همر H2 مغرز

اسف ماراح اضيع وقتي في موضوعك



لكن في النهاية الكلام على السواق اولا واخيرا


واذا انت فرحان عشان الاندكروزر سحب الباترول في اليوتيوب مقطع فتك يسحب لاند 2006




سعيد بهالدردشة اللطيفه معك



وشكرا لك!!

هلا ومرحبا اخي فيصل بن محمد وعلى راسي والله وهي تجي على عدة اوجه ولكن كلها توقعات وماعليك كل كلامك على راسي وانا مهوب قصدي ارفع قيمة تويوتا بقدر اظهار ضعف الهمر يعني سيارة ب300 الف ودفلوك ومكينة 8 سلندر ويطيح بمنطقة مستوية مثل ذي وينسحب بهايلكس قوية شوية

اما اخي المحتار 2008 فاقول الله يعينك على نفسك وماادري هههههههه عليك ولاعلى المقطع لان المقطع مافيه شي ينزل الكروز بالعكس لو رجعت للمقطع لوجدت ان الكروز رغم ان كفراته مفللة على الاخر الا انه يقاتل ويطلع من التغريزة طلوع على فوق ولا دق الريوس طلع زي سلام عليكم بس السواق مادق ريوس ومااقول الا ان بعض الناس يفضح نفسه بنفسه بعدم فهمه للمقاطع لانه للاسف اظنه ماعمره دخل بر وطعوس
وخذ هذا مقطع لمفخرة الارض اهداء لك مع باقة ورود
[youtube]T-V4uTRqpB4[/youtube]

ويــــــــــــــــــــــــــن الفضيحة




لاتجيب لي واحد غشيم في السواقه ويغرز وتحكم على السيارة بالفشل .....

رح للعاذرية وتفرج واحكم


السواق الفنان عامل مهم في البر


واذا مو مقتنع تفرج على هالمقطع!.!.!

http://www.youtube.com/watch?v=ZOPXQSKUYoA



ها الحين وش رايك بتويوتا


هههههههههههههههههههههه

شكرا على المقطع حلووو كتير و مع تحياتي &عاشق الليل&:cool: :)

هههههههههه وش اللي في المقطع ؟ هايلوكس تل همر أي تتل والسواق له دور والتنسيم له دور
بعدين ياناس الهمر صخري وثقييييييييييييييل لكن يمشي في البر وانا جربته بس مو ذنب غشامة السواق

هلابك يااسد الهيجا

السواق له دور في مثل هذه الامور وعلى فكرة ترى وضع السيارة له دور يعني هذامنسم وهذا مانسم

وهذا غشيم وهذا خبره بالسحب وهذا مشغل الدبل الثقيل وهذا مشغل الدبل الخفيف وووووو الخ

عموما انا من مؤيدي تويوتا وحتى لو لم املكها ولكنها سيارات ذات اعتماديه واكثر تماسك

لا من الهايلكس ولا من ناحية الجيوب الشاص والاند كروزر والسيارات المتوسطه افالون والسيارات

الصغيره كورلا ويارس


واخيرا وجهات نظر لاتفسد الود قضية ويعطيك العافيه على المقطع

هلا والله وحياك الله اخوي ابو انس وشرفني مرورك

هلا والله اخوي فيصل اما كلامك فمع احترامي ومن خلال تجربتي لااعتقد ذلك فقبل حوالي شهرين
كان مع واحد من اصحابنا جيب الانفنيتي اللي مثل الارمادا وغرز به وجاه صاحبي ومعه باثفايندر
2005 وطاح قدامه وكان قريب منا راعي ابل وعنده شاص ابو شنب من القدم وشبك الواير وسحب
الانفينتي باسهل مايمكن ولاكنه شي

الموضوع عادي جدا همر كفراته ملينه هواء ومتعلق وجاء هايلكوس دبل او ددسن دبل

او جيب رانجلر او جيب باثفايندر وسحبه ومتله متل وطلع الهمر


شي طبيعي قبل فتره شفر سييرا دبل غرز معنا وسحبناه بالددسن 2005 بدون دبل

لكن بمتل اول مامتلناه طلع من التعليقه على طول مثل الهمر اللي بالمقطع


اما بالنسبة للتويوتا سياراتها ماعليها كلام اعتماديه وقوة

المقطع له الكثير من التحليلات ولكن يضل المقطع مبهر !!!

أشكرك أخي أسد الهيجا

أخوك أبوأنس

هلا هلا بالاخوان شرفتوني بدخول موضوعي الله يحيكم ومشكورين على ردودكم
وبالنسبة لاخي ابوخميس اقول انت فسرت الماء بعد الجهد بالماء يعني اكيد سيارة اربعة سلندر ووزنها 1200 -1500 كيلو جرام تقريبا وسعة محركها 2400 ( هذا الهايلوكس القديم على فكرة لايطلع واحد يقول 2700 ) ماراح تقدر تسحب سيارة مكينتها ثمانية سلندر ووزنها 3000 كيلو جرام وسعة محركها 6 لترات بالراحة لازم تجرها جرة تاديبية عشان تعرفها ماهي تويوتا

هههههههههههههههههه...
ولله قوي يا التويوتا و هذي عادتهم انهم يثبتون جدارتهم في كل مكان...
يعطيك العافيه على الموضوع و تقبل مروري اخوك charger rt,,,

بسم الله الرحمن الرحيم
مفي شك أن بتويوتا قوية بدفع والسحب

أن أتوق أن تويوتا أقوة من الددسن

والله أن هلوكس عجيب

لو أنــه ســاحبــه براحــه مافــي أمــل يطلــع
لكــن الهايلوكس تالـــه يعــني شـــي عـــادي

هلا حياك الله اخوي عمر ويشرفني مرورك
وكيف ماتباني اسميها فضيحة عندما يسحب الهايلكس ابو اربعة سلندر الهمر ابو 8 سلندر
وبعدين وين فارق الوزن لصالح التويوتا الله يهديك يعني لو هي في نزلة قلت لك نعم ليست فضيحة
لكنها في ارض مستوية وشديدة الوعورة والوزن الله يهديك لصالح الهمر مافيها جدال