كيا السعودية واستفسارات

مراحب على الجميع انا معي ابوريس 2008 فل مشاء الله هدو وراسيه في الخط وعزم مشاء الله اختيار موفق

طبعا تختار الأوبيروس

للأسف كل الميزتين اللي قلتهم مو موجودين , لا البصمة ولا التشغيل الذكي
بالرغم من أنه موجوده بالكاتالوج

أخوي المتيم ,,

أهنيك على إختيارك والله يوفقك

وألف مبروك مقدما ,,,

لكن عندي إستفسار ,,

هل فتح الأبواب بالسياره بالبصمه وهل يتم تشغيل السياره بنظام "التشغيل الذكي "

طبعا فى الفل أوبشن ؟

وبالتوفيق مره ثانيه

أخوك أبو هشام

النية ان شاء الله فل أوبشن , الواحد وده يبسط عمره
وحجزت سوداء ومن الداخل بيج , الرصاصي مب حلو من داخل
بس انصدمت شوي بموقع الصيانة بمدينة الخبر , حسيت انه ورشة بسيطة مب وكالة
بس عى كلام مندوب المبيعات يقول يبي ينتقلون قريب لطريق الخبر(الكباري)
بس الأوبيروس تخليك تنسى كل هالهموووم.

السلام عليكم أخوي المتيم مساء الخير .. بالنسبة للون أنا أشوف أحسن لونين اللؤلؤي والأسود لكن الأسود أفخم وأكثر هيبة وأنصحك نصيحة وأشرط عالوكالة شرط أنها تكون لونها أسود من الخارج وبيج من داخل والله تطلع رووووووعة ماشاء الله |1| |1| لكن ما قلتلنا أخوي بتشتريها فل أوبشن والا ؟؟ أنا من وجهة نظري الفل أوبشين أفضل..... وبالتوفيق |3|

تسلم لي يالأوبيروسي ,
والله يكتب مافيه الخير ,

طيب بالنسبة للألوان ,, فيه الـ silver (فضي) وأسود أحسهم أفضل شي
وأنتم يا أهل الخبرة وش رايكم , , خصوصا اهل الأوبيروس ومايهونون بقية الأخوان

السلام عليكم ورحمة الله وبركاته .. أخوي ونعم الأختيار للأوبيروس أنا أشهد أنها موتر|1| وبإذن الله ما راح تندم وراح تدعيلي أنا وأخوي راعي الأوبيروس معنا أوبيروس 2005 ما شاالله ماشية معنا زي الفل وبالنسبة لقطع الغيار فسعرها مناسب جدا جدا لاتشيل هما وحتى الوكيل ما يقصر بالمعاملة في الصيانة وغيرها ... وأي أستفسار أنا حاضر وبالخدمة .. وشكرا|3| :cool:

راعي الأوبيروس وكوراندو:كفيتوا ووفيتوا يالغالين, بس ما عطييتوني رايكم بالصيانة وقطع الغيار
هل فيه تقديرللعميل ولا لا , أسعار القطع وتوفرها,
طبعا أقصد الوكيل الجديد كيا السعودية

وأنا مشكلتي مع الأوبيروس إني جربته بالوكالة وعلى قولتهم عشقته,,<ماصارت سيارة
يعني أنا من النوع اللي يحبون التحليق بالشوارع ومايرضي غرورهم إلا 3.5 وإنت طالع
وأنا أشهد إن الأوبيروس قايمة باالواجب وزود,,

وعليكم السلام ورحمة الله وبركاته
الله يصبحك ويمسيك بالرضا والعافيه

سيارتي أوبيروس 2004
أنا مجرب الأكورد 2004 والأوبيروس ومايعطي الأوبيروس قدرها أبداً أبداً إلى اللي يسوق
أهدأ - و أريح مطبات ومراتب - أوسع - أمتن بواجد
تخيل وزن الأوبيروس موديل 2004 إلى 2006 1820 كيلو الجديده أخف شوي
ووزن الأكورد 2008 1630 كيلو
طبعاً الوزن يعطي فكره أوليه عن السياره هل هي مليانه ومتينه ولا بس مظهر كل السيارات الفخمه أوزانها عاليه

