شريت لي سياره هونداي النترا 2007 جير توماتيك زجاج كهرب وجنوط تحت الفل كامل بدرجه ومن يوم شريتها دخلتها الشركه خمس مرات عشان فيها مشكله تعبتني كثييييييييييييييييير وهي إن هذه السياره تطفي إذا كانت معشقه في (D)أول ما أدوس على دواسة البنزين خفيف يعني عند التقاطعات وعند الأشاره وبعض الأحيان إذا خذيت لي لفه وأنا أمشي شوي شوي بصراحه فضحتني قدام خلق الله كل شوي تطفي وأشغلها الشركه ماعاد أوديها لأني خمس مرات وديتها الشركه وكل مره يقولوا خلاص أوكي وأخذ السياره ونفس المشكله لحد الحين ما وديها أي ورشه لأني أخاف على سيارتي من شغل الورش .عشان كذا ما أدري وش المشكله اللي بسيارتي مدري البخاخ أو المنظم أو عين . تكفوووووووون ساعدوني بأي حل وبأي طريقه أنا تعقدت منها.
