شوركم وهداية الله ياشباب المنتدى الغالي

الازيرا حلو جدا لكن ليس بفخامة الاوبيروس
لان شكل الاوبيروس الخارجي قريب جدا السيارات الاوروبية
لكنها بدون شاشة عكس الازيرا فيها شاشة

^^^^^^^^^

يعطيكم العافية اقول مايكرو اذا عندك صلاحية قفل الموضوع عشان مايسوي زحمه في الصفحة الأولى زي المواضيع المثبتة

راحت لك بخمسة

أورط << :D

------------------------



سالفة إنها بتنزل كاملة المواصفات

فهذي في الجنة إن شاء الله .. :(

--------------------------



أقترح عدم الإستعجال بشراء الجيسنسس

السبب مثل ما قال عاشق .. المواصفات

أما عن الأخطاء فهي إن شاء الله بتكون نادرة

:cool:

مشكووووور أخوي techmate
لتوضيح فكرتي لأخوي بندر
وأما بخصوص شاشة المعلومات فهي غير كمبيوتر الرحلات الموجود بالازيرا
فهو يقوم بتوضيح اي باب تم فتحة والشنطة وصورة كاملة للسيارة مع اعطاء اي حساس هو الملتقط للجسم الخارجي ولو فيه كاميرا لكان الوضع أفضل مرتين مثلما هو موجود بالسيارات الفخمة اخوي..

بخصوص اللمبة بالدرج فهي فعلا طلعت موجوده بالازيرا ولاكن بالاوبيروس لونها أبيض

المرايا الجانبية بتعتيم طبعا غير المرآة بالوسط

وأرجع وأقول المحرك الاساسي 3.8لتر من اقل فئة إلا الفل أوبشن

ضمان المصنع ياشباب مو ضمان الوكيل
يعني لو تسافر الى اليمن راح يصلحوها على الضماااااااان إنشاء الله
تحياتي لكم

صحيح راحت عن بالي أخوي techmate

السلام عليكم, أخوي بندر, صح الأزيرا تبدأ من 69000 :) ولكن لمحرك 2.7 :( , لكن إذا ودك بمحرك 3.8 وبمواصفات الأوبيريوس (بدون شاشة) ;) فقيمتها فوق 100,000 :mad:

أخوي عبدالعزيز

بالنسبة للمواصفات إلي تتميز فيها الأوبيروس الي ذكرتها فيها بعض التعديلات أبي اعدلها لك


1- حساسات امامية وخلفية
الأزيرا فيها حساسات خلفية

2-ستائر جانبية
معك حق غير موجودة بالأزيرا

3-جميع النوافذ بلمسه واحده
الازيرا بس النوافذ الامامية للسائق والراكب والخلفية لا

4-شاشة معلومات عن الحساسات والمركبة بوسط الطابلون
مافهمت هذي بس عن شاشة معلومات موجودة بالأزيرا بس إذا تخص الحساسات يكفيك الكاميرا

5-تحكم بالتكييف الخلفي من الخلف
الأزيرا مافيها تحكم خلفي بالمكيف

6-ثلاجة بالوسط مع مصباح LED داخلي
ماهي موجوده بالازيرا بس كيف لمبة LED عندي لمبة بالدرج الاوسط بس ما أدري نفس الأوبيروس أو لا

7-مرايات تنسفط الكترونيا
موجودة كمان بالأزيرا

8-مرايا جانبية بتعتيم ألكتروني
الازيرا بس إلي بالوسط تعتيم أما الخارجية لا

9- محرك اساسي 3.8لتر
موجود بالأزيرا 2008 سواء بملاحة أو بدون

10-سعر ارخص
بالنسبة للأزيرا أسعارها تبدأ من 69000 تقريبا وحولين الأوبيروس

11-ضمان من المصنع 5 سنوات بدون تحديد كيلومترات
الازيرا بعد 5 سنوات بس بس الكيلو مترات 100 ألف كيلو
بس إذا كنت حق سفريات الي بدون تحديد كيلو مترات أفضل في الضمان على الأقل تضمن 5 سنوات

ومثل ماقلت إذا تبي الشاشة أنصحك بالازيرا
وإذا ما تحتاجها انصحك بالاوبيروس

وربي قهر الأوبيروس شكلها أفخم من الأزيرا وما حطوا فيها شاشة

أخوكم بندر

اختيار صائب للسيارة الجديدة , سواء بتشتري أزيرا أو اوبيروس ..

وعلى حسب رأيي , انك تبيع سيارتك ..

وإذا بتاخذ أزيرا 3.8 وشاشة ملاحة , فأتوقع الأوبيروس ما بتندم عليها ..

أما إذا بتاخذ أزيرا دون الفل , فأظن الأوبيروس هي الأفضل !

/

بالنسبة للجينيسس , أتوقع اللي يشتريها أول ما تنزل غلطان , ليس تقليل من شأنها ..

لكن لعدة امور , منها المواصفات وقطع الغيار والعيوب المصنعية(كل شي جايز , بالدفعة الأولى) ..

/

.. وأتمنى لك التوفيق ..