لاحض إذا ركبت الأكورد والأوبيروس
أضغط على كل شي تشوفه الطبلون البيبان الكونسول الوسطي وشف من الأكثر بلاستك
مافيه مقارنه الأوبيروس أفضل مواد أكثر مافيها الماده الرغويه المطاطيه وهي أفضل طبعاً من البلاستك لأنه مايصدر عنها أصوات بعد وقت وهذا اللي يميز مواد السيارات الفخمه من الداخل عن السيارات العاديه

أخوي المتيم
مافيه زي التجربه أنت بتدفع أكثر من 80 ألف لازم تجرب هذا من حقك
والتجربه خير برهان سبحان الله يمكن ماترتاح إلا مع وحده من السيارتين
ولاتنسى تستخير والله يوفق الجميع ويسدد إختيارك

هلا اخوي المتيم بإذن الله اعطيك الجواب الشافي انا معي اوبيروس 2005 فل اوبشن والله ونعم السيارة ما شاء الله تبارك الله ((فخامة---ثبااات--- راااااحة-----وغيرها.....))) فما بالك بــ2008 محركها الجبااار 3,8 266 حصاان والمواصفااات الفخمة تغير شكلها واصبح اكثر فخاامة من الشكل القديم صار فيها 4 حساسات امامية واشارات في المرايات الجانبيه واضاءة خلفيه LED اصبح بشكمانين خلفي كرووم ومن الداخل تغيرت تماماً واصبت بأكثر من لون من الداخل (((بيج واسود ورصاصي))) طبلونها 260 |1| ...تراني ما احب السرعه>>>>واضح وانا مستانس طبلونها 260:D اما الأكورد فهي سيارة لها احترامها ولكن في اعتقادي لا تأتي في مستوى ((الأوبـــــيروس)) لامن ناحية محرك او فخامة او ثبات وانا لوخيروني فبلا شك الاوبيروس والاوبيروس تتحمل الكرف ولا عليك واسأل مجرب |6| ولا يهمك الي يقولك كوري ترى الكوري تغيييييييييييييييير واخيرا ((رح وكالة كيا واسأل عن مواصفات الاوبيروس وهم ماراح يقصرون معك واذا تبي تجرب قيادتها تقدر تجربها ........وهذي بعض الصور للأوبيروس::





إذا لم تظهرلك الصور اظغط عليه بالزر اليمين واختر اظهار الصورة

vector الغالي:
الاوبيروس 3.8
وجربته تخيل أمشي 220 وأنا بنص الدعسة ولا أحس بتغيير القير وراسية بشكل,
الأكورد اللي مبعدني عنها سعرها المبالغ فيه ومكينتها المتواضعه

الاوبيروس اذا 3.8 خذها

اذا 3.0 لاتاخذها خذ اكورد احسن لان فيه بعض الشباب مايمدحون عزمها

سمرمر حبيبي ,
الأوبيروس سعرها 88 ألف فل كامل
الأكورد 92500 فل كامل مع تحفظي الشديد على السعر اللي مبالغ فيه وزيادة

الكابريس اقتراح رائع لكن كم تبدأ اسعار LS ؟؟ جدا مبالغ فيه
وأكرر شكري لك

...................
عاشق السوسو أتحفتنا حبيبي بطلتك

أولاً: أهلاً وسهلاً فيك .. وحياك الله معنا ..

ثانياً: أهنئك على اختيارك المميز .. لأن الأوبيروس سيارة اثبتت نفسها بنفسها .. وهي تحمل الكثير من ناحية الفخامة والمواصفات والقوة [حسب أقوال المستخدمين لها]..

ثالثاً: من حيث المقارنة .. فالأوبيروس لا تقارن أبداً بالأكورد .. لاختلاف الفئة .. وطبعاً الأفضلية للأوبيروس وبقوة ..

رابعاً: من حيث الوكيل لا خبرة لي في وكيل كيا الحالي .. لعدم اقتنائي أي سيارة من هذه الشركة

/
/

بالتوفيق