اسألني أنا.
أنا بعت سيارتي الجراند شيروكي 2007 محرك 5.7 HEMI من حوالي شهرين فقط. وسقتها لفترة أربع شهور فقط.
هاي الجيب السودة تشبه سيارتي بالضبط:
حتى إن سيارتي كان شكلها أحلى لأني أضفت عليها كل شي اكسسوارات قدرت أحصله من السوق.
قومة المحرك قوية وبياخذ من 0 حتى 100 كيلو فترة 6 ثواني فقط. طبعاً حسب ادعاءات الصانع إنها بتاخذ 5.8 ثانية فقط.
السيارة قوتها ممتازة وأداءها للمسافات الطويلة جيد جداً.
لكن خياراتها مو كثيرة وحتى موديل الفول ابشون 2007 ما يجي فيه نظام نافيجيشن (ملاحة).
السيارة في البر غير عملية وتعتبر بالفعل من أسوأ السيارات في الصحراء.
سعر سيارتي في الإمارات كان 159 ألف درهم (مع التشطيبات الكروم). طبعاً السعر يشمل تأمين شامل للسنة الأولى وتسجيل.
الحقيقة بعتها لسببين. أولاً حسيت إنها ما تسوى سعرها الغالي! يجوز تستغرب بعد هذا المديح فيها. لكن هاي هي الحقيقة. والسبب الثاني إنها مملة وكلاسيكية وسواقتها ما فيها fun.
كنت لما دوس فيها بنزين يطلع المحرك صوت يحسسك إنو أكبر من حجم استيعاب البونيت يلي فيها. كان مزعج بصوته بالرغم من إن السيارة مجهزة بطاقم كتم صوت متكامل حسب الإدعاء.
لكن صوتها كان ممتاز على السرعات الخفيفة داخل المدينة.
في الطرق يلي فيها تعرجات السيارة ترجف بشكل أكبر من المعقول لدرجة إنك مضطر لتخفيف السرعة مهما حاولت تتماسك أو تتفادى.
السيارة شكلها كلاسيكي شي زيادة. ولو إنت تحب السيارات المميزة يلي سواقتها مرح وتسلية رح تكرهها بسرعة.
السيارة غير مناسبة للشباب بشكل نهائي. والعمر المتوسط لأي واحد يبغى يشتريها لازم يكون فوق الأربعين. يعني لو إنت شاب رح تمل منها وتكرهها بسرعة.
سيارة المحرك الـ HEMI يلي يجي بقياسين 5.7 ليتر و6.0 ليتر الخدمة الشاملة مالتها مكلفة كثير. أكثر من أي سيارة شفروليه أو جيمس.
الاكسسوارات يلي تبيعها الوكالة أو حتى غير الوكالة عددها محدود ومهما حاولت تحسن من شكل السيارة يظل شكلها كلاسيكي وممل.
صدقني لو كبرت شوي حجم فكرتك واختبرت سيارة التاهو من شفروليه رح تلاقيها عملية أكثر وصحراوية أفضل وللمسافات الطويلة أفضل بكثير من الجيب. حتى سعر التاهو أرخص من سعر سيارتي علماً إنو محركها 5.3 ليتر. يعني محرك قوي كفاية.
الكلمة الأخيرة: كانت تجربتي مع الجيب غير موفقة واضطريت أبيع السيارة وأخسر حوالي 18 ألف درهم بسعرها. وكان البيع بصفقة ممتازة لي بعد!
وبالنهاية القرار قرارك.
