انا ما كتبت الموضوع الا من قهري على الحال اللي وصلناه وشدة الغباء من بعض العقول ووشدة الذهول ممن استفادوا من هذه العملية .
انا نزلت المعارض وحاولت اني اشتري سيارة مستعملة لاخوي الصغير من المعارض اللي بالشفا او اللي بالنسيم المفاجأة كانت مرعبة .
تذكرون يا شباب قبل سنتين كيف كانت اسعار السيارات , كانت ناااااار وذبح والمسكين اللي يعاني والله يعني لنفرض مثلا الالنترا كم وصل سعرها ؟؟؟ وتخيلوا موديل 2003 -2002 وصل الى 17000 الى 20000 ريال وهي وكالة كانت تنزل 34000 تقريبا يعني اربع سنوات وتنزل سعرها كذا ؟؟؟ انا اذكرها قبل سنتين كانت بـ 12000 الى 13000 نظيفة جدا والكابرس التسعاوي يعني موديلات 1989 وصلت الى 15000 وبعضها ينباع بـ 16000 ريال فل كامل الكامري موديلات 1993 الى 1997 من زمان غالية والحين وصلت لسعر مبالغ فيه والله واللي يبي يشوف بعينه ينزل معارض الراشد اللي في الشفا يلقى كامري موديل 1993 يعني 14 سنة والله عمر ومبيوعة بـ 23000 ريال والسيفيك اللي والله اذكر اعلاناتها في الصحف وحتى في الاسواق سيفيك كانت بـ 13000 الى 14000 ريال موديلات 2001 الى 2002 الحين وصلت الى 18000 ريال .
الكراون فكتوريا والجراند ما ركيز وصل سعرها الى 60000 ريال موديل 2000 الى 2001 والوالد اشترى قبل سنتين كراون فكتوريا بـ 24000 ريال ونظيفة جدا وهي نص فل موديل 2001.
ابي ردودكم على المهزلة اللي حنا فيها لان فيه فرق بين 24000 وبين 60000 ريال
قولوا لي ايش الحل في اللي يصير مو بس في معاناتي من ناحيتي ابشتري لاخوي اقساط من اوتوستار ارحم لي من الجشع اللي في السوق وتذكروا ان الكامري 2001 وصل سعره 40000 ريال
لاتبخلون بردودكم.
