مناقشة انظمة التعليق المستقلة والمتصلة والأفضلية على الرمال

ما شاء الله تبارك الله، يا شباب وش هالخيانة!! ولا تقولون ولا شيء!

مشكور على الصور الرائعة. وهذه هي الطلعة لكن ما طلعتو السيارة للآخر عشان نشوف مدى المرونة ... ولا سياراتكم ما قدرت عليها ههههه (عشان ما فيها دف لوك)





السيارات مثل اللاند كروزر والفورتشنر والإكستيرا هي في المنتصف، ما بين السيارات مثل الباترول والكبسولة، والسيارات مثل الباث فايندر الجديد والباجيرو. الهدف: الجمع ما بين الأداء والراحة. حصلوا على شيء من أداء فئة الباترول، وشيء من راحة الباث فايندر والباجيرو.

وقد ينظر إليها البعض بنظرة سلبية ويقولون: فقدوا شيء من راحة الباجيرو وشيء من أداء الباترول :)

تعليقهم الأمامي مستقل والخلفي صلب.

هناك العديد من سيارات نيسان التي أعزها، أولها الباترول، ثم الباث فايندر القديم والإكستيرا الجديد.

المسألة ليس الشعار، لكن القدرات. ظلمتني يا أبو الصلح.



يا سلام عليك يا أبو عزام، والله ما قصرت. جزاك الله خير.

طيب ياجماعه ويا اهل الخبره

نفهم من ذا الكلام ان نظامي تعليق الاكستيرا والفورتشنر يحملان نفس الفكره والصفات؟؟

ونظامي الهمر و الاف جي ايضا يحملون نفس الفكره والصفات؟؟؟

واين نصنف الشاص والجيب الربع من هذا كله؟؟؟؟؟

ارجو التعليق على كل نظام تعليق على حده وذكر نقاط ضعفه وقوته من وجهة نظر صاحب الرد.

يلا افيدونا ونورونا ياشباب واشكر صاحب الموضع جزيل الشكر.


وياريت يرفع الموضوع لتجدده يوميا وغزارة معلوماته .

الله يسلمك أخوي الدحبول

تسلم أخوي البنشري ولكن!!

التحميل له آلية أخرى في الدفرنس ولسيت بواسطة يايات ومساعدات لسيارة suv

السيارة الأولى لها مقصات في الأمام ودفرنس في الخلف وهنا تبطل المقارنة

الإنعطافات المفاجئة في الطرق الوعره خطيرة على الدفرنس في حالة السرعة العالية بحيث أنه ينقلب وخطيرة على المقص في السرعة العالية بحيث أنه لا ينعطف تماماً وإنما يكون مع الزحف إلى الأمام قليلاً

الله يعطيك العافية.. سلام

كنت في طلعة مميزة وجميلة مع حبيب الشعب مشرفنا الاخ صالح والاخ آهات الصمت يوم امس في الهافمون واحببت افراد موضوع مستقل ولكن ارى الان ان هذا الموضوع انسب لهذا الطرح ..

الان لدي قناعة بأن الدفرنس الكامل افضل من التعليق المستقل في الصخور وفي [COLOR=red]تحميل الوزن فقط لسيارات النقل وهذا لايعني ان التعليق المستقل سيئا ابدا ولكن يقل عنه بشيء بسيط جدا .. اما في الرمال والخطوط السريعة والثبات والراحة والمنعطفات الحادة فلا منازع ابدا للتعليق المستقل هذا من وجهة نظري ..[/COLOR]

وللعلم الصور المطروحة لايقصد بها نوع السيارة بتاتا وانما انظمة التعليق .. فأرجو ان لايحيد الاخوان عن الموضوع ..

تسلم يا بوعزام
وان اتكلم عن الثقل لانه عندي سيارة مديل قديم له 11 سنة لاندكروزر 1997
ولكن اكيد انحلت هذي المشكلة في السيارات المديلات الحديثة مثل باترول و رنجلر
شباب لاتنسون الكرسيدا كيف إلى الان تجيب دراهم موديل 92 توصل إلى 15 النظيف
صدقوني ماكان مشاء سوق الكامري إلا بعد مانقطعت الكرسيدا
ولو الكرسيد موجودها كان غطات على كرون فيكتوريا وماركز و كابرس لانه دفع خلفي

صح لسانك :cool:

H 1 ســيـــارة عــســـكــريـــة ليمكن ان نحكم عليه وعلى التعليق المسقلة هذي حالة مستثناها
في راي انا الدفرنشين أفضل شئ يعيبه ثقل الطارة شوي
وهو مصمم لاعمال الشاقة وعملي إلا ابعد الحدود
امثله
باترول @ رنجلر @ الجيب شاص تويوتا 07
يليه دفرنش في الخلف و فليور في الامام
هذا تقريبا مصم لعمال شاقة ومريح بس مايجي بقوة الدفرنشين ويلصلح للمدن والمناطق الوعرة
ولكنه المنتشر في أغلب السيارات وعملي
امثله
لاندكروزر @ برادو @ يوكن @ سوبربان @ FJ @ جراند شيروكي @ السيرا @ الشيروكي

التعليق المستقل
ماعرف عنه حاجة بس لزمه وقت على مايطور وينتشر

السلام عليكم

ياحبكم للمشاكل
النقاش عن انظمة التعليق وليس عن سيارة معينة

ابو الخل الكلام عن التعليق المستقل في الهمر او غيرة كفكرة وليس كيفية وضعة اليس كذلك

واعتقد ان هذا هو جوهر الموضوع

اخ كين لو الباث علية علامة تويوتا كان صار كلام ثاني

الاخ ديلايت

مساك الله بالخير
كان الله في عونك

التجربة خير برهان. روح جرب وشوف. أنا مجربه بنفسي، وتعجبت من سهولة الركوب. والدليل على كلامي ... لاحظ أنه لا يوجد دعاسات جانبية.

