الخميس 11 يونيو 2026
عاجل

أي معلومه عن قطع غيار الأوبيروس ... تفضل !!

نادي السيارات الكورية والصينية
8 رد 3,789 مشاهدة 6 مشارك الأقدم أولاً
ب
بو هشام @user_63166 · 25-11-2007
السلام عليكم ورحمة الله وبركاته ,,

تحيه طيبه لجميع الأعضاء بدون إستثناء,,

حقيقتا ياشباب أنا فى حيره من امري لأبعد ما تتصورورن ,,

بعد ما رحت لكيا وجربت الأوبرويس 2007 وإقتنعت بهالسياره الرائعه

جاني واحد من الشباب وقالى نصيحه أنا ولد عمي معاه وحده 2006 يشتكي منها دائما ويقول

إن جميع القطع ماهي موجوده عند الوكيل وكلها تجي بالطلب حتى البواجي وهى قطع مستهلكه جدا يطلبونها طلب ...

فجاتني فكره إني أكتب موضوع لجميع الأخوان اللى إمتلكوا هالسياره ويكتب كل واحد منهم

موديل سيارته والقطع اللى غيرها وبأي منطقه هو موجود .... وهل بالفعل زي ماذكروا

قطع الغيار ماهي متوفره عند الوكيل ....

ما ودي أطول عليكم ,,

أرجوا من الجميع التفاعل ... حتي اللى ما ملكوا أوبيروس قبل كذه ...أى معلومه بسيطه ممكن

تفيد ,,

خالص إحترامي للجميع ,,

أخوكم أبو هشام ..
a
afaopi @user_63192 · 28-11-2007
السلام عليكم
كيف الحال ... اسمع من ناحية القطع اتوقع انها متوفرة عند الوكيل انا معاي اوبيروس 2006 صراحة ما عمري واجهت اي مشاكل في قطع الغيار صح اني الحمد لله لحد الان ما القطع المهمة يعني الاشياء الخفيفة مثل الفرامل ...
بس انا اقلك ترى محرك 2006 هو نفسه محرك الباجيرو والجير كمان وباقي القطع بوش الماني وما ادري 2008 بس اتوقع نفس الباجيرو 2008 يعني ما ادري بس ان شاء الله خير ويالله عقبال ما تشتري السيارة وتكون من اكبر زعماء التفحيط بالاوبيروس عندكم بالشرقية
وسلامي لكم جميــــــــــــــعا



M
M.W4EVER @user_65403 · 27-11-2007
اصلا ماسحبو الكيا من عند الحاج الا بسبب ضعف الخدمه والوكيل الجديد اصبوله فتره وراح يكفي ويوفي
ب
بو هشام @user_63166 صاحب الموضوع · 27-11-2007
ياهلا ومسهلا بخوي " جارى البحث "

أحب أباركلك مره ثانيه عالعروسه الجديده ...

الله يعطيك خيره ويكفيك شرها ويجعلها قدوم السعد عليك ....يارب

لى كم يوم أشوف واحد يفرفر بالشوارع معاه أوبيروس 2008 لونها فيراني .... لا يكون إنت

^
^
^

خخخخخخ أمزح :D

إنتبه لا تنتهي رخصتك من كثر الدواره ....:D

تتهنا فيها إن شاء الله وعقبالي ,,

أشكرك كل الشكر على مرورك وردك ...

الله لا يحرمنا هالوجوه الطيبه ...

أكرر شكرى لك ,,
ب
بو هشام @user_63166 صاحب الموضوع · 27-11-2007
يا هلا والله وغلا,, بأبو عبد العزيز ,,

ما فيه داعي تعتذر ياخوك ... أنا اللى عجل شوي .. تخبر اللى بيطلع سياره جديده ينتظر أي خبر :D

أشكرك على وجودك وردك اللى مهم بالنسبه لى ,,

وإن شاء الله يكون الوكيل زي ما تفضلت تحسن وفيه خطط مستقبليه لتطوير الوضع .

لكن ما أدري هل القطع موجوده فقط عن الوكيل أو هناك موزعين لأني أنا من سكان الجبيل الصناعيه

فما أدري هل هى مثل التويوتا والنيسان تلقى محلات تبيع القطع أو بس منحصره بالوكاله.

عموما أخوي ما قصرت وعلمك غانم ..

الله يعطيك العافيه على المعلومات .
h
hannibal @user_68995 · 27-11-2007
السلام عليكم ورحمة الله وبركاته
هذه اول مشاركة لي في المنتدى
اخي ابو عبدالعزيز انا افكر ان اشتري ابوبيريس 2.7 اريد نصحتك
ولكم جزيل الشكر
ج
جاري البحث @user_64154 · 26-11-2007
ابو هاشم : اهلا بك وكيف حالك عساك بخير .
حسب علمي الشبه اكيد انه بعد تحويل الوكيل الى " كيا السعودية " اختلف الحال كليا بالنسبه للقطع وغيرها بل احد الاخوة في المنتدى يقول انه صدم بالسيارة وماجلست الا ثلاثة ايام والسيارة جاهزة او القطع الغيار جاهزة . هذا ايام الوكيل القديم : الحاج .
وانا متفائل في الوكيل الجديد تفائل خير لانه فتح صيانة في الشفا للصيانة السريعة وغيرها واعتقد ان الامور تغيرت بعد ظلم تكدس على اصحاب الاوبيرس في فترة الوكيل القديم .
ولاخينا ابو عبدالعزيز خبرة في هذا المجال لمتلاكه 2004 اوبيروس واكيد الجواب الكافي الشافي يحوم حوله
أ
أبو عبدالعزيز @user_6640 · 26-11-2007
آسف يا أخوي اني تأخرت عليك
بالنسبة للأوبيروس الجديده والله ما عندي علم
وأما الموديل السابق فهي متوفره بالمملكة بشكل مناسب
ولو ما حصلناها عند الوكيل الجديد راح انحصلها انشاء الله عند الوكيل السابق
بس خلال تجربتي مع الوكيل الجديد
غيروا لي فحمات الفرامل وطلبت قطع الكروم اللي بالصدام الامامي وكلهم لله الحمد متوفره بالفرع بالاحساء
بس عندي قطعة بنظام التعليق الخلفي يقولون بنغيرها لك على الضمان لأنها احيانا تصدر اصوات بالمطبات
وهذي استغرقت اقل من اسبوع لما توصل للفرع بالاحساء
وعموما اخوي هم لهم خطه مستقبليه لتعديل جميع الاوضاع ووعودهم بفتح مستودعات قطع غيار كبييييييييييره جدا
على العموم انشاء الله ما نحتاج لكل هذا الاوبيروس ماشاء الله ممتازة وقوية
حياك الله اخوي
أبو عبدالعزيز
ب
بو هشام @user_63166 صاحب الموضوع · 26-11-2007
أفااااااااااااا

وين روااعي الاوبيروس ,,,

وباقي الشباب ...

تراني محتزم فيكم ...

ما زلت فى إنتظار أرائكم ...
سجّل دخول للرد...