شكوى كيدية

السلام عليكم ورحمة الله وبركاته

حبيت اشارك معكم في الموضوع وعندي نقطه اغلبية الاخوان تجاهلوها
أي مشكله ياشباب اذا تبي تعالجها المفروض بأسلوب راقي وتلتزم بالادب وحسن الخلق اللي وصى فيها الرسول صلى الله عليه وسلم وتختار الكلمات اللائقة والمنتدى هذا من المنتديات اللي استفدت منه شخصيا ويسعدني تواجدي فيه وبما ان الموضوع يتعلق بالمراهقين فالاولى تكون الردود باسلوب تربوي بمعنى أن الدعاء عليهم أو السب فيهم والشتم واستخدام الفاظ ماتليق مايقدم ولايأخر في الموضوع لكن يزيده تعقيد يعني لو كل شخص من المشاركين دعى لهم دعوه طيبه وكل شخص قدم نصيحه أخويه بتكون الردود لها مفعول ولاحظت في بعض الرورد عقلانية في الرد فمثلا يقول أن الناس اللي تقابلك وأنت مشغل النور العالي ناس كبار في السن ومعهم اهلهم وناس عندهم حساسيه من الانوار العاليه فالمفروض تتقى الله فيهم وتحب للناس مثل ماتحب لنفسك ولاترضى عليهم بالضرر ( لاضرر ولا ضرار).
وتذكرو ان اللي يستخدم أنوار الزيون له سبب فالبعض يسافر في طرق خطره والنور الاساسي في سيارته سيء للغايه(مثل سيارات الفورد واغلب السيارات اللي شمعاتها عالي وواطي مع بعض) وفيه ناس تستخدمه للزينه وفيه ناس تستخدمه لازعاج الناس والتباهي وبالنسبه للسبب الاول أنا من هالناس لكن يعلم الله أني احاول بقدر المستطاع أني ما أضر احد وماستخدم النور العالي الا في الضروره ولو حسيت اني ضريت احد فوالله هالشيء يضايقني فتخيل انك انت اللي قدامي ودعيت علي وتتوقع اني تعمدت الضرر لك ؟؟ (فالاصل فالمسلم حسن الظن) والى الان وانا افكر اغير انوار الزينون لكن للحاجه ولأاني اسافر على طرق ليست مزدوجه وسيارتي نورها سيء بدون زينون فأنا مضطر استخدمه.
وفي الاخير أقول الله يهديني ويهدي شباب المسلمين لكل خير ويجعلنا مجتمع يطبق الشريعه الاسلاميه ويلتزم بأخلاق السلف الصالح.
هذا مالدي فإن أخطئت فمن نفسي وأن أصبت فمن الله وأتمنى تقبلون رأيي بصدر رحب واختلاف الراي لايفسد للود قضيه.
أخووكم