شوي بس يستاهل
كلامي مجرد رأي

حبيبي اذا الجيب الشروكي ضيق وما يناسب عائلتك ,, راح يكون تفكيرك صحيح في البحث عن سياره أخرى ...


لكن مادام السياره تكفيك ونظيفه وجديده ( 2006 ) فلا تفرط فيها أبدا لان الجيب الشروكي سياره ممتازه وصلبه ....

الشيروكي افضل
ولكن يجب الالمام بالسيارة جيدا
معاي 2003 سبورت الحمدلله ماشي 103000
زي الحلاوة
سفر وبر وطلعات
قولوا ماشاءالله

من ناحيه السفر والخطوط اكيد الشروكي افضل
لكن سمعت والله اعلم ان الدفرنس الامامي عمره قصير ولا يتحمل

جزاكم الله خيرا الجزاء على هذه النصائح ..

السلام عليكم

الباث يحتوي على مكيف خلفي مركزي ومستقل التحكم

بالنسبة للمقارنة فأرى ان تضغ الاكستيراً الجديدة بدل الباث لانها ذات صفين من المقاعد مثل الشروكي وتحمل محرك الباث الجبار 4 لتر بقوة 265 حصان وتحمل تقنيات متطورة للدفع الرباعي مشابهه للباترول وغير كذا سعرها ارخص من الباث بكثير

وانصحك بالاستخارة
بالتوفيق

حسب ماسمعت

مافي مكيف خلفي في الباثفندر

أو أتوقعه مكانه زي مكان السيدان

والصف الثالث بدون مكيف

ومن النهايه

خلك على قردك لاي جيك إلي أقرد منه

وعليك

بالإستخاره


والسلام عليكم

برأي الباث فيندر الجديد احلى وافضل

لاكن لم اجربه .. اسال مجرب

اما الشروكي فسيارة خيالية ومريحة وقوية
ولكن عيبها عدم التحمل ( العمر الافتراضي )

بالتوفيق ..

الباثفايندر الجديد افضل اكيد

وتصميمه روعه وعصري

تحياتي

انا رحت للوكالة اسئل عن الليبرتي 2008 لان شكله عاجبني قالوا بعد شهرين تقريبا وينزل
انا عندي ليبرتي موديل 2002 والحمد لله ماشي معي زي الحلاوة لا حرارة ولا شي قولوا ماشاء الله تبارك الله وان شاء الله بابيعه واشتري 2008

شف ياخوي

من ناحية السيارتين من وجهة نظري كلهن يتفكفكن والخرابان لها اول مالها تالي

ولكن الباثفيندر يتفوق بالاتي /

-شعبيه اكثر وهذا ينفعك بالبيع
-سعة الركاب اكثر
-القوه

ولو تصرف النظر عن الباثفيندر وتفكر بالباجيرو اعتقد خيار افضل

بالتوفيق

الشيروكي ليبيرتي 2006
الباثفيندر 2007

السلام عليكم .....

بكل صدق انا جربت الباثفندر موديل 2003
وماصلح لي لانه يتفكك وكثير خرابه ..
وجربت شيروكي لايبرتي موديل 2002 ولان معي
حلو لكن عيبة الحرارة