:)

للأسف الاوبيروس 2008 لا يوجد بها ذاكرة
ولاكن تتميز عن الازيرا بكل اختصار بـ:((حسب علمي))
1- حساسات امامية وخلفية
2-ستائر جانبية
3-جميع النوافذ بلمسه واحده
4-شاشة معلومات عن الحساسات والمركبة بوسط الطابلون
5-تحكم بالتكييف الخلفي من الخلف
6-ثلاجة بالوسط مع مصباح LED داخلي
7-مرايات تنسفط الكترونيا
8-مرايا جانبية بتعتيم ألكتروني
9- محرك اساسي 3.8لتر
10-سعر ارخص
11-ضمان من المصنع 5 سنوات بدون تحديد كيلومترات
هذا اللي اذكره للحين:rolleyes:

والأزيرا تتميز بـشاشة الملاحة لحد علمي
وآسف أني طولت عليكم:p
أخوكم أبو عبدالعزيز

شوف المواصفات بتكون على استطاعتك المالية

اذا كنت تستطيع انك تاخذ الفل كامل .... فأكيد بتنزل مواصفات حلوة .... و تقدر تستفسر وتطلب من

الوكيل سواء المجدوعي او الوعلان ... او تطلب من الوكالة فل كامل ... فإذا ماتستطيع مالياً فخذ

الازيرا او الاوبيرس

بس الصراحة مالها داعي تشتري سيارة بنفس فئة السيارة اللي معك وانت تقدر تشتري جينيسس

بفئة اعلى من اللي معك..... فهمت قصدي

الله يوفقك في السيارة اللي بتختارها ....

ولا تنسى تستخير لاي سيارة تاخذها ....

:cool:

طيب نغير شوي توقعاتكم الجينيس لما تنزل بتكزن كامله في المواصفات او بيغيرون بعدها بفتره ؟؟

انا مع مايكرو في الازيرا.....

مع اني اتمنى تشتري جينيسس اذا نزلت لكن الراي رايك

اذا كنت بتخلي الازيرا وتشتري ثانية صعب .... اما تبيع اللي معك وتشتري فل فهذا تمام

مبروووووك مقدما لاي سيارة راح تاخذها ....

:cool:

^^^^^^^^^^^^

تفداك الأزيرا بس بيع لي سيارتك بخمسه
الأوبيروس فيها ذاكرة ؟؟؟؟؟؟؟؟؟؟؟؟

هلا والله أخوي أحب الكوري

بصراحة .. من الخطأ شراء سيارة آخرى لنفس النوع .!

لو تبيع الأزيرا وتشتري الفل كامل صحيح أنا معك

أما تشتري ثانية معها .. في نظري أنه قرار غير صائب

بخصوص الأوبيروس .. والله ما عليها كلام .. لو أقدر

أشتري لي وحده كان شريت ما يعيبها في نظري إلا

شيء واحد وهو شاشة الملاحة .. وصراحة لو تنزل

بشاشة ملاحة كان تغطي على الأزيرا في كل شيء

* عدا شيء بسيط وهو رأي فرد (أنها شبابية أكثر)


إلا ما تبيع الأزيرا حقتك بعشرة .. :D

المشكلة بدايتها كذا رحت لوكالة كيا قلتله ابي أجرب السيارة هذا الكلام الثلاثاء الصبح قال حط رقمك وأكلمك على العصر وللحين ماحولك أحد

اذا كذا التعامل سحب في سحب وهو في مصلحتهم اني اشتريها اجل كيف لو بيدفعون شي من عندهم على الضمان

أخوي الأوبيروسي الأ.يرا في الخط أعرفها زين لو 180 تمشي ماعندك مشكله مع العلم اني ماقد مسكت طريق الا فوق 220 مستحيل انزل بأي حال من الأحوال

لكن أنا ودي اجرب الأوبيروس عشان أقتنع اكثر وننتظر هالوكاله وربي ييسر أشكركم جميعا على الآراء

هلا أخوي أحب الكوري

بالنسبة للأوبيروس من الداخل أشوفها أفخم من الأزيرا
بس مواصفات الأزيرا إلي بالشاشة أحسن من الأوبيروس
فإذا ما يهمك الشاشة خذ الأوبيروس وبقوة
عيب الأوبيروس إنها بدون شاشة ملاحة فما ادري إذا بينزلون او لا

أخوي الأوبيروسي حتى الازيرا تطق 160 وماتحس إنها ماشية 160
الازيرا و الأوبيروس عينين في راس واحد

وعلى فكرة لو نزلت الاوبيروس بشاشة ملاحة وتلفزيون وDVD بتطلع مواصفاتها احلى من الازيرا
بس خلي في بالك إنه الأزيرا تحس إنها شبابيه أكثر من الأوبيروس

ولك الخيار

أخوك بندر

والله انا ياخوي اميل لاابيروس اكثر

السلام عليكم ورحمة الله وبركاته ..

أسمع أخوي أتوقع صعبة تشتري سيارتين نفس الشي الانسان بطبيعته يحب التغيير والتجديد .. وبعدين يا اخوي عندك ازيرا ليه يعني تشتري وحده ثانيه طيب نفرض شريت الازيرا وتغيرت بالموديل الي بعده والله لتتندم قد شعر راسك ... انا انصحك بالأوبيروس والله سيارة ونعم السيارة والله اني اشكر ربي اني شريت ذي السيارة والله سواقتها ممتعة لأبعد درجة حتى على الخطوط الطويلة يا سلااااااام تسرع 160 وانت ماتحس فيها ما شاء الله عليها وما اقول ذا الكلام علشان عندي اوبيروس لا والله كل من ساقها من أخوياي كلهم يقولون نفس الكلام .. وبعدين الأوبيروس الجديدة تتمتع بمحرك جبااار وتسارع أكثر من رائع شوف أخوي تبي نصيحتي رح وكالة كيا وجرب الأوبيروس وأنا متأكد انك بتعجب فيها لأبعد الحدود وبعدين أخوي شكلها ماشاء الله هيبة وأضخم من الأزيرا ....

وشكرا وأي سؤال أو استفسار أخوي أن حاضر وبالخدمة |3| |3|