مالفرق بين الكراون فكتوريا والقراند ماركيز .. مساعدتكم ياشباب

شوف اخوي

مثل ماقالو لك الأخوان وازيد عليهم

عندك الفكتوريا مرغوبه عند الشريطية وفي المعارض عندنا بالسعودية كثير مرغوبه

يعني لو بغيت تبيعها فراح تمشي بسرعه اكثر من الماركيز وراح تجيب لك سعر حلو

بالنسبة لي افضل الماركيز

بحكم فخامتها يعني تتميز على الفكتوريا من ناحية الفخامة وكل مرة يتغير الشكل

بالنسبة لقطع الغيار والمكينة كلها نفس بعض ومافي فرق ابدا


بس في ناس تحب الكشخة والراحة والشكل فتاخذ ماركيز

وفي ناس مايهمها الشكل تحب تحرق الموتر حرق ومافي إلا كرف فهذولي ينفع لهم الفكتوريا :d

موضوع الوكالة

طبعا عندك الوكالة الأسعار فيها اغلى من الصالات وبشكل عام الوكالات عندنا خدماتها عادية وسيئة

بجميع انواع السيارات

فلاتحط في بالك هالنقطة كثير

اغلب وكالات السيارات خدماتها سيئة مجرد تجي تراجعهم عشان يسوون لك

صيانة الألف والخمسة آلاف و مع الأسف كلها نصب واحتيال

برأيي المعارض لو بتاخذ جديد وراح توفر لك المبلغ اللي بتدفعة للوكالة

هذا افضل لك بس اهم شي تحافظ على الموتر من ناحية تغيير الزيوت والكشف على السيارة عشان تدوم لك ان شاء الله

والله يوفقك ومبروك مقدما

:)

أتمنى الإجابة على أسئلة [ملامح] فأنا مقدم على شراء سيارة، ومحتار بين القراند ماركيز 2006 والفكتوريا 2006!


مع خالص الشكر لـ عميد الطائف وَ عاشق الفورد

محد عنده إجابة؟

عميد الطائف

أولا عذراً اني ماوضعت الموضوع في القسم المناسب
وثانياً شكرا على المعلومات القيمة..
وثالثاً أفهم من كلامك اني العزل الصوتي في الماركيز أفضل من الفكتوريا؟ يعني هل هالشي ملاحظ بشكل واضح؟ لأنه يهمني بشكل كبير صراحة..

وثالثاً ياليت تفديني بمسألة الوكالات والصالات اللي تبيع الفورد..

شكراً..





$عازف الآهات$

ألف شكر على مرورك عزيزي..





عاشق الفوورد

صدقت بالنسبة للشكل الخارجي محد يختلف معك بأن الماركيز تتفوق بشكل واضح..
لكن أنا يهمني ان السيارة تكون عملية والتفاصيل الأخرى أكثر من الشكل..
كل الشكر لمشاركتك عزيزي عاشق..




فكتوريا دكستر

شكرا ً لنصيحتك..
وياليت أحد يفيدني بمسألة الوكلاء والصالات؟
وهل فيه فرق واضح في السعر بين الفكتوريا والماركيز؟

كلام الاخوان صحيح لكن مع تحفظي
الفكتوريا شبابيه اكثر وأقوى من الماركيز وتقدر تعدل وترهم فيها زي ماتبي عكس القراند
ومن ناحية الفخامه لا والله الفكتوريا وبس
وأحب أذكرك ترى الفكتوريا تنزل فئة الإسبورت السياره الرائده في السعوديه عكس القراند
أنصحك فكتوريا وترى غيرها فاصوليا
تحياتيــ

ماركيز و فكتوريا سياراتين بنفس التصميم و تختلف في المقدمه و الخلفيه و الاكسسوارات الداخليه

وهي شركه واحده فكتوريا ____> فورد
جراند ماركيز __> ميركوري

ولاحظ فورد و ميركوري و لنكون كلها شركه وحده

و جراند ماركيز و فكتوريا قطع الغيار وحده
وكلها عمليه


لكن الوكيل مختلف

وانا افضل الماركيز لانه شكله متجدد دائما من 98 الى 2008 ثلاث تصاميم في الواجه و الخلفيه

وختلافات بسيطه في الداخليه مثل الدركسون والعدادت والمسجل و الكراسي الاماميه و التكايات و
تخشيب الدركسون بعض المواصفات المضافه مثل تسخين المراتب وتحكم بالدواسات و التراكشن و القير الارضي و البوصله و ازرار الكراج و التحكم بالمسجل و التكيف من الدركسون و التكييف الخلفي
و المزيد

اما الفكتوريا نفس الشكل الخارجي من 98 الى 2008 باختلاف الجنوط
والداخليه نفس الماركيز اختلفت بين الموديلات

مابقى شي اقوله كلشي قاله عميد الطائف