تكفون ياهل الازيرا بشكي موتركم تعبت روحي والله بصيانتها

اخوي(( احب الكوري)) حطيت استبيان وياليت تشرفني وترد على موضوعي

نادي السيارات اليابانية!!

^^^^^^^^^

حط موضوع لها في قسم الياباني وراح يفيدونك أكثر

لا تبيعها الا و اذا الوكالة صلحتها او بدلتها السيارةجديدة وتحت الضمان

وراي ان الاكورد 6 الافضل بانسبة للسؤال اللي فوق

والسلام

وش تبي اكثر من هذا قلي وانا مستعد اقنعك الله لايوفقني اذا كذبت علييكم


طيب وش رايكم بالاوريون؟؟؟او الاكورد؟؟؟ او الالتيما؟؟؟(( طبعا سته سلندر فل )) ماعادا الاريون باخذ الدرجة الثانية قراندي؟؟

اخوي الغالي مالك غير الوكالة طب في عيونهم
ووريهم اللي يصير معك ولازم يصلحونها
لان عليها ضمان 5 سنوات:cool:

أخوي محتار اظنك حطيت موضوع وقعدت تستهبل علينا قبل كذا وزعلت علينا اذا ماكنت غلطان فلاتتوقع ردة الفعل تكون خير أبدا

بالنسبة للمشكلة أول مره اسمع مشكلة في قير أزيرا ولاحتى قد صارت في سوناتا

بالصراحه حرام عليك تبيع السيارة وهي بعدها جديده وتحت الضمان وخصوصا أن المكينه هي 3.8 ، وبالنسبه لمشكلتك فالضمان راح يشملها وراح يصلحوها لك وإن شاء الله ترجع مثل ما كانت وأحسن ، بس حط في بالك إنهم ما حطوا لك الضمان إلا علشان المشاكل إلي ممكن تصير للسياره وهذه المشاكل موجوده ومحتمل حدوثها في جميع السيارات بدون إستثناء.
وبالنسبه للسعر أتوقع مجرد توقع أنه يكون بين 78000 إلى 85000 ريال على حسب السوق، خصوصا أن الهونداي في آخر السنوات بدأ يمسك سعر زين .
وبالنسبه لأخ إلي سامها بـ45000 أقول له إنت( تحلم ) :eek: .

ترى انا ما اعرف عن سعر الهونداي بالبيع اكيد مو مررررره لكن يطيح بقوه والا خفيف!!





لان شككتوني في واحد من الردود يقول 45 ورد ثاني يقول 85



اخر كلام في حدود كم ؟؟؟

وايش تنصحوني لو ببدلها؟؟؟|3|

وش قصدك يا خوي؟؟؟




عالعموم الي يبي يتاكد يروح للوعلان الي في طريق خريص(( المركز الرئيسي))



سيارتي لوحتها ي ط ق599



بيضاء فيها حكه بسيطه من قدام ماشيه 4491
بالضبط





(( وعيب عليك تكذب الرجاجيل)) كلن يرى الناس بعين طبعه:mad:

مشكلة نادرة.!

بنتظار أخونا محتار

برضوا كلنا بإنتظار رقم الشاصي الطويل أخوي............
ياشباب تأكدوا أولا من الموضوع

هههههههههههههههههه الله يرجك عليك طلعااات قوووية
تصدق عاد كان عند خويي مرسيدس موديل 90 الطويله .. حقت الدوافير D:
يوميا نسوي هالحركه عشرين مره وماشاء الله ماقال قيرها لا ...
شخصيا سويتها بالسوناتا مرتين تقريبا وماشفت فيه شي يحمس اني اكررها :D

اخوي وحده من ثنتين

يالكلتش خربان

أو القير منفرط

عشان تعرف اي وحده فيهم

اذا كانت السياره تمشي بالريوس عادي وماتمشي بالدي معناته القير منفرط
والقير ماينفرط لحاله كذا اكيد انت لاعب فيه او مسوي حركه غلط

واذا انها ماتمشي بالريوس معناته الشغله بسييطه شغله صحن كلتش او شي زي كذا


عالعموم انا كان معي ديسكفري وكنت وانا حاطه على N ادعس كل الدعسه وبعدين D

سويت الحركه ذي 5 مرات وانفرط القير ورجعت البيت بالريوس:D

وكلف القير علينا 36 الف مع انه كان بالضمان بس عشان الحركه الغبيه اللي سويتها (كانت اول مره اسوق اوتو)



زي ماقلتلك اذا انك لاعب فيه (راح عليك الضمان والله يعينك ) واذا خرب من حاله لاتشيل هم ويصلحونه وهم يضحكون


فمان الله:cool:

>>>>> الأخ سايم الجنوط بالكفرات ولا بدون :(

انا اشتري السياره 45تبيع
انا ودي في ازيرا اللي يبغى يبيع انا مستعد

صارت لك اي مشكلة غير القير طيب؟؟>>>>>>>>>> يفكر يشري الـ 3.8

ايضاً نفس القير لم يتغير [ ازيرا من 2006 وسوناتا من 2005 ]

^
^

على فكره الرقم تحصله بالاستماره

تهمني هالسالفه كثير وخصوصاً اني من ملاك الازيرا

موترك وين موجود في اي فرع ومتى دخلته الوكاله ؟

بالنسبه لسعر اعادة البيع ماعندي خبره كافيه

بس انت على كلامك ان موترك فل اوبشن اتوقع مجرد توقع يجيب لك مابين 80 الى 85 الف

وعطنا الاخبار اول بأول

ابشر انشالله اخوي اذا رحت للوكاله

باخذ الرقم وبعطيكي اياه بس ممكن اعرف ليش؟؟؟؟؟؟





عالعموم يوم الاربعاء يطلع التقرير حقها.,,,,

وانشالله خير




وانا الحين معي النترا كانت معي قبل ما اشتري الازيرا ماشاء الله الالنترا سياره رووووعه وخرباتها بسيطه ورخيصه سياره انصح فيها كد في كد




طيب ما جاوبتي على سوالي

لو انزلها المعارض كم تجيب؟؟؟