سياراتنا سبب ارتفاعها أن القطع الميكانيكية تجي تحت المقاعد، لكن في هذه السيارة تجي بين الركاب، وليس تحت المقاعد.

ومن أهم مميزات الهمر H1 الانخفاض العجيب لمركز الثقل، لسببين، أولاً انخفاض السيارة، ثانياً عرضها الرهيب.

And BTW ... the scale in the two pictures is different.

والله يابو الخل .. ما دخلت راسي صراحة

هذا الهمر شوف وتمقل في الصورة



شلون يكون أسهل من الباجيرو



بعدين .. انا ماعلي من الركبه من داخل .. أنا اقصد اذا جيت تدخل السيارة

ياليت تقارن بين إرتفاع الهمر والباجيرو وتشوف من اللي أسهل

عموماً اذا كانت لك وجهة نظر في هالموضوع انا أحترمها

وحياك الله

Kenny

شكله دي لايت قاعد يطبخ لنا طبخة



روح دور على واحد في المعارض وجربه ... صدقني ركبته منخفضة جداً كأنك تركب سيدان. لأنه لا يوجد شيء تحت مقعد السائق إلا الأرض ... جميع الأجزاء الميكانيكية تجي في المنتصف بين الراكبين الأمامين والراكبين الخلفيين.

عسى ما كلفوا على انفسهم بهالتصميم أبو ميزانية مفتوحه :)

بعدين تبي تقنعني انك اذا جيت أركب همر .. بيكون أسهل عليك من ركوب الباجيرو !!!!!!!!

والله عجيب أمرك

يعني تبغى تقول لي أن الفرق بين الهمر H1 والباجيرو هو حجم الكفرات فقط ... أقول، لا يضحك عليك أحد بس.

الهمر H1 لها طريقة ميكانيكية منفردة تتميز بها وحدها عن سائر سيارات العالم بهذا التعليق العجيب، والطريقة التي تمت بها. لا مقارنة بين الإثنين. ولعلمك، الهمر H1 بالرغم من خلوصه العجيب، إلا أن ركوبه أخفض من الباجيرو ومن أي سيارة دفع رباعي حقيقية أخرى، بفضل ذكاء التصميم. لما تكون السيارة تصميمها مدعوم من البنتاجون، وبميزانية مفتوحة، يطلع لك شيء ثاني ... مثلها مثل طائرة الشبح الأمريكية العجيبة.




أنا انبهرت من الباث؟! هو الوحيد إللي غرز في المجموعة.

عشان كذا انا اعطيتك مثل ثاني FJ لما ماطلع الطعس معناه انه تعيس ؟؟؟

( المسج ) اللي حاب اوصلك اياه انه غالبا السائق وطريقه تعامله مع السياره ... لو تلاحظ انا قلت ماجربت السياره بالشكل الكافي ...

السياره امكانيتها عاليه جدا والدليل لما حاولت مع اني قليل الخبره ولكن اجتزت المرحله



عندي اقتراح شباب ( بعد اذن صاحب الموضوع ) لو يتم اضافه استبيان لمقارنه نظام التعليق ونترك الحريه للجميع بدل ماندور في حلقه مغلقه وكل شخص يحاول يثبت انه صح

شخصيا انا اميل للتعليق المستقل

يا حبيب الكل .. هذي فرضية .. وانا لما قلتها أقصد (تركب الكفرات مع التعديلات اللازمة ).. مو خبط لزق :confused:

يا أخي أنا جاوبت أخونا لأنه يقول محد جرب السيارة عشان ما يكون فيه فكرة (والله قالوا)!!

بعدين ما قيمت السيارة ولا لي دخل فيها.. وعلى فكرة أنا أخذتها أول ما نزلت قيادة تجريبية ولم تلبي المطلوب خارج الطرق المعبدة.


بعدين تعال وشلون بتركب كفرات الهمر اللي في الصورة على الباجيرو!!

ما تركب وإذا ركبت بتحك في الرفرف عشان كذا لازم تعدل وترفع السيارة وإذا عدلت ورفعت السيارة نزل مستوى المقص للأسف وأنسحب إلى الداخل وأصبح هناك ميلان وسيكون شكل الإطارين إذا نظرت للسيارة من الأمام مثل المثلث المقلوب.

وطبعاً مالها حل إلا ترهم مقصات أكبر وعكوس وغيره الكثير.. وما نعرف بعد هل بتضبط أو كأنك يا أبو زيد ما غزيت.

وسبق الذكر سابقاً أن الدفرنسات أفضل في التعديل ترفعها على كيفك وتركب اللي تبي وإذا كان هناك مشكله فهي أن القير يطلع له حنه والحنه حلها بإنزال القير قليلاً.

بالتوفيق لك ولجميع الأخوان.. تصبحون على